1 Ὅσοι εἰσὶν ὑπὸ ζυγὸν δοῦλοι, τοὺς ἰδίους δεσπότας πάσης τιμῆς ἀξίους ἡγείσθωσαν, ἵνα μὴ τὸ ὄνομα τοῦ θεοῦ καὶ ἡ διδασκαλία βλασφημῆται.
Tite 2.5 Romains 2.24 Esaïe 52.5 1 Timothée 5.14 Actes 10.7
2 οἱ δὲ πιστοὺς ἔχοντες δεσπότας μὴ καταφρονείτωσαν, ὅτι ἀδελφοί εἰσιν· ἀλλὰ μᾶλλον δουλευέτωσαν, ὅτι πιστοί εἰσιν καὶ ἀγαπητοὶ οἱ τῆς εὐεργεσίας ἀντιλαμβανόμενοι. Ταῦτα δίδασκε καὶ παρακάλει.
1 Timothée 4.11 Genèse 16.4-16.5 1 Timothée 5.1 2 Thessaloniciens 1.3 Ephésiens 1.15
3 εἴ τις ἑτεροδιδασκαλεῖ καὶ μὴ προσέρχεται ὑγιαίνουσι λόγοις, τοῖς τοῦ κυρίου ἡμῶν Ἰησοῦ Χριστοῦ, καὶ τῇ κατ’ εὐσέβειαν διδασκαλίᾳ,
1 Timothée 1.3 1 Timothée 1.10 Tite 1.1 Romains 16.17 Tite 1.9
4 τετύφωται, μηδὲν ἐπιστάμενος, ἀλλὰ νοσῶν περὶ ζητήσεις καὶ λογομαχίας, ἐξ ὧν γίνεται φθόνος, ἔρις, βλασφημίαι, ὑπόνοιαι πονηραί,
1 Timothée 3.6 1 Timothée 1.7 1 Timothée 1.4 2 Timothée 2.23 2 Timothée 2.14
5 διαπαρατριβαὶ διεφθαρμένων ἀνθρώπων τὸν νοῦν καὶ ἀπεστερημένων τῆς ἀληθείας, νομιζόντων πορισμὸν εἶναι τὴν ⸀εὐσέβειαν.Tite 1.11 2 Pierre 2.3 2 Timothée 3.8 1 Timothée 6.6 Apocalypse 18.3
6 ἔστιν δὲ πορισμὸς μέγας ἡ εὐσέβεια μετὰ αὐταρκείας·
Hébreux 13.5 1 Timothée 4.8 Proverbes 16.8 Philippiens 4.11-4.13 1 Timothée 6.8
7 οὐδὲν γὰρ εἰσηνέγκαμεν εἰς τὸν κόσμον, ⸀ὅτι οὐδὲ ἐξενεγκεῖν τι δυνάμεθα·
Job 1.21 Psaumes 49.17 Ecclésiaste 5.15-5.16 Luc 12.20-12.21 Proverbes 27.24
8 ἔχοντες δὲ διατροφὰς καὶ σκεπάσματα, τούτοις ἀρκεσθησόμεθα.
Matthieu 6.11 Genèse 28.20 Ecclésiaste 3.12-3.13 Hébreux 13.5-13.6 Deutéronome 2.7
9 οἱ δὲ βουλόμενοι πλουτεῖν ἐμπίπτουσιν εἰς πειρασμὸν καὶ παγίδα καὶ ἐπιθυμίας πολλὰς ἀνοήτους καὶ βλαβεράς, αἵτινες βυθίζουσι τοὺς ἀνθρώπους εἰς ὄλεθρον καὶ ἀπώλειαν·
1 Timothée 3.7 Proverbes 15.27 Matthieu 13.22 Proverbes 23.4 Proverbes 21.6
10 ῥίζα γὰρ πάντων τῶν κακῶν ἐστιν ἡ φιλαργυρία, ἧς τινες ὀρεγόμενοι ἀπεπλανήθησαν ἀπὸ τῆς πίστεως καὶ ἑαυτοὺς περιέπειραν ὀδύναις πολλαῖς.
Michée 3.11 Psaumes 32.10 Deutéronome 16.19 Esaïe 56.11 Jacques 5.19
11 Σὺ δέ, ὦ ἄνθρωπε ⸀θεοῦ, ταῦτα φεῦγε· δίωκε δὲ δικαιοσύνην, εὐσέβειαν, πίστιν, ἀγάπην, ὑπομονήν, ⸀πραϋπαθίαν.
