Jérémie 2.7
Septante

Reproches à la population de Juda

¹
Jérémie 23.28 2 Pierre 1.21 Jérémie 1.11 Jérémie 7.1 Hébreux 1.1
² καὶ εἶπεν τάδε λέγει κύριος ἐμνήσθην ἐλέους νεότητός σου καὶ ἀγάπης τελειώσεώς σου τοῦ ἐξακολουθῆσαί σε τῷ ἁγίῳ Ισραηλ λέγει κύριος.
Ezéchiel 16.8 Ezéchiel 16.60 Deutéronome 2.7 Jérémie 11.6 Jérémie 7.2
³ ἅγιος Ισραηλ τῷ κυρίῳ ἀρχὴ γενημάτων αὐτοῦ πάντες οἱ ἔσθοντες αὐτὸν πλημμελήσουσιν κακὰ ἥξει ἐπ’ αὐτούς φησὶν κύριος.
Jacques 1.18 Deutéronome 7.6 Jérémie 50.7 Esaïe 41.11 Apocalypse 14.4
⁴ ἀκούσατε λόγον κυρίου οἶκος Ιακωβ καὶ πᾶσα πατριὰ οἴκου Ισραηλ.
Osée 4.1 Jérémie 33.24 Jérémie 44.24-44.26 Jérémie 5.21 Jérémie 7.2
⁵ τάδε λέγει κύριος τί εὕροσαν οἱ πατέρες ὑμῶν ἐν ἐμοὶ πλημμέλημα ὅτι ἀπέστησαν μακρὰν ἀπ’ ἐμοῦ καὶ ἐπορεύθησαν ὀπίσω τῶν ματαίων καὶ ἐματαιώθησαν.
2 Rois 17.15 Romains 1.21 Jérémie 10.14-10.15 Deutéronome 32.21 Jonas 2.8
⁶ καὶ οὐκ εἶπαν ποῦ ἐστιν κύριος ὁ ἀναγαγὼν ἡμᾶς ἐκ γῆς Αἰγύπτου ὁ καθοδηγήσας ἡμᾶς ἐν τῇ ἐρήμῳ ἐν γῇ ἀπείρῳ καὶ ἀβάτῳ ἐν γῇ ἀνύδρῳ καὶ ἀκάρπῳ ἐν γῇ ἐν ᾗ οὐ διώδευσεν ἐν αὐτῇ οὐθὲν καὶ οὐ κατῴκησεν ἐκεῖ υἱὸς ἀνθρώπου.
Deutéronome 32.10 Osée 13.4 Esaïe 63.11-63.13 Deutéronome 8.14-8.16 Psaumes 23.4
⁷ καὶ εἰσήγαγον ὑμᾶς εἰς τὸν Κάρμηλον τοῦ φαγεῖν ὑμᾶς τοὺς καρποὺς αὐτοῦ καὶ τὰ ἀγαθὰ αὐτοῦ καὶ εἰσήλθατε καὶ ἐμιάνατε τὴν γῆν μου καὶ τὴν κληρονομίαν μου ἔθεσθε εἰς βδέλυγμα.
Deutéronome 8.7-8.9 Jérémie 16.18 Nombres 13.27 Psaumes 106.38-106.39 Néhémie 9.25
⁸ οἱ ἱερεῖς οὐκ εἶπαν ποῦ ἐστιν κύριος καὶ οἱ ἀντεχόμενοι τοῦ νόμου οὐκ ἠπίσταντό με καὶ οἱ ποιμένες ἠσέβουν εἰς ἐμέ καὶ οἱ προφῆται ἐπροφήτευον τῇ Βααλ καὶ ὀπίσω ἀνωφελοῦς ἐπορεύθησαν.
Habakuk 2.18 Jérémie 10.21 Jérémie 5.31 Jean 16.3 2 Corinthiens 4.2
⁹ διὰ τοῦτο ἔτι κριθήσομαι πρὸς ὑμᾶς λέγει κύριος καὶ πρὸς τοὺς υἱοὺς τῶν υἱῶν ὑμῶν κριθήσομαι.
Ezéchiel 20.35-20.36 Jérémie 2.35 Michée 6.2 Exode 20.5 Lévitique 20.5
¹⁰ διότι διέλθετε εἰς νήσους Χεττιιμ καὶ ἴδετε καὶ εἰς Κηδαρ ἀποστείλατε καὶ νοήσατε σφόδρα καὶ ἴδετε εἰ γέγονεν τοιαῦτα.
