Genèse 2.6
Vulgate

¹ igitur perfecti sunt caeli et terra et omnis ornatus eorum
Psaumes 33.6 Genèse 1.1 Exode 31.17 2 Rois 19.15 Deutéronome 4.19
² conplevitque Deus die septimo opus suum quod fecerat et requievit die septimo ab universo opere quod patrarat
Exode 31.17 Hébreux 4.4 Deutéronome 5.14 Exode 20.8-20.11 Exode 23.12
³ et benedixit diei septimo et sanctificavit illum quia in ipso cessaverat ab omni opere suo quod creavit Deus ut faceret
Marc 2.27 Lévitique 23.3 Ezéchiel 20.12 Jérémie 17.21-17.27 Esaïe 58.13-58.14

Le jardin d’Éden

⁴ istae generationes caeli et terrae quando creatae sunt in die quo fecit Dominus Deus caelum et terram
Genèse 1.4 Exode 6.16 Apocalypse 1.8 Job 38.28 Genèse 36.9
⁵ et omne virgultum agri antequam oreretur in terra omnemque herbam regionis priusquam germinaret non enim pluerat Dominus Deus super terram et homo non erat qui operaretur terram
Genèse 1.11-1.12 Genèse 3.23 Hébreux 6.7 Genèse 4.12 Psaumes 104.14
⁶ sed fons ascendebat e terra inrigans universam superficiem terrae
⁷ formavit igitur Dominus Deus hominem de limo terrae et inspiravit in faciem eius spiraculum vitae et factus est homo in animam viventem
1 Corinthiens 15.45 Job 33.4 Ecclésiaste 12.7 Esaïe 64.8 Psaumes 103.14
⁸ plantaverat autem Dominus Deus paradisum voluptatis a principio in quo posuit hominem quem formaverat
Ezéchiel 28.13 Genèse 13.10 Esaïe 51.3 Joël 2.3 Genèse 3.24
⁹ produxitque Dominus Deus de humo omne lignum pulchrum visu et ad vescendum suave lignum etiam vitae in medio paradisi lignumque scientiae boni et mali
Genèse 3.22 Apocalypse 2.7 Apocalypse 22.14 Apocalypse 22.2 Ezéchiel 31.16
¹⁰ et fluvius egrediebatur de loco voluptatis ad inrigandum paradisum qui inde dividitur in quattuor capita
Psaumes 46.4 Apocalypse 22.1
¹¹ nomen uni Phison ipse est qui circuit omnem terram Evilat ubi nascitur aurum
Genèse 25.18 Genèse 10.29 Genèse 10.7 1 Samuel 15.7
¹² et aurum terrae illius optimum est ibique invenitur bdellium et lapis onychinus
Job 28.16 Exode 39.13 Nombres 11.7 Exode 28.20 Ezéchiel 28.13
¹³ et nomen fluvio secundo Geon ipse est qui circuit omnem terram Aethiopiae
Esaïe 11.11 Genèse 10.6
¹⁴ nomen vero fluminis tertii Tigris ipse vadit contra Assyrios fluvius autem quartus ipse est Eufrates
Daniel 10.4 Genèse 15.18 Deutéronome 1.7 Genèse 10.11 Deutéronome 11.24
¹⁵ tulit ergo Dominus Deus hominem et posuit eum in paradiso voluptatis ut operaretur et custodiret illum
Ephésiens 4.28 Psaumes 128.2 Genèse 2.8 Genèse 2.2
¹⁶ praecepitque ei dicens ex omni ligno paradisi comede
1 Samuel 15.22 1 Timothée 6.17 Genèse 2.9 1 Timothée 4.4 Genèse 3.1-3.2
¹⁷ de ligno autem scientiae boni et mali ne comedas in quocumque enim die comederis ex eo morte morieris
Jacques 1.15 Romains 6.23 Genèse 3.19 Colossiens 2.13 Ezéchiel 18.4
¹⁸ dixit quoque Dominus Deus non est bonum esse hominem solum faciamus ei adiutorium similem sui
1 Corinthiens 11.7-11.12 Ecclésiaste 4.9-4.12 1 Pierre 3.7 Genèse 3.12 Genèse 1.31
¹⁹ formatis igitur Dominus Deus de humo cunctis animantibus terrae et universis volatilibus caeli adduxit ea ad Adam ut videret quid vocaret ea omne enim quod vocavit Adam animae viventis ipsum est nomen eius
Genèse 1.20-1.26 Genèse 1.28 Psaumes 8.4-8.8 Genèse 2.22-2.23 Genèse 6.20
²⁰ appellavitque Adam nominibus suis cuncta animantia et universa volatilia caeli et omnes bestias terrae Adam vero non inveniebatur adiutor similis eius
Genèse 2.18
²¹ inmisit ergo Dominus Deus soporem in Adam cumque obdormisset tulit unam de costis eius et replevit carnem pro ea
Genèse 15.12 1 Samuel 26.12 Job 4.13 Daniel 8.18 Job 33.15
²² et aedificavit Dominus Deus costam quam tulerat de Adam in mulierem et adduxit eam ad Adam
1 Timothée 2.13 1 Corinthiens 11.8-11.9 Psaumes 127.1 Genèse 2.19 Proverbes 18.22
²³ dixitque Adam hoc nunc os ex ossibus meis et caro de carne mea haec vocabitur virago quoniam de viro sumpta est
Ephésiens 5.28-5.30 1 Corinthiens 11.8-11.9 2 Samuel 5.1 Genèse 29.14 Juges 9.2
²⁴ quam ob rem relinquet homo patrem suum et matrem et adherebit uxori suae et erunt duo in carne una
Matthieu 19.3-19.9 Ephésiens 5.28-5.31 Marc 10.6-10.12 1 Corinthiens 6.16-6.17 1 Corinthiens 7.10-7.11
²⁵ erant autem uterque nudi Adam scilicet et uxor eius et non erubescebant
Genèse 3.7 Genèse 3.10-3.11 Esaïe 47.3 Marc 8.38 Romains 10.11