2 Timothée 2.22 2 Timothée 3.17 2 Pierre 1.5-1.7 Hébreux 12.14 Tite 2.11-2.12
12 ἀγωνίζου τὸν καλὸν ἀγῶνα τῆς πίστεως, ἐπιλαβοῦ τῆς αἰωνίου ζωῆς, εἰς ἣν ἐκλήθης καὶ ὡμολόγησας τὴν καλὴν ὁμολογίαν ἐνώπιον πολλῶν μαρτύρων.
1 Timothée 1.18 1 Corinthiens 9.25-9.26 Ephésiens 6.10-6.18 Hébreux 3.14 1 Pierre 3.9
13 παραγγέλλω σοι ἐνώπιον τοῦ θεοῦ τοῦ ⸀ζῳογονοῦντος τὰ πάντα καὶ Χριστοῦ Ἰησοῦ τοῦ μαρτυρήσαντος ἐπὶ Ποντίου Πιλάτου τὴν καλὴν ὁμολογίαν,
1 Timothée 5.21 Matthieu 27.11 Apocalypse 1.5 Jean 18.36-18.37 Jean 5.21
14 τηρῆσαί σε τὴν ἐντολὴν ἄσπιλον ἀνεπίλημπτον μέχρι τῆς ἐπιφανείας τοῦ κυρίου ἡμῶν Ἰησοῦ Χριστοῦ,
1 Chroniques 28.20 1 Chroniques 28.9-28.10 Jude 1.24 1 Pierre 1.19 1 Pierre 1.7
15 ἣν καιροῖς ἰδίοις δείξει ὁ μακάριος καὶ μόνος δυνάστης, ὁ βασιλεὺς τῶν βασιλευόντων καὶ κύριος τῶν κυριευόντων,
Apocalypse 19.16 1 Timothée 1.17 1 Timothée 1.11 Apocalypse 17.14 Psaumes 47.2
16 ὁ μόνος ἔχων ἀθανασίαν, φῶς οἰκῶν ἀπρόσιτον, ὃν εἶδεν οὐδεὶς ἀνθρώπων οὐδὲ ἰδεῖν δύναται· ᾧ τιμὴ καὶ κράτος αἰώνιον· ἀμήν.
1 Timothée 1.17 Jean 1.18 1 Jean 1.5 Psaumes 104.2 Apocalypse 21.3
17 Τοῖς πλουσίοις ἐν τῷ νῦν αἰῶνι παράγγελλε μὴ ὑψηλοφρονεῖν μηδὲ ἠλπικέναι ἐπὶ πλούτου ἀδηλότητι, ἀλλ’ ⸀ἐπὶ ⸀θεῷ τῷ παρέχοντι ἡμῖν πάντα πλουσίως εἰς ἀπόλαυσιν,
Marc 10.24 Romains 11.20 1 Timothée 4.10 Proverbes 23.5 Actes 14.17
18 ἀγαθοεργεῖν, πλουτεῖν ἐν ἔργοις καλοῖς, εὐμεταδότους εἶναι, κοινωνικούς,
Hébreux 13.16 Romains 12.8 Romains 12.13 1 Timothée 5.10 Luc 12.21
19 ἀποθησαυρίζοντας ἑαυτοῖς θεμέλιον καλὸν εἰς τὸ μέλλον, ἵνα ἐπιλάβωνται τῆς ⸀ὄντως ζωῆς.
1 Timothée 6.12 Luc 16.9 Matthieu 6.19-6.21 Psaumes 17.14 Galates 6.8-6.9
20 Ὦ Τιμόθεε, τὴν παραθήκην φύλαξον, ἐκτρεπόμενος τὰς βεβήλους κενοφωνίας καὶ ἀντιθέσεις τῆς ψευδωνύμου γνώσεως,
2 Timothée 3.14-3.16 2 Timothée 2.16 Colossiens 2.8 Romains 3.2 2 Timothée 1.12-1.14
21 ἥν τινες ἐπαγγελλόμενοι περὶ τὴν πίστιν ἠστόχησαν. Ἡ χάρις ⸂μεθ’ ὑμῶν⸃.
2 Timothée 2.18 1 Timothée 1.19 Colossiens 4.18 Romains 16.23 Romains 1.7