Jérémie 18.20
Vulgate

Illustration du potier et du vase

¹ verbum quod factum est ad Hieremiam a Domino dicens
² surge et descende in domum figuli et ibi audies verba mea
Jérémie 19.1-19.2 Hébreux 1.1 Jérémie 13.1 Esaïe 20.2 Ezéchiel 4.1-4.5
³ et descendi in domum figuli et ecce ipse faciebat opus super rotam
Jean 15.14 Actes 26.19 Jonas 1.3
⁴ et dissipatum est vas quod ipse faciebat e luto manibus suis conversusque fecit illud vas alterum sicut placuerat in oculis eius ut faceret
Jérémie 18.6 Romains 9.20-9.23 Esaïe 45.9
⁵ et factum est verbum Domini ad me dicens
⁶ numquid sicut figulus iste non potero facere vobis domus Israhel ait Dominus ecce sicut lutum in manu figuli sic vos in manu mea domus Israhel
Esaïe 64.8 Esaïe 45.9 Matthieu 20.15 Jérémie 18.4 Daniel 4.23
⁷ repente loquar adversum gentem et adversum regnum ut eradicem et destruam et disperdam illud
Jérémie 1.10