Sophonie 3
Septante

¹ ὦ ἡ ἐπιφανὴς καὶ ἀπολελυτρωμένη ἡ πόλις ἡ περιστερά. Jérémie 6.6 Ezéchiel 22.29 Malachie 3.5 Esaïe 30.12 Lévitique 1.16
² οὐκ εἰσήκουσεν φωνῆς οὐκ ἐδέξατο παιδείαν ἐπὶ τῷ κυρίῳ οὐκ ἐπεποίθει καὶ πρὸς τὸν θεὸν αὐτῆς οὐκ ἤγγισεν. Jérémie 5.3 Jérémie 2.30 Jérémie 7.23-7.28 Jérémie 22.21 Psaumes 78.22
³ οἱ ἄρχοντες αὐτῆς ἐν αὐτῇ ὡς λέοντες ὠρυόμενοι οἱ κριταὶ αὐτῆς ὡς λύκοι τῆς Ἀραβίας οὐχ ὑπελίποντο εἰς τὸ πρωί. Habakuk 1.8 Jérémie 5.6 Psaumes 10.8-10.10 Ezéchiel 22.6 Esaïe 1.23
⁴ οἱ προφῆται αὐτῆς πνευματοφόροι ἄνδρες καταφρονηταί οἱ ἱερεῖς αὐτῆς βεβηλοῦσιν τὰ ἅγια καὶ ἀσεβοῦσιν νόμον. Ezéchiel 22.26 Malachie 2.8 Osée 9.7 2 Pierre 2.1-2.3 Jérémie 23.9-23.17
⁵ ὁ δὲ κύριος δίκαιος ἐν μέσῳ αὐτῆς καὶ οὐ μὴ ποιήσῃ ἄδικον πρωὶ πρωὶ δώσει κρίμα αὐτοῦ εἰς φῶς καὶ οὐκ ἀπεκρύβη καὶ οὐκ ἔγνω ἀδικίαν ἐν ἀπαιτήσει καὶ οὐκ εἰς νεῖκος ἀδικίαν. Sophonie 3.15 Deutéronome 32.4 Deutéronome 23.14 Psaumes 145.17 Ecclésiaste 3.16-3.17
⁶ ἐν διαφθορᾷ κατέσπασα ὑπερηφάνους ἠφανίσθησαν γωνίαι αὐτῶν ἐξερημώσω τὰς ὁδοὺς αὐτῶν τὸ παράπαν τοῦ μὴ διοδεύειν ἐξέλιπον αἱ πόλεις αὐτῶν παρὰ τὸ μηδένα ὑπάρχειν μηδὲ κατοικεῖν. Esaïe 37.24-37.26 Esaïe 10.1-10.34 Sophonie 2.5 Jérémie 25.18-25.26 Zacharie 7.14
⁷ εἶπα πλὴν φοβεῖσθέ με καὶ δέξασθε παιδείαν καὶ οὐ μὴ ἐξολεθρευθῆτε ἐξ ὀφθαλμῶν αὐτῆς πάντα ὅσα ἐξεδίκησα ἐπ’ αὐτήν ἑτοιμάζου ὄρθρισον διέφθαρται πᾶσα ἡ ἐπιφυλλὶς αὐτῶν. Osée 9.9 Jérémie 7.7 Jérémie 36.3 Sophonie 3.2 Esaïe 5.4
⁸ διὰ τοῦτο ὑπόμεινόν με λέγει κύριος εἰς ἡμέραν ἀναστάσεώς μου εἰς μαρτύριον διότι τὸ κρίμα μου εἰς συναγωγὰς ἐθνῶν τοῦ εἰσδέξασθαι βασιλεῖς τοῦ ἐκχέαι ἐπ’ αὐτοὺς πᾶσαν ὀργὴν θυμοῦ μου διότι ἐν πυρὶ ζήλους μου καταναλωθήσεται πᾶσα ἡ γῆ. Joël 3.2 Sophonie 1.18 2 Pierre 3.10 Psaumes 27.14 Psaumes 37.34
⁹ ὅτι τότε μεταστρέψω ἐπὶ λαοὺς γλῶσσαν εἰς γενεὰν αὐτῆς τοῦ ἐπικαλεῖσθαι πάντας τὸ ὄνομα κυρίου τοῦ δουλεύειν αὐτῷ ὑπὸ ζυγὸν ἕνα. Esaïe 19.18 Psaumes 22.27 Actes 2.4-2.13 Apocalypse 11.15 Romains 15.6-15.11
¹⁰ ἐκ περάτων ποταμῶν Αἰθιοπίας οἴσουσιν θυσίας μοι. Psaumes 68.31 Esaïe 11.11 Esaïe 18.1 Romains 15.16 1 Pierre 1.1