Psaumes 120.5 1 Chroniques 1.7 Esaïe 21.16 Ezéchiel 27.6 1 Corinthiens 5.1
¹¹ εἰ ἀλλάξονται ἔθνη θεοὺς αὐτῶν καὶ οὗτοι οὔκ εἰσιν θεοί ὁ δὲ λαός μου ἠλλάξατο τὴν δόξαν αὐτοῦ ἐξ ἧς οὐκ ὠφεληθήσονται.
Jérémie 16.20 Esaïe 37.19 Romains 1.23 Psaumes 106.20 Michée 4.5
¹² ἐξέστη ὁ οὐρανὸς ἐπὶ τούτῳ καὶ ἔφριξεν ἐπὶ πλεῖον σφόδρα λέγει κύριος.
Esaïe 1.2 Matthieu 27.45 Deutéronome 32.1 Jérémie 22.29 Matthieu 27.50-27.53
¹³ ὅτι δύο πονηρὰ ἐποίησεν ὁ λαός μου ἐμὲ ἐγκατέλιπον πηγὴν ὕδατος ζωῆς καὶ ὤρυξαν ἑαυτοῖς λάκκους συντετριμμένους οἳ οὐ δυνήσονται ὕδωρ συνέχειν.
Psaumes 36.9 Jean 4.14 Jérémie 17.13 Apocalypse 22.1 Esaïe 55.2
¹⁴ μὴ δοῦλός ἐστιν Ισραηλ ἢ οἰκογενής ἐστιν διὰ τί εἰς προνομὴν ἐγένετο.
Exode 4.22 Esaïe 50.1 Ecclésiaste 2.7 Genèse 15.3
¹⁵ ἐπ’ αὐτὸν ὠρύοντο λέοντες καὶ ἔδωκαν τὴν φωνὴν αὐτῶν οἳ ἔταξαν τὴν γῆν αὐτοῦ εἰς ἔρημον καὶ αἱ πόλεις αὐτοῦ κατεσκάφησαν παρὰ τὸ μὴ κατοικεῖσθαι.
Jérémie 4.7 Jérémie 50.17 Esaïe 5.29 Esaïe 1.7 Jérémie 9.11
¹⁶ καὶ υἱοὶ Μέμφεως καὶ Ταφνας ἔγνωσάν σε καὶ κατέπαιζόν σου.
Jérémie 46.14 Jérémie 43.7-43.9 Jérémie 44.1 Esaïe 19.13 Deutéronome 33.20
¹⁷ οὐχὶ ταῦτα ἐποίησέν σοι τὸ καταλιπεῖν σε ἐμέ λέγει κύριος ὁ θεός σου.
Jérémie 4.18 Deutéronome 28.15-28.68 Lévitique 26.15-26.46 Jérémie 2.13 Jérémie 2.19
¹⁸ καὶ νῦν τί σοι καὶ τῇ ὁδῷ Αἰγύπτου τοῦ πιεῖν ὕδωρ Γηων καὶ τί σοι καὶ τῇ ὁδῷ Ἀσσυρίων τοῦ πιεῖν ὕδωρ ποταμῶν.
Josué 13.3 Esaïe 31.1 Jérémie 2.36 Osée 7.11 Osée 5.13
¹⁹ παιδεύσει σε ἡ ἀποστασία σου καὶ ἡ κακία σου ἐλέγξει σε καὶ γνῶθι καὶ ἰδὲ ὅτι πικρόν σοι τὸ καταλιπεῖν σε ἐμέ λέγει κύριος ὁ θεός σου καὶ οὐκ εὐδόκησα ἐπὶ σοί λέγει κύριος ὁ θεός σου.
Esaïe 3.9 Osée 5.5 Psaumes 36.1 Jérémie 4.18 Amos 8.10
²⁰ ὅτι ἀπ’ αἰῶνος συνέτριψας τὸν ζυγόν σου διέσπασας τοὺς δεσμούς σου καὶ εἶπας οὐ δουλεύσω ἀλλὰ πορεύσομαι ἐπὶ πᾶν βουνὸν ὑψηλὸν καὶ ὑποκάτω παντὸς ξύλου κατασκίου ἐκεῖ διαχυθήσομαι ἐν τῇ πορνείᾳ μου.
