Esaïe 19
Vulgate

Prophétie sur l’Égypte

1 onus Aegypti ecce Dominus ascendet super nubem levem et ingredietur Aegyptum et movebuntur simulacra Aegypti a facie eius et cor Aegypti tabescet in medio eius
Josué 2.11 Exode 12.12 Apocalypse 1.7 Joël 3.19 Esaïe 13.1
2 et concurrere faciam Aegyptios adversum Aegyptios et pugnabit vir contra fratrem suum et vir contra amicum suum civitas adversus civitatem regnum adversus regnum
Juges 7.22 1 Samuel 14.20 Matthieu 10.36 Matthieu 12.25 Ezéchiel 38.21
3 et disrumpetur spiritus Aegypti in visceribus eius et consilium eius praecipitabo et interrogabunt simulacra sua et divinos suos et pythones et ariolos
Esaïe 8.19 Daniel 2.2 1 Chroniques 10.13 2 Samuel 17.23 Esaïe 57.16
4 et tradam Aegyptum in manu dominorum crudelium et rex fortis dominabitur eorum ait Dominus Deus exercituum
Esaïe 20.4 Ezéchiel 29.19 Jérémie 46.26 Esaïe 19.2 1 Samuel 23.7
5 et arescet aqua de mari et fluvius desolabitur atque siccabitur
Jérémie 51.36 Ezéchiel 30.12 Zacharie 14.18 Zacharie 10.11
6 et deficient flumina adtenuabuntur et siccabuntur rivi aggerum calamus et iuncus marcescet
Esaïe 37.25 Exode 2.3 Job 8.11 2 Rois 19.24 Esaïe 15.6
7 nudabitur alveus rivi a fonte suo et omnis sementis inrigua siccabitur arescet et non erit
Esaïe 23.3 Ezéchiel 19.13 Esaïe 32.20 Jérémie 14.4 Joël 1.17-1.18
8 et maerebunt piscatores et lugebunt omnes mittentes in flumen hamum et expandentes rete super faciem aquae marcescent
Ezéchiel 47.10 Habakuk 1.15 Nombres 11.5 Exode 7.21
9 confundentur qui operabantur linum pectentes et texentes subtilia
Ezéchiel 27.7 Proverbes 7.16 1 Rois 10.28
10 et erunt inrigua eius flaccentia omnes qui faciebant lacunas ad capiendos pisces
Deutéronome 11.10 Exode 8.5 Exode 7.19
11 stulti principes Taneos sapientes consiliarii Pharao dederunt consilium insipiens quomodo dicetis Pharaoni filius sapientium ego filius regum antiquorum
Nombres 13.22 Esaïe 30.4 Actes 7.22 Psaumes 78.43 1 Rois 4.30
12 ubi sunt nunc sapientes tui adnuntient tibi et indicent quid cogitaverit Dominus exercituum super Aegyptum
1 Corinthiens 1.20 Esaïe 40.13-40.14 Jérémie 2.28 Esaïe 5.21 Romains 9.17
13 stulti facti sunt principes Taneos emarcuerunt principes Mempheos deceperunt Aegyptum angulum populorum eius
Jérémie 2.16 Ezéchiel 30.13 Jérémie 46.19 Jérémie 46.14 Zacharie 10.4
14 Dominus miscuit in medio eius spiritum vertiginis et errare fecerunt Aegyptum in omni opere suo sicut errat ebrius et vomens
1 Rois 22.20-22.23 2 Thessaloniciens 2.11 Ezéchiel 14.7-14.9 Job 12.25 Esaïe 47.10-47.11
15 et non erit Aegypto opus quod faciat caput et caudam incurvantem et refrenantem
Esaïe 9.14-9.15 Proverbes 14.23 Psaumes 128.2 Habakuk 3.17 Aggée 1.11
16 in die illa erit Aegyptus quasi mulieres et stupebunt et timebunt a facie commotionis manus Domini exercituum quam ipse movebit super eam
Jérémie 51.30 Esaïe 11.15 Nahum 3.13 Jérémie 50.37 Esaïe 10.32
17 et erit terra Iuda Aegypto in festivitatem omnis qui illius fuerit recordatus pavebit a facie consilii Domini exercituum quod ipse cogitavit super eam
Esaïe 14.24 Daniel 4.35 Esaïe 36.1 Jérémie 44.28-44.30 Esaïe 20.2-20.5
18 in die illa erunt quinque civitates in terra Aegypti loquentes lingua Chanaan et iurantes per Dominum exercituum civitas Solis vocabitur una
Sophonie 3.9 Esaïe 19.21 Zacharie 2.11 Genèse 11.1 Deutéronome 10.20
19 in die illa erit altare Domini in medio terrae Aegypti et titulus iuxta terminum eius Domini
Genèse 28.18 Josué 22.10 Exode 24.4 Josué 22.26 Esaïe 66.23
20 et erit in signum et in testimonium Domino exercituum in terra Aegypti clamabunt enim ad Dominum a facie tribulantis et mittet eis salvatorem et propugnatorem qui liberet eos
Esaïe 20.4 Esaïe 52.5 Exode 3.7 Psaumes 50.15 Luc 2.11
21 et cognoscetur Dominus ab Aegypto et cognoscent Aegyptii Dominum in die illa et colent eum in hostiis et muneribus et vota vovebunt Domino et solvent
Esaïe 11.9 Habakuk 2.14 Malachie 1.11 Jean 17.3 Esaïe 55.5
22 et percutiet Dominus Aegyptum plaga et sanabit eam et revertentur ad Dominum et placabitur eis et sanabit eos
Deutéronome 32.39 Osée 14.1 Hébreux 12.11 Osée 5.15 Osée 6.2
23 in die illa erit via de Aegypto in Assyrios et intrabit Assyrius Aegyptum et Aegyptius in Assyrios et servient Aegyptii Assur
Esaïe 11.16 Esaïe 27.13 Ephésiens 3.6-3.8 Ephésiens 2.18-2.22 Esaïe 35.8-35.10
24 in die illa erit Israhel tertius Aegyptio et Assyrio benedictio in medio terrae
Esaïe 65.8 Genèse 12.2 Romains 10.11-10.13 Zacharie 2.10-2.11 Esaïe 66.19-66.21
25 cui benedixit Dominus exercituum dicens benedictus populus meus Aegypti et opus manuum mearum Assyrio hereditas autem mea Israhel
Esaïe 29.23 Osée 2.23 Deutéronome 32.9 Nombres 6.24 Romains 9.24-9.25