¹¹ ἐν τῇ ἡμέρᾳ ἐκείνῃ οὐ μὴ καταισχυνθῇς ἐκ πάντων τῶν ἐπιτηδευμάτων σου ὧν ἠσέβησας εἰς ἐμέ ὅτι τότε περιελῶ ἀπὸ σοῦ τὰ φαυλίσματα τῆς ὕβρεώς σου καὶ οὐκέτι μὴ προσθῇς τοῦ μεγαλαυχῆσαι ἐπὶ τὸ ὄρος τὸ ἅγιόν μου. Esaïe 54.4 Esaïe 11.9 Joël 2.26-2.27 Matthieu 3.9 Jérémie 7.4
¹² καὶ ὑπολείψομαι ἐν σοὶ λαὸν πραῢν καὶ ταπεινόν καὶ εὐλαβηθήσονται ἀπὸ τοῦ ὀνόματος κυρίου. Esaïe 14.32 Nahum 1.7 Zacharie 13.8-13.9 Matthieu 5.3 Esaïe 50.10
¹³ οἱ κατάλοιποι τοῦ Ισραηλ καὶ οὐ ποιήσουσιν ἀδικίαν καὶ οὐ λαλήσουσιν μάταια καὶ οὐ μὴ εὑρεθῇ ἐν τῷ στόματι αὐτῶν γλῶσσα δολία διότι αὐτοὶ νεμήσονται καὶ κοιτασθήσονται καὶ οὐκ ἔσται ὁ ἐκφοβῶν αὐτούς. Apocalypse 14.5 Sophonie 2.7 Michée 4.7 Esaïe 10.20-10.22 Jérémie 31.33
¹⁴ χαῖρε σφόδρα θύγατερ Σιων κήρυσσε θύγατερ Ιερουσαλημ εὐφραίνου καὶ κατατέρπου ἐξ ὅλης τῆς καρδίας σου θύγατερ Ιερουσαλημ. Esaïe 12.6 Esaïe 54.1 Luc 2.10-2.14 Michée 4.8 Jérémie 31.13
¹⁵ περιεῖλεν κύριος τὰ ἀδικήματά σου λελύτρωταί σε ἐκ χειρὸς ἐχθρῶν σου βασιλεὺς Ισραηλ κύριος ἐν μέσῳ σου οὐκ ὄψῃ κακὰ οὐκέτι. Esaïe 51.22 Jean 1.49 Zacharie 10.6-10.7 Sophonie 3.5 Esaïe 54.14
¹⁶ ἐν τῷ καιρῷ ἐκείνῳ ἐρεῖ κύριος τῇ Ιερουσαλημ θάρσει Σιων μὴ παρείσθωσαν αἱ χεῖρές σου. Hébreux 12.12 Esaïe 35.3-35.4 Apocalypse 2.3 Esaïe 41.10 Zacharie 8.15
¹⁷ κύριος ὁ θεός σου ἐν σοί δυνατὸς σώσει σε ἐπάξει ἐπὶ σὲ εὐφροσύνην καὶ καινιεῖ σε ἐν τῇ ἀγαπήσει αὐτοῦ καὶ εὐφρανθήσεται ἐπὶ σὲ ἐν τέρψει ὡς ἐν ἡμέρᾳ ἑορτῆς. Hébreux 7.25 Psaumes 149.4 Esaïe 62.4-62.5 Sophonie 3.15 Jérémie 32.41
¹⁸ καὶ συνάξω τοὺς συντετριμμένους οὐαί τίς ἔλαβεν ἐπ’ αὐτὴν ὀνειδισμόν. Psaumes 42.2-42.4 Lamentations 1.4 Lamentations 1.7 Psaumes 63.1-63.2 Jérémie 31.8-31.9
¹⁹ ἰδοὺ ἐγὼ ποιῶ ἐν σοὶ ἕνεκεν σοῦ ἐν τῷ καιρῷ ἐκείνῳ λέγει κύριος καὶ σώσω τὴν ἐκπεπιεσμένην καὶ τὴν ἀπωσμένην εἰσδέξομαι καὶ θήσομαι αὐτοὺς εἰς καύχημα καὶ ὀνομαστοὺς ἐν πάσῃ τῇ γῇ. Michée 4.6-4.7 Esaïe 60.14 Jérémie 33.9 Ezéchiel 34.16 Zacharie 2.8-2.9
²⁰ καὶ καταισχυνθήσονται ἐν τῷ καιρῷ ἐκείνῳ ὅταν καλῶς ὑμῖν ποιήσω καὶ ἐν τῷ καιρῷ ὅταν εἰσδέξωμαι ὑμᾶς διότι δώσω ὑμᾶς ὀνομαστοὺς καὶ εἰς καύχημα ἐν πᾶσιν τοῖς λαοῖς τῆς γῆς ἐν τῷ ἐπιστρέφειν με τὴν αἰχμαλωσίαν ὑμῶν ἐνώπιον ὑμῶν λέγει κύριος. Jérémie 29.14 Joël 3.1 Ezéchiel 34.16 Sophonie 2.7 Esaïe 56.5