2 Chroniques 7
Vulgate

1 cumque conplesset Salomon fundens preces ignis descendit de caelo et devoravit holocausta et victimas et maiestas Domini implevit domum
1 Rois 18.38 Lévitique 9.23-9.24 1 Rois 18.24 1 Chroniques 21.26 Aggée 2.7-2.9
2 nec poterant sacerdotes ingredi templum Domini eo quod implesset maiestas Domini templum Domini
2 Chroniques 5.14 Apocalypse 15.8 Esaïe 6.5 Exode 24.17
3 sed et omnes filii Israhel videbant descendentem ignem et gloriam Domini super domum et corruentes proni in terram super pavimentum stratum lapide adoraverunt et laudaverunt Dominum quoniam bonus quoniam in aeternum misericordia eius
2 Chroniques 5.13 2 Chroniques 20.21 Hébreux 7.24-7.25 Esaïe 63.7 Lévitique 9.24
4 rex autem et omnis populus immolabant victimas coram Domino
1 Rois 8.62-8.63
5 mactavit igitur rex Salomon hostias boum viginti duo milia arietum centum viginti milia et dedicavit domum Dei rex et universus populus
Jean 10.22 2 Chroniques 5.6 2 Chroniques 15.11 2 Chroniques 1.6 Esdras 6.16-6.17
6 sacerdotes autem stabant in officiis suis et Levitae in organis carminum Domini quae fecit David rex ad laudandum Dominum quoniam in aeternum misericordia eius hymnos David canentes per manus suas porro sacerdotes canebant tubis ante eos cunctusque Israhel stabat
2 Chroniques 5.12 1 Chroniques 15.16-15.21 2 Chroniques 7.3 Psaumes 118.1-118.4 1 Chroniques 25.1-25.7
7 sanctificavit quoque Salomon medium atrii ante templum Domini obtulerat enim ibi holocausta et adipes pacificorum quia altare aeneum quod fecerat non poterat sustinere holocausta et sacrificia et adipes
1 Rois 8.64-8.66 2 Chroniques 36.14 Hébreux 13.10-13.12 2 Chroniques 4.1 Nombres 16.37-16.38
8 fecit ergo Salomon sollemnitatem in tempore illo septem diebus et omnis Israhel cum eo ecclesia magna valde ab introitu Emath usque ad torrentem Aegypti
Genèse 15.18 1 Rois 8.65 Zacharie 14.16-14.19 2 Chroniques 30.13 Lévitique 23.34-23.43
9 fecitque die octavo collectam eo quod dedicasset altare septem diebus et sollemnitatem celebrasset diebus septem
Lévitique 23.36 Deutéronome 16.8 Néhémie 8.18 2 Chroniques 30.23 Joël 1.14
10 igitur in die vicesimo tertio mensis septimi dimisit populos ad tabernacula sua laetantes atque gaudentes super bono quod fecerat Dominus David et Salomoni et Israhel populo suo
1 Rois 8.66 Néhémie 8.10 Deutéronome 16.11 2 Chroniques 30.26 Deutéronome 12.18

Nouvelle apparition de l’Éternel à Salomon

11 conplevitque Salomon domum Domini et domum regis et omnia quae disposuerat in corde suo ut faceret in domo Domini et in domo sua et prosperatus est
1 Rois 9.1-9.9 2 Chroniques 2.1 Ecclésiaste 2.4 Ecclésiaste 2.10-2.11
12 apparuit autem ei Dominus nocte et ait audivi orationem tuam et elegi locum istum mihi in domum sacrificii
1 Rois 9.2 Deutéronome 12.11 Actes 10.31 Psaumes 10.17 2 Chroniques 7.16
13 si clausero caelum et pluvia non fluxerit et mandavero et praecepero lucustae ut devoret terram et misero pestilentiam in populum meum
2 Chroniques 6.26-6.28 Ezéchiel 14.19-14.21 Exode 10.4-10.6 Apocalypse 11.6 Nombres 16.46-16.47
14 conversus autem populus meus super quos invocatum est nomen meum deprecatus me fuerit et exquisierit faciem meam et egerit paenitentiam a viis suis pessimis et ego exaudiam de caelo et propitius ero peccatis eorum et sanabo terram eorum
Jacques 4.9-4.10 2 Chroniques 6.37-6.39 Esaïe 55.6-55.7 Lamentations 3.40-3.41 Proverbes 28.13
15 oculi quoque mei erunt aperti et aures meae erectae ad orationem eius qui in loco isto oraverit
2 Chroniques 6.40 2 Chroniques 6.20 Psaumes 65.2 Néhémie 1.6 Deutéronome 11.12
16 elegi enim et sanctificavi locum istum ut sit nomen meum ibi in sempiternum et permaneant oculi mei et cor meum ibi cunctis diebus
2 Chroniques 7.12 1 Rois 8.35 2 Rois 21.7-21.8 Colossiens 2.9 Deutéronome 12.21
17 tu quoque si ambulaveris coram me sicut ambulavit David pater tuus et feceris iuxta omnia quae praecepi tibi et iustitias meas iudiciaque servaveris
Zacharie 3.7 Deutéronome 28.1-28.14 1 Rois 11.38 Psaumes 105.45 Deutéronome 4.40
18 suscitabo thronum regni tui sicut pollicitus sum David patri tuo dicens non auferetur de stirpe tua vir qui sit princeps in Israhel
2 Chroniques 6.16 Jérémie 33.20-33.21 Psaumes 132.11-132.12 1 Rois 9.5 Jérémie 33.25-33.26
19 si autem aversi fueritis et dereliqueritis iustitias meas et praecepta mea quae proposui vobis et abeuntes servieritis diis alienis et adoraveritis eos
Deutéronome 28.15 Lévitique 26.14 1 Samuel 12.25 1 Chroniques 28.9 Lévitique 26.33-26.46
20 evellam vos de terra mea quam dedi vobis et domum hanc quam sanctificavi nomini meo proiciam a facie mea et tradam eam in parabolam et in exemplum cunctis populis
Deutéronome 28.37 Jérémie 24.9 1 Rois 9.7 2 Rois 17.20 Jérémie 45.4
21 et domus ista erit in proverbium universis transeuntibus et dicent stupentes quare fecit Dominus sic terrae huic et domui huic
Jérémie 22.8-22.9 Jérémie 50.13 1 Rois 9.8-9.9 Deutéronome 29.24-29.28 Jérémie 19.8
22 respondebuntque quia dereliquerunt Dominum Deum patrum suorum qui eduxit eos de terra Aegypti et adprehenderunt deos alienos et adoraverunt eos atque coluerunt idcirco venerunt super eos universa haec mala
Juges 2.12-2.13 Daniel 9.12 Lamentations 2.16-2.17 Ezéchiel 36.17-36.20 2 Chroniques 36.17