Esdras 4.8
Vulgate

Interruption des travaux

¹ audierunt autem hostes Iudae et Beniamin quia filii captivitatis aedificarent templum Domino Deo Israhel
Esdras 1.11 Daniel 9.25 Esdras 6.16 Esdras 10.16 Esdras 4.7-4.10
² et accedentes ad Zorobabel et ad principes patrum dixerunt eis aedificemus vobiscum quia ita ut vos quaerimus Deum vestrum ecce nos immolamus victimas ex diebus Asoraddan regis Assur qui adduxit nos huc
2 Rois 19.37 2 Rois 17.24 2 Rois 17.27-17.33 2 Rois 17.41 Esdras 2.2
³ et dixit eis Zorobabel et Iosue et reliqui principes patrum Israhel non est vobis et nobis ut aedificemus domum Deo nostro sed nos ipsi soli aedificabimus Domino Deo nostro sicut praecepit nobis rex Cyrus rex Persarum
Néhémie 2.20 Esaïe 45.4 Esaïe 44.28-45.1 Actes 8.21 Esdras 6.3-6.5
⁴ factum est igitur ut populus terrae inpediret manus populi Iudae et turbaret eos in aedificando
Esdras 3.3 Néhémie 4.11 Néhémie 6.9 Jérémie 38.4 Néhémie 4.7-4.8
⁵ conduxerunt quoque adversum eos consiliatores ut destruerent consilium eorum omnibus diebus Cyri regis Persarum et usque ad regnum Darii regis Persarum
Psaumes 2.1-2.2 Nahum 1.11 Esdras 5.5-6.18 Actes 24.1-24.27 Esdras 4.24
⁶ in regno autem Asueri principio regni eius scripserunt accusationem adversum habitatores Iudae et Hierusalem
Daniel 9.1 Esther 1.1 Actes 24.5-24.9 Actes 25.7 Actes 24.13
⁷ et in diebus Artarxersis scripsit Beselam Mitridatis et Tabel et reliqui qui erant in consilio eorum ad Artarxersen regem Persarum epistula autem accusationis scripta erat syriace et legebatur sermone syro
2 Rois 18.26 Daniel 2.4 Esaïe 36.11 Esdras 5.6 Esdras 4.9
⁸ Reum Beelteem et Samsai scriba scripserunt epistulam unam de Hierusalem Artarxersi regi huiuscemodi
2 Samuel 20.25 Esdras 4.9 2 Samuel 8.17 2 Rois 18.18
⁹ Reum Beelteem et Samsai scriba et reliqui consiliatores eorum Dinei et Apharsathei Terphalei Apharsei Erchuei Babylonii Susannechei Deaei Aelamitae
Esdras 5.6 Esdras 6.6 2 Rois 17.24 2 Rois 17.30-17.31 Genèse 10.22
¹⁰ et ceteri de gentibus quas transtulit Asennaphar magnus et gloriosus et habitare eas fecit in civitatibus Samariae et in reliquis regionibus trans Flumen in pace
Esdras 4.17 Esdras 7.12 Esdras 4.11 2 Rois 17.24-17.41 Esdras 4.1
¹¹ hoc est exemplar epistulae quam miserunt ad eum Artarxersi regi servi tui viri qui sunt trans Fluvium salutem dicunt
¹² notum sit regi quia Iudaei qui ascenderunt a te ad nos venerunt in Hierusalem civitatem rebellem et pessimam quam aedificant extruentes muros eius et parietes conponentes
Esdras 5.3 2 Chroniques 36.13 Esdras 5.9 Daniel 9.25 1 Thessaloniciens 5.22
¹³ nunc igitur notum sit regi quia si civitas illa aedificata fuerit et muri eius instaurati tributum et vectigal et annuos reditus non dabunt et usque ad reges haec noxa perveniet
Esdras 7.24 Néhémie 5.4 Esdras 4.20 Matthieu 9.9 Psaumes 52.2
¹⁴ nos ergo memores salis quod in palatio comedimus et quia laesiones regis videre nefas ducimus idcirco misimus et nuntiavimus regi
Jean 12.5-12.6 Jean 19.12-19.15 Ezéchiel 33.31
¹⁵ ut recenseas in libris historiarum patrum tuorum et invenies scriptum in commentariis et scies quoniam urbs illa urbs rebellis est et nocens regibus et provinciis et bella concitant in ea ex diebus antiquis quam ob rem et civitas ipsa destructa est
Actes 17.6-17.7 Daniel 6.4-6.13 Néhémie 6.6 Esther 3.5-3.8 Jérémie 52.3-52.34
¹⁶ nuntiamus nos regi quoniam si civitas illa aedificata fuerit et muri ipsius instaurati possessionem trans Fluvium non habebis
2 Samuel 8.3 1 Rois 4.24 Esdras 4.20
¹⁷ verbum misit rex ad Reum Beelteem et Samsai scribam et ad reliquos qui erant in consilio eorum habitatores Samariae et ceteris trans Fluvium salutem dicens et pacem
Esdras 5.7 Actes 23.26 Esdras 4.9-4.11 Esdras 7.12 Esdras 4.7
¹⁸ accusationem quam misistis ad nos manifeste lecta est coram me
Néhémie 8.8
¹⁹ et a me praeceptum est et recensuerunt inveneruntque quoniam civitas illa a diebus antiquis adversum reges rebellat et seditiones et proelia concitantur in ea
2 Rois 18.7 2 Rois 24.20 Esdras 5.17-6.2 Esdras 4.15 Deutéronome 13.14
²⁰ nam et reges fortissimi fuerunt in Hierusalem qui et dominati sunt omni regioni quae trans Fluvium est tributum quoque et vectigal et reditus accipiebant
Genèse 15.18 1 Rois 4.21 1 Chroniques 18.3 Psaumes 72.8 Esdras 4.13
²¹ nunc ergo audite sententiam ut prohibeatis viros illos et urbs illa non aedificetur donec si forte a me iussum fuerit
²² videte ne neglegenter hoc impleatis et paulatim crescat malum contra reges
Esther 7.3-7.4 Esther 3.8-3.9 Esdras 4.13
²³ itaque exemplum edicti Artarxersis regis lectum est coram Reum et Samsai scriba et consiliariis eorum et abierunt festini in Hierusalem ad Iudaeos et prohibuerunt eos in brachio et robore
Romains 3.15 Proverbes 4.16 Esdras 4.8-4.9 Esdras 4.17 Michée 2.1
²⁴ tunc intermissum est opus domus Dei in Hierusalem et non fiebat usque ad annum secundum regni Darii regis Persarum
Aggée 1.15 Job 20.5 Néhémie 6.3 Néhémie 6.9 Esdras 5.5