Deutéronome 12.2 Lévitique 26.13 Osée 3.3 Esaïe 1.21 Jérémie 30.8
²¹ ἐγὼ δὲ ἐφύτευσά σε ἄμπελον καρποφόρον πᾶσαν ἀληθινήν πῶς ἐστράφης εἰς πικρίαν ἡ ἄμπελος ἡ ἀλλοτρία.
Esaïe 5.4 Psaumes 80.8 Exode 15.17 Psaumes 44.2 Deutéronome 32.32
²² ἐὰν ἀποπλύνῃ ἐν νίτρῳ καὶ πληθύνῃς σεαυτῇ πόαν κεκηλίδωσαι ἐν ταῖς ἀδικίαις σου ἐναντίον ἐμοῦ λέγει κύριος.
Job 14.17 Osée 13.12 Jérémie 17.1 Psaumes 130.3 Deutéronome 32.34
²³ πῶς ἐρεῖς οὐκ ἐμιάνθην καὶ ὀπίσω τῆς Βααλ οὐκ ἐπορεύθην ἰδὲ τὰς ὁδούς σου ἐν τῷ πολυανδρίῳ καὶ γνῶθι τί ἐποίησας ὀψὲ φωνὴ αὐτῆς ὠλόλυξεν τὰς ὁδοὺς αὐτῆς.
Jérémie 7.31 Proverbes 30.12 1 Jean 1.8-1.10 Ezéchiel 23.1-23.49 Romains 3.19
²⁴ ἐπλάτυνεν ἐφ’ ὕδατα ἐρήμου ἐν ἐπιθυμίαις ψυχῆς αὐτῆς ἐπνευματοφορεῖτο παρεδόθη τίς ἐπιστρέψει αὐτήν πάντες οἱ ζητοῦντες αὐτὴν οὐ κοπιάσουσιν ἐν τῇ ταπεινώσει αὐτῆς εὑρήσουσιν αὐτήν.
Jérémie 14.6 Job 11.12 Job 39.5-39.8 Osée 5.15 Jérémie 2.27
²⁵ ἀπόστρεψον τὸν πόδα σου ἀπὸ ὁδοῦ τραχείας καὶ τὸν φάρυγγά σου ἀπὸ δίψους ἡ δὲ εἶπεν ἀνδριοῦμαι ὅτι ἠγαπήκει ἀλλοτρίους καὶ ὀπίσω αὐτῶν ἐπορεύετο.
Deutéronome 32.16 Jérémie 3.13 Romains 8.24 Jérémie 18.12 Jérémie 44.17
²⁶ ὡς αἰσχύνη κλέπτου ὅταν ἁλῷ οὕτως αἰσχυνθήσονται οἱ υἱοὶ Ισραηλ αὐτοὶ καὶ οἱ βασιλεῖς αὐτῶν καὶ οἱ ἄρχοντες αὐτῶν καὶ οἱ ἱερεῖς αὐτῶν καὶ οἱ προφῆται αὐτῶν.
Jérémie 32.32 Néhémie 9.32-9.34 Esdras 9.7 Esaïe 1.29 Jérémie 2.36
²⁷ τῷ ξύλῳ εἶπαν ὅτι πατήρ μου εἶ σύ καὶ τῷ λίθῳ σὺ ἐγέννησάς με καὶ ἔστρεψαν ἐπ’ ἐμὲ νῶτα καὶ οὐ πρόσωπα αὐτῶν καὶ ἐν τῷ καιρῷ τῶν κακῶν αὐτῶν ἐροῦσιν ἀνάστα καὶ σῶσον ἡμᾶς.
Esaïe 26.16 Esaïe 46.6-46.8 Jérémie 2.24 Jérémie 18.17 Osée 7.14
²⁸ καὶ ποῦ εἰσιν οἱ θεοί σου οὓς ἐποίησας σεαυτῷ εἰ ἀναστήσονται καὶ σώσουσίν σε ἐν καιρῷ τῆς κακώσεώς σου ὅτι κατ’ ἀριθμὸν τῶν πόλεών σου ἦσαν θεοί σου Ιουδα καὶ κατ’ ἀριθμὸν διόδων τῆς Ιερουσαλημ ἔθυον τῇ Βααλ.
