Galates 2
Vulgate

1 deinde post annos quattuordecim iterum ascendi Hierosolyma cum Barnaba adsumpto et Tito
Galates 2.13 Galates 2.3 Tite 1.4 2 Corinthiens 8.23 1 Corinthiens 9.6
2 ascendi autem secundum revelationem et contuli cum illis evangelium quod praedico in gentibus seorsum autem his qui videbantur ne forte in vacuum currerem aut cucurrissem
Philippiens 2.16 Galates 2.9 Actes 15.12 1 Corinthiens 2.2 Actes 15.4
3 sed neque Titus qui mecum erat cum esset gentilis conpulsus est circumcidi
Actes 16.3 Galates 5.2-5.6 1 Corinthiens 9.20-9.21 2 Corinthiens 2.13 Actes 15.24
4 sed propter subintroductos falsos fratres qui subintroierunt explorare libertatem nostram quam habemus in Christo Iesu ut nos in servitutem redigerent
2 Corinthiens 11.26 Jude 1.4 Galates 5.1 Actes 15.1 Actes 15.24
5 quibus neque ad horam cessimus subiectioni ut veritas evangelii permaneat apud vos
Galates 2.14 Colossiens 1.5 Galates 4.16 Galates 3.1-3.2 1 Thessaloniciens 2.13
6 ab his autem qui videbantur esse aliquid quales aliquando fuerint nihil mea interest Deus personam hominis non accipit mihi enim qui videbantur nihil contulerunt
2 Corinthiens 12.11 Actes 10.34 Galates 6.3 2 Corinthiens 11.5 Galates 2.2
7 sed e contra cum vidissent quod creditum est mihi evangelium praeputii sicut Petro circumcisionis
1 Thessaloniciens 2.4 Galates 1.16 Galates 2.9 Actes 9.15 1 Timothée 1.11
8 qui enim operatus est Petro in apostolatum circumcisionis operatus est et mihi inter gentes
1 Corinthiens 1.5-1.7 Actes 19.26 Actes 21.19 Actes 26.17-26.18 Actes 14.3-14.11
9 et cum cognovissent gratiam quae data est mihi Iacobus et Cephas et Iohannes qui videbantur columnae esse dextras dederunt mihi et Barnabae societatis ut nos in gentes ipsi autem in circumcisionem
Romains 12.3 Apocalypse 3.12 Galates 2.2 Romains 1.5 Ephésiens 2.20
10 tantum ut pauperum memores essemus quod etiam sollicitus fui hoc ipsum facere
Actes 24.17 Hébreux 13.16 Jacques 2.15-2.16 Actes 11.29-11.30 1 Corinthiens 16.1-16.2
11 cum autem venisset Cephas Antiochiam in faciem ei restiti quia reprehensibilis erat
Actes 15.1 1 Timothée 5.20 2 Corinthiens 12.11 Matthieu 16.17-16.18 Jonas 4.3-4.4
12 prius enim quam venirent quidam ab Iacobo cum gentibus edebat cum autem venissent subtrahebat et segregabat se timens eos qui ex circumcisione erant
Actes 10.28 Luc 15.2 Actes 11.2-11.3 Galates 2.9 Ephésiens 3.6
13 et simulationi eius consenserunt ceteri Iudaei ita ut et Barnabas duceretur ab eis in illa simulatione
1 Corinthiens 5.6 Ephésiens 4.14 1 Corinthiens 15.33 Galates 2.1 1 Corinthiens 12.2
14 sed cum vidissem quod non recte ambularent ad veritatem evangelii dixi Cephae coram omnibus si tu cum Iudaeus sis gentiliter et non iudaice vivis quomodo gentes cogis iudaizare
Actes 10.28 Galates 2.5 Proverbes 2.7 Actes 15.10-15.11 Psaumes 84.11
15 nos natura Iudaei et non ex gentibus peccatores
Ephésiens 2.3 Tite 3.3 Romains 3.9 Ephésiens 2.11-2.12 Matthieu 9.11
16 scientes autem quod non iustificatur homo ex operibus legis nisi per fidem Iesu Christi et nos in Christo Iesu credidimus ut iustificemur ex fide Christi et non ex operibus legis propter quod ex operibus legis non iustificabitur omnis caro
Philippiens 3.9 Psaumes 143.2 Romains 3.19-3.28 Romains 9.30 2 Pierre 1.1
17 quod si quaerentes iustificari in Christo inventi sumus et ipsi peccatores numquid Christus peccati minister est absit
Romains 6.1-6.2 Galates 2.15 Romains 3.6 1 Jean 3.5 Romains 3.4
18 si enim quae destruxi haec iterum aedifico praevaricatorem me constituo
Galates 4.9-4.12 Galates 2.4-2.5 Galates 2.12-2.16 Galates 5.11 Romains 14.15
19 ego enim per legem legi mortuus sum ut Deo vivam Christo confixus sum cruci
Romains 6.11 Romains 7.4 Romains 6.2 2 Corinthiens 5.15 Hébreux 9.14
20 vivo autem iam non ego vivit vero in me Christus quod autem nunc vivo in carne in fide vivo Filii Dei qui dilexit me et tradidit se ipsum pro me
Romains 6.4-6.6 Galates 5.24 2 Corinthiens 4.10-4.11 2 Corinthiens 5.15 Colossiens 3.3-3.4
21 non abicio gratiam Dei si enim per legem iustitia ergo Christus gratis mortuus est
Galates 3.21 Galates 5.2-5.4 1 Corinthiens 15.14 Galates 2.16 Hébreux 7.11