Esaïe 3.25
Septante

Jugement des habitants de Jérusalem

¹ ἰδοὺ δὴ ὁ δεσπότης κύριος σαβαωθ ἀφελεῖ ἀπὸ τῆς Ιουδαίας καὶ ἀπὸ Ιερουσαλημ ἰσχύοντα καὶ ἰσχύουσαν ἰσχὺν ἄρτου καὶ ἰσχὺν ὕδατος.
Lévitique 26.26 Esaïe 1.24 Esaïe 51.22 Jérémie 38.9 Esaïe 2.22
² γίγαντα καὶ ἰσχύοντα καὶ ἄνθρωπον πολεμιστὴν καὶ δικαστὴν καὶ προφήτην καὶ στοχαστὴν καὶ πρεσβύτερον.
Ezéchiel 17.13 Amos 2.3 2 Rois 24.14-24.16 Esaïe 2.13-2.15 Lamentations 5.12-5.14
³ καὶ πεντηκόνταρχον καὶ θαυμαστὸν σύμβουλον καὶ σοφὸν ἀρχιτέκτονα καὶ συνετὸν ἀκροατήν.
Deutéronome 1.15 Exode 4.10 Exode 18.21 Juges 8.18 Exode 4.14-4.16
⁴ καὶ ἐπιστήσω νεανίσκους ἄρχοντας αὐτῶν καὶ ἐμπαῖκται κυριεύσουσιν αὐτῶν.
Ecclésiaste 10.16 2 Chroniques 36.5 1 Rois 3.7-3.9 2 Chroniques 36.2 2 Chroniques 33.1
⁵ καὶ συμπεσεῖται ὁ λαός ἄνθρωπος πρὸς ἄνθρωπον καὶ ἄνθρωπος πρὸς τὸν πλησίον αὐτοῦ προσκόψει τὸ παιδίον πρὸς τὸν πρεσβύτην ὁ ἄτιμος πρὸς τὸν ἔντιμον.
Jérémie 9.3-9.8 2 Rois 2.23 Esaïe 11.13 Job 30.1-30.12 Amos 4.1
⁶ ὅτι ἐπιλήμψεται ἄνθρωπος τοῦ ἀδελφοῦ αὐτοῦ ἢ τοῦ οἰκείου τοῦ πατρὸς αὐτοῦ λέγων ἱμάτιον ἔχεις ἀρχηγὸς ἡμῶν γενοῦ καὶ τὸ βρῶμα τὸ ἐμὸν ὑπὸ σὲ ἔστω.
Esaïe 4.1 Jean 6.15 Juges 11.6-11.8
⁷ καὶ ἀποκριθεὶς ἐρεῖ ἐν τῇ ἡμέρᾳ ἐκείνῃ οὐκ ἔσομαί σου ἀρχηγός οὐ γὰρ ἔστιν ἐν τῷ οἴκῳ μου ἄρτος οὐδὲ ἱμάτιον οὐκ ἔσομαι ἀρχηγὸς τοῦ λαοῦ τούτου.
Osée 5.13 Esaïe 58.12 Osée 6.1 Apocalypse 10.5-10.6 Jérémie 14.19
⁸ ὅτι ἀνεῖται Ιερουσαλημ καὶ ἡ Ιουδαία συμπέπτωκεν καὶ αἱ γλῶσσαι αὐτῶν μετὰ ἀνομίας τὰ πρὸς κύριον ἀπειθοῦντες διότι νῦν ἐταπεινώθη ἡ δόξα αὐτῶν.
Habakuk 1.13 Esaïe 57.4 Jérémie 26.6 2 Chroniques 33.6-33.7 Lamentations 5.16-5.17
⁹ καὶ ἡ αἰσχύνη τοῦ προσώπου αὐτῶν ἀντέστη αὐτοῖς τὴν δὲ ἁμαρτίαν αὐτῶν ὡς Σοδομων ἀνήγγειλαν καὶ ἐνεφάνισαν οὐαὶ τῇ ψυχῇ αὐτῶν διότι βεβούλευνται βουλὴν πονηρὰν καθ’ ἑαυτῶν.
Genèse 13.13 Proverbes 8.36 Psaumes 73.6-73.7 Lamentations 5.16 2 Rois 9.30
¹⁰ εἰπόντες δήσωμεν τὸν δίκαιον ὅτι δύσχρηστος ἡμῖν ἐστιν τοίνυν τὰ γενήματα τῶν ἔργων αὐτῶν φάγονται.
Deutéronome 28.1-28.14 Ecclésiaste 8.12 Psaumes 128.1-128.2 Ezéchiel 18.9-18.19 Ezéchiel 9.4
¹¹ οὐαὶ τῷ ἀνόμῳ πονηρὰ κατὰ τὰ ἔργα τῶν χειρῶν αὐτοῦ συμβήσεται αὐτῷ.
Esaïe 48.22 Esaïe 65.13-65.15 Ecclésiaste 8.13 Deutéronome 28.15-28.68 Psaumes 1.3-1.5
¹² λαός μου οἱ πράκτορες ὑμῶν καλαμῶνται ὑμᾶς καὶ οἱ ἀπαιτοῦντες κυριεύουσιν ὑμῶν λαός μου οἱ μακαρίζοντες ὑμᾶς πλανῶσιν ὑμᾶς καὶ τὸν τρίβον τῶν ποδῶν ὑμῶν ταράσσουσιν.
