1 Maono yake Obadia. Ndivyo asemavyo Bwana MUNGU juu ya Edomu; Tumepata habari kwa Bwana, Na mjumbe ametumwa kati ya mataifa, Akisema,Haya,inukeni ninyi;Na tuinuke tupigane naye.
Amos 1.11-1.12 Ezéchiel 25.12-25.14 Esaïe 63.1-63.6 Esaïe 21.11 Esaïe 34.1-34.17
2 Tazama, nimekufanya mdogo kati ya mataifa; Umedharauliwa sana.
Nombres 24.18 Esaïe 23.9 Psaumes 107.39-107.40 Ezéchiel 29.15 Luc 1.51-1.52
3 Kiburi cha moyo wako kimekudanganya, Wewe ukaaye katika pango za majabali, Mwenye makao yako juu sana; Asemaye moyoni, Ni nani atakayenishusha mimi?
Esaïe 14.13-14.15 Esaïe 16.6 Jérémie 49.16 2 Rois 14.7 Proverbes 29.23
4 Ujapopanda juu kama tai, Ijapokuwa kioto chako kimewekwa kati ya nyota, Nitakushusha kutoka huko; asema Bwana.
Esaïe 14.12-14.15 Habakuk 2.9 Job 20.6-20.7 Amos 9.2 Job 39.27-39.28
5 Kama wevi wangekujilia, kama wanyang’anyi wangekujilia usiku, (jinsi ulivyokatiliwa mbali!) Je! Wasingeiba kiasi cha kuwatosha? Kama wachumao zabibu wangekujilia, je! Wasingeacha baadhi ya zabibu, ziokotwe?
Jérémie 49.9 Deutéronome 24.21 Esaïe 17.6 Jérémie 50.23 2 Samuel 1.19
6 Jinsi watu wa Esau wanavyotafutwa-tafutwa! Jinsi hazina zake zilizofichwa zinavyoulizwa-ulizwa!
Jérémie 49.10 Esaïe 45.3 Daniel 2.22 Matthieu 6.19-6.20 Psaumes 139.1
7 Watu wote wa mapatano yako Wamekufukuza, hata mipakani; Wale waliofanya amani nawe Wamekudanganya, na kukushinda; Walao mkate wako wameweka mtego chini yako; Wala hana ufahamu wa hayo ndani yake.
Psaumes 41.9 Jérémie 30.14 Jérémie 49.7 Esaïe 27.11 Jérémie 20.10
8 Siku hiyo, je! Sitawaangamiza watu wenye akili katika Edomu, na wenye ufahamu katika kilima cha Esau? Asema Bwana.
Esaïe 29.14 Job 5.12-5.14 Psaumes 33.10 Esaïe 19.13-19.14 1 Corinthiens 3.19-3.20
9 Na mashujaa wako, Ee Temani, watafadhaika, hata iwe kila mtu akatiliwe mbali kwa kuuawa katika kilima cha Esau.
Genèse 36.11 Amos 1.12 Job 2.11 Jérémie 49.22 Esaïe 63.1-63.3
10 Kwa sababu ya udhalimu aliotendwa ndugu yako Yakobo, aibu itakufunika, nawe utakatiliwa mbali hata milele.
Amos 1.11 Psaumes 137.7 Ezéchiel 35.9 Psaumes 89.45 Nombres 20.14-20.21
11 Siku ile uliposimama upande, siku ile wageni walipochukua mali zake, na watu wa kabila nyingine walipoingia katika malango yake, na kumpa kura juu ya Yerusalemu, wewe nawe ulikuwa kama mmoja wao.
Joël 3.3 Nahum 3.10 Psaumes 137.7 2 Rois 25.11 Jérémie 52.28-52.30
12 Lakini usiitazame siku ya ndugu yako, siku ya mashaka yake, wala usisimange juu ya wana wa Yuda siku ya kuangamizwa kwao; wala usinene maneno ya kiburi katika siku ya shida yao.
Proverbes 17.5 Michée 4.11 Ezéchiel 35.15 Psaumes 22.17 Psaumes 31.18
13 Usiingie katika lango la watu wangu, siku ya msiba wao; naam, usiyatazame mateso yao, siku ya msiba wao; wala usitie mikono yako juu ya mali zao, siku ya msiba wao.
Psaumes 22.17 Ezéchiel 35.5 Zacharie 1.15 2 Samuel 16.12 Ezéchiel 35.10
14 Wala usisimame penye njia panda, ili kuwakatilia mbali watu wake wakimbiao; wala usiwatoe watu wake waliosalia, katika siku ya dhiki.
Abdias 1.12 Psaumes 31.8 Amos 1.9 Esaïe 37.3 Genèse 35.3
15 Kwa maana hiyo siku ya Bwana i karibu juu ya mataifa yote; kama ulivyotenda, ndivyo utakavyotendwa; malipo yako yatakurudia juu ya kichwa chako mwenyewe.
Habakuk 2.8 Ezéchiel 30.3 Jérémie 50.29 Ezéchiel 35.15 Michée 5.15
16 Kwa maana kama vile mlivyokunywa juu ya mlima wangu mtakatifu, ndivyo mataifa yote watakavyokunywa daima; naam, watakunywa na kubabaika, nao watakuwa kana kwamba hawakuwa kamwe.
Joël 3.17 Jérémie 49.12 Jérémie 25.15-25.16 Esaïe 51.22-51.23 1 Pierre 4.17
17 Bali katika mlima Sayuni watakuwako wenye kuokoka, nao utakuwa mtakatifu; na nyumba ya Yakobo watamiliki milki zao.
Amos 9.11-9.15 Joël 2.32 Esaïe 14.1-14.2 Amos 9.8 Esaïe 60.21
18 Na nyumba ya Yakobo itakuwa moto, na nyumba ya Yusufu itakuwa mwali wa moto, na nyumba ya Esau itakuwa mabua makavu, nao watawaka kati yao, na kuwateketeza; wala hatasalia mtu awaye yote katika nyumba ya Esau; kwa kuwa Bwana amesema hayo.
Zacharie 12.6 Esaïe 10.17 Joël 2.5 Esaïe 5.24 Ezéchiel 37.19
19 Na watu wa Negebu wataumiliki mlima wa Esau; na watu wa Shefela watawamiliki Wafilisti; nao watalimiliki konde la Efraimu, na konde la Samaria, na Benyamini atamiliki Gileadi.
Amos 9.12 Sophonie 2.4-2.7 Jérémie 32.44 Amos 1.13 Ezéchiel 48.1-48.9
20 Na watu wa jeshi hili la wana wa Israeli waliotekwa, walio kati ya Wakanaani, watamiliki mpaka Sarepta; na hao watu wa Yerusalemu waliotekwa, waliomo Sefaradi, wataimiliki miji ya Negebu.
Luc 4.26 Jérémie 33.13 1 Rois 17.9-17.10 Jérémie 32.44 Amos 9.14-9.15
21 Tena waokozi watakwea juu ya mlima Sayuni ili kuuhukumu mlima wa Esau; na huo ufalme utakuwa ni mali ya Bwana.
Zacharie 14.9 Apocalypse 11.15 Daniel 7.27 Psaumes 22.28 1 Timothée 4.16