Genèse 6.13
Vulgate

Construction de l’arche de Noé

¹ cumque coepissent homines multiplicari super terram et filias procreassent
² videntes filii Dei filias eorum quod essent pulchrae acceperunt uxores sibi ex omnibus quas elegerant
Esdras 9.12 Romains 9.7-9.8 Deutéronome 7.3-7.4 Malachie 2.11 Genèse 4.26
³ dixitque Deus non permanebit spiritus meus in homine in aeternum quia caro est eruntque dies illius centum viginti annorum
1 Pierre 3.18-3.20 Néhémie 9.30 Psaumes 78.39 Esaïe 63.10 1 Thessaloniciens 5.19
⁴ gigantes autem erant super terram in diebus illis postquam enim ingressi sunt filii Dei ad filias hominum illaeque genuerunt isti sunt potentes a saeculo viri famosi
Nombres 13.33 Deutéronome 2.20-2.21 Deutéronome 3.11 2 Samuel 21.15-21.22 1 Samuel 17.4
⁵ videns autem Deus quod multa malitia hominum esset in terra et cuncta cogitatio cordis intenta esset ad malum omni tempore
Matthieu 15.19 Genèse 8.21 Marc 7.21-7.23 Jérémie 17.9 Romains 1.28-1.31
⁶ paenituit eum quod hominem fecisset in terra et tactus dolore cordis intrinsecus
1 Samuel 15.11 Ephésiens 4.30 Esaïe 63.10 2 Samuel 24.16 1 Samuel 15.29
⁷ delebo inquit hominem quem creavi a facie terrae ab homine usque ad animantia a reptili usque ad volucres caeli paenitet enim me fecisse eos
Osée 4.3 Jérémie 4.22-4.27 Jérémie 12.3-12.4 Proverbes 10.27 Psaumes 37.20
⁸ Noe vero invenit gratiam coram Domino
Genèse 19.19 Luc 1.30 2 Timothée 1.18 Actes 7.46 Psaumes 84.11
⁹ hae generationes Noe Noe vir iustus atque perfectus fuit in generationibus suis cum Deo ambulavit
Luc 1.6 2 Pierre 2.5 Genèse 5.24 Ezéchiel 14.20 Ezéchiel 14.14
¹⁰ et genuit tres filios Sem Ham et Iafeth
Genèse 5.32
¹¹ corrupta est autem terra coram Deo et repleta est iniquitate
Ezéchiel 8.17 Esaïe 60.18 Habakuk 2.8 Genèse 7.1 Psaumes 11.5
¹² cumque vidisset Deus terram esse corruptam omnis quippe caro corruperat viam suam super terram
Job 22.15-22.17 Psaumes 53.2-53.3 Job 33.27 Luc 3.6 Genèse 6.8
¹³ dixit ad Noe finis universae carnis venit coram me repleta est terra iniquitate a facie eorum et ego disperdam eos cum terra
1 Pierre 4.7 Genèse 6.4 Osée 4.1-4.2 Genèse 6.11-6.12 Amos 8.2
¹⁴ fac tibi arcam de lignis levigatis mansiunculas in arca facies et bitumine linies intrinsecus et extrinsecus
1 Pierre 3.20 Luc 17.27 Matthieu 24.38 Exode 2.3
¹⁵ et sic facies eam trecentorum cubitorum erit longitudo arcae quinquaginta cubitorum latitudo et triginta cubitorum altitudo illius
Genèse 7.20 Deutéronome 3.11
¹⁶ fenestram in arca facies et in cubito consummabis summitatem ostium autem arcae pones ex latere deorsum cenacula et tristega facies in ea
Ezéchiel 41.16 Ezéchiel 42.3 2 Samuel 6.16 2 Rois 9.30 Genèse 7.16
¹⁷ ecce ego adducam diluvii aquas super terram ut interficiam omnem carnem in qua spiritus vitae est subter caelum universa quae in terra sunt consumentur
2 Pierre 2.5 Genèse 7.4 Genèse 7.21-7.23 Psaumes 29.10 1 Pierre 3.20
¹⁸ ponamque foedus meum tecum et ingredieris arcam tu et filii tui uxor tua et uxores filiorum tuorum tecum
Genèse 7.7 Genèse 7.1 Genèse 17.7 Genèse 7.13 Hébreux 11.7
¹⁹ et ex cunctis animantibus universae carnis bina induces in arcam ut vivant tecum masculini sexus et feminini
Psaumes 36.6 Genèse 8.17 Genèse 7.15-7.16 Genèse 7.8-7.9 Genèse 7.2-7.3
²⁰ de volucribus iuxta genus suum et de iumentis in genere suo et ex omni reptili terrae secundum genus suum bina de omnibus ingredientur tecum ut possint vivere
Genèse 2.19 Genèse 1.28 Actes 10.11-10.12 Genèse 1.20-1.24 Jean 5.40
²¹ tolles igitur tecum ex omnibus escis quae mandi possunt et conportabis apud te et erunt tam tibi quam illis in cibum
Genèse 1.29-1.30 Psaumes 145.16 Job 40.20 Matthieu 6.26 Psaumes 136.25
²² fecit ergo Noe omnia quae praeceperat illi Deus
Genèse 7.5 Exode 40.16 Genèse 7.16 Hébreux 11.7-11.8 Matthieu 7.24-7.27