Esaïe 3.4 Nahum 3.13 Matthieu 15.14 Matthieu 23.13 Esaïe 28.14-28.15
¹³ ἀλλὰ νῦν καταστήσεται εἰς κρίσιν κύριος καὶ στήσει εἰς κρίσιν τὸν λαὸν αὐτοῦ.
Michée 6.2 Psaumes 12.5 Proverbes 22.22-22.23 Osée 4.1-4.2 Proverbes 23.10-23.11
¹⁴ αὐτὸς κύριος εἰς κρίσιν ἥξει μετὰ τῶν πρεσβυτέρων τοῦ λαοῦ καὶ μετὰ τῶν ἀρχόντων αὐτοῦ ὑμεῖς δὲ τί ἐνεπυρίσατε τὸν ἀμπελῶνά μου καὶ ἡ ἁρπαγὴ τοῦ πτωχοῦ ἐν τοῖς οἴκοις ὑμῶν.
Job 22.4 Psaumes 143.2 Michée 6.10 Psaumes 14.4 Esaïe 5.7
¹⁵ τί ὑμεῖς ἀδικεῖτε τὸν λαόν μου καὶ τὸ πρόσωπον τῶν πτωχῶν καταισχύνετε.
Psaumes 94.5 Jonas 1.6 Amos 8.4-8.6 Amos 2.6-2.7 Exode 5.14
¹⁶ τάδε λέγει κύριος ἀνθ’ ὧν ὑψώθησαν αἱ θυγατέρες Σιων καὶ ἐπορεύθησαν ὑψηλῷ τραχήλῳ καὶ ἐν νεύμασιν ὀφθαλμῶν καὶ τῇ πορείᾳ τῶν ποδῶν ἅμα σύρουσαι τοὺς χιτῶνας καὶ τοῖς ποσὶν ἅμα παίζουσαι.
Esaïe 4.4 Esaïe 32.9-32.11 Ezéchiel 16.49-16.50 Matthieu 21.5 Cantique 3.11
¹⁷ καὶ ταπεινώσει ὁ θεὸς ἀρχούσας θυγατέρας Σιων καὶ κύριος ἀποκαλύψει τὸ σχῆμα αὐτῶν.
Jérémie 13.22 Lévitique 13.43-13.44 Esaïe 47.2-47.3 Michée 1.11 Deutéronome 28.27
¹⁸ ἐν τῇ ἡμέρᾳ ἐκείνῃ καὶ ἀφελεῖ κύριος τὴν δόξαν τοῦ ἱματισμοῦ αὐτῶν καὶ τοὺς κόσμους αὐτῶν καὶ τὰ ἐμπλόκια καὶ τοὺς κοσύμβους καὶ τοὺς μηνίσκους.
Juges 8.21 Juges 8.26
¹⁹ καὶ τὸ κάθεμα καὶ τὸν κόσμον τοῦ προσώπου αὐτῶν.
Genèse 24.53 Exode 35.22 Nombres 31.50 Genèse 24.22 Genèse 24.30
²⁰ καὶ τὴν σύνθεσιν τοῦ κόσμου τῆς δόξης καὶ τοὺς χλιδῶνας καὶ τὰ ψέλια καὶ τὸ ἐμπλόκιον καὶ τὰ περιδέξια καὶ τοὺς δακτυλίους καὶ τὰ ἐνώτια.
Exode 39.28 Genèse 35.4 Ezéchiel 16.12 Exode 32.2 Osée 2.13
²¹ καὶ τὰ περιπόρφυρα καὶ τὰ μεσοπόρφυρα.
Genèse 24.47 Ezéchiel 16.12 Cantique 5.14 1 Timothée 2.9-2.10 1 Pierre 3.3-3.4
²² καὶ τὰ ἐπιβλήματα τὰ κατὰ τὴν οἰκίαν καὶ τὰ διαφανῆ λακωνικὰ.
²³ καὶ τὰ βύσσινα καὶ τὰ ὑακίνθινα καὶ τὰ κόκκινα καὶ τὴν βύσσον σὺν χρυσίῳ καὶ ὑακίνθῳ συγκαθυφασμένα καὶ θέριστρα κατάκλιτα.
Exode 38.8 Apocalypse 19.8 Luc 16.19 1 Chroniques 15.27 Genèse 24.65
²⁴ καὶ ἔσται ἀντὶ ὀσμῆς ἡδείας κονιορτός καὶ ἀντὶ ζώνης σχοινίῳ ζώσῃ καὶ ἀντὶ τοῦ κόσμου τῆς κεφαλῆς τοῦ χρυσίου φαλάκρωμα ἕξεις διὰ τὰ ἔργα σου καὶ ἀντὶ τοῦ χιτῶνος τοῦ μεσοπορφύρου περιζώσῃ σάκκον.
Esaïe 22.12 Ezéchiel 27.31 Lamentations 2.10 Esaïe 15.3 Amos 8.10
²⁵ καὶ ὁ υἱός σου ὁ κάλλιστος ὃν ἀγαπᾷς μαχαίρᾳ πεσεῖται καὶ οἱ ἰσχύοντες ὑμῶν μαχαίρᾳ πεσοῦνται.
Lamentations 2.21 Jérémie 14.18 Jérémie 21.9 Amos 9.10 2 Chroniques 29.9
²⁶ καὶ ταπεινωθήσονται καὶ πενθήσουσιν αἱ θῆκαι τοῦ κόσμου ὑμῶν καὶ καταλειφθήσῃ μόνη καὶ εἰς τὴν γῆν ἐδαφισθήσῃ.
Jérémie 14.2 Lamentations 2.10 Lamentations 1.4 Job 2.13 Esaïe 47.1