Jérémie 11.13 Deutéronome 32.37 Esaïe 45.20 Juges 10.14 Esaïe 46.7
²⁹ ἵνα τί λαλεῖτε πρός με πάντες ὑμεῖς ἠσεβήσατε καὶ πάντες ὑμεῖς ἠνομήσατε εἰς ἐμέ λέγει κύριος.
Jérémie 6.13 Daniel 9.11 Jérémie 5.1 Romains 3.19 Jérémie 2.35
³⁰ μάτην ἐπάταξα τὰ τέκνα ὑμῶν παιδείαν οὐκ ἐδέξασθε μάχαιρα κατέφαγεν τοὺς προφήτας ὑμῶν ὡς λέων ὀλεθρεύων καὶ οὐκ ἐφοβήθητε.
Néhémie 9.26 Actes 7.52 1 Thessaloniciens 2.15 Jérémie 26.20-26.24 Jérémie 5.3
³¹ ἀκούσατε λόγον κυρίου τάδε λέγει κύριος μὴ ἔρημος ἐγενόμην τῷ Ισραηλ ἢ γῆ κεχερσωμένη διὰ τί εἶπεν ὁ λαός μου οὐ κυριευθησόμεθα καὶ οὐχ ἥξομεν πρὸς σὲ ἔτι.
Deutéronome 32.15 Apocalypse 3.15-3.17 2 Samuel 12.7-12.9 2 Chroniques 31.10 Deutéronome 8.12-8.14
³² μὴ ἐπιλήσεται νύμφη τὸν κόσμον αὐτῆς καὶ παρθένος τὴν στηθοδεσμίδα αὐτῆς ὁ δὲ λαός μου ἐπελάθετό μου ἡμέρας ὧν οὐκ ἔστιν ἀριθμός.
Jérémie 3.21 Psaumes 106.21 Jérémie 2.11 Esaïe 17.10 Osée 8.14
³³ τί ἔτι καλὸν ἐπιτηδεύσεις ἐν ταῖς ὁδοῖς σου τοῦ ζητῆσαι ἀγάπησιν οὐχ οὕτως ἀλλὰ καὶ σὺ ἐπονηρεύσω τοῦ μιᾶναι τὰς ὁδούς σου.
Ezéchiel 16.51-16.52 Jérémie 2.23 Ezéchiel 16.27 Ezéchiel 16.47 Osée 2.5-2.7
³⁴ καὶ ἐν ταῖς χερσίν σου εὑρέθησαν αἵματα ψυχῶν ἀθῴων οὐκ ἐν διορύγμασιν εὗρον αὐτούς ἀλλ’ ἐπὶ πάσῃ δρυί.
2 Rois 21.16 2 Rois 24.4 Jérémie 19.4 Exode 22.2 Esaïe 59.7
³⁵ καὶ εἶπας ἀθῷός εἰμι ἀλλὰ ἀποστραφήτω ὁ θυμὸς αὐτοῦ ἀπ’ ἐμοῦ ἰδοὺ ἐγὼ κρίνομαι πρὸς σὲ ἐν τῷ λέγειν σε οὐχ ἥμαρτον.
Proverbes 28.13 1 Jean 1.8-1.10 Jérémie 25.31 Job 33.9 Romains 7.9
³⁶ τί κατεφρόνησας σφόδρα τοῦ δευτερῶσαι τὰς ὁδούς σου καὶ ἀπὸ Αἰγύπτου καταισχυνθήσῃ καθὼς κατῃσχύνθης ἀπὸ Ασσουρ.
Jérémie 31.22 Osée 5.13 Jérémie 2.23 2 Chroniques 28.16 2 Chroniques 28.20-28.21
³⁷ ὅτι καὶ ἐντεῦθεν ἐξελεύσῃ καὶ αἱ χεῖρές σου ἐπὶ τῆς κεφαλῆς σου ὅτι ἀπώσατο κύριος τὴν ἐλπίδα σου καὶ οὐκ εὐοδωθήσῃ ἐν αὐτῇ.
2 Samuel 13.19 Jérémie 37.7-37.10 Ezéchiel 17.15-17.20 Jérémie 17.5 2 Chroniques 13.12