Philippiens 3
Vulgate

¹ de cetero fratres mei gaudete in Domino eadem vobis scribere mihi quidem non pigrum vobis autem necessarium Philippiens 4.4 2 Corinthiens 13.11 1 Thessaloniciens 5.16 Philippiens 4.8 1 Pierre 4.13
² videte canes videte malos operarios videte concisionem 2 Corinthiens 11.13 Galates 5.15 Psaumes 22.16 Tite 1.16 Esaïe 56.10-56.11
³ nos enim sumus circumcisio qui spiritu Deo servimus et gloriamur in Christo Iesu et non in carne fiduciam habentes Colossiens 2.11 Romains 2.25-2.29 Deutéronome 30.6 Romains 4.11-4.12 Galates 6.13-6.15
⁴ quamquam ego habeam confidentiam et in carne si quis alius videtur confidere in carne ego magis 2 Corinthiens 11.18-11.22
⁵ circumcisus octava die ex genere Israhel de tribu Beniamin Hebraeus ex Hebraeis secundum legem Pharisaeus 2 Corinthiens 11.22 Romains 11.1 Actes 23.6 Actes 22.3 Genèse 17.12
⁶ secundum aemulationem persequens ecclesiam Dei secundum iustitiam quae in lege est conversatus sine querella Actes 8.3 Actes 22.3-22.4 Galates 1.13-1.14 Actes 26.9-26.10 Marc 10.20-10.21
⁷ sed quae mihi fuerunt lucra haec arbitratus sum propter Christum detrimenta Luc 14.33 Proverbes 13.8 Philippiens 3.8-3.10 Luc 14.26 Matthieu 16.26
⁸ verumtamen existimo omnia detrimentum esse propter eminentem scientiam Iesu Christi Domini mei propter quem omnia detrimentum feci et arbitror ut stercora ut Christum lucri faciam 2 Pierre 1.3 Jean 17.3 Jérémie 9.23-9.24 Actes 20.24 Philippiens 3.10
⁹ et inveniar in illo non habens meam iustitiam quae ex lege est sed illam quae ex fide est Christi quae ex Deo est iustitia in fide 1 Corinthiens 1.30 Romains 8.1 2 Corinthiens 5.21 Romains 1.17 Philippiens 3.6
¹⁰ ad agnoscendum illum et virtutem resurrectionis eius et societatem passionum illius configuratus morti eius Romains 8.17 Philippiens 3.8 2 Timothée 2.11-2.12 Galates 2.20 Romains 6.3-6.11
¹¹ si quo modo occurram ad resurrectionem quae est ex mortuis Actes 26.7 Apocalypse 20.5 Luc 20.35-20.36 Actes 23.6 Hébreux 11.35
¹² non quod iam acceperim aut iam perfectus sim sequor autem si conprehendam in quo et conprehensus sum a Christo Iesu 1 Timothée 6.11-6.12 Philippiens 3.13-3.14 Osée 6.3 1 Timothée 6.19 Esaïe 51.1
¹³ fratres ego me non arbitror conprehendisse unum autem quae quidem retro sunt obliviscens ad ea vero quae sunt in priora extendens me Luc 9.62 Hébreux 12.1-12.2 Hébreux 6.1 Philippiens 3.8 Philippiens 3.12
¹⁴ ad destinatum persequor ad bravium supernae vocationis Dei in Christo Iesu 1 Corinthiens 9.24 1 Pierre 5.10 Apocalypse 3.21 Romains 8.28-8.30 2 Corinthiens 4.17-5.1
¹⁵ quicumque ergo perfecti hoc sentiamus et si quid aliter sapitis et hoc vobis Deus revelabit Galates 5.10 1 Corinthiens 2.6 Proverbes 2.3-2.6 Jean 7.17 Luc 11.13
¹⁶ verumtamen ad quod pervenimus ut idem sapiamus et in eadem permaneamus regula Galates 6.16 Colossiens 2.6 Apocalypse 3.3 Apocalypse 2.4-2.5 Philippiens 1.27
¹⁷ imitatores mei estote fratres et observate eos qui ita ambulant sicut habetis formam nos 1 Corinthiens 4.16 1 Pierre 5.3 Philippiens 4.9 2 Thessaloniciens 3.9 1 Thessaloniciens 1.6
¹⁸ multi enim ambulant quos saepe dicebam vobis nunc autem et flens dico inimicos crucis Christi Esaïe 8.11 Galates 1.7 Galates 6.12 Jérémie 13.17 Ephésiens 4.17
¹⁹ quorum finis interitus quorum deus venter et gloria in confusione ipsorum qui terrena sapiunt Romains 16.18 2 Pierre 2.3 Romains 8.5-8.7 2 Corinthiens 11.15 2 Pierre 2.1
²⁰ nostra autem conversatio in caelis est unde etiam salvatorem expectamus Dominum Iesum Christum Ephésiens 2.19 Colossiens 3.1-3.3 Hébreux 12.22 2 Corinthiens 4.18-5.1 Ephésiens 2.6
²¹ qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia Colossiens 3.4 1 Corinthiens 15.42-15.56 1 Jean 3.2 Romains 8.29 Ephésiens 1.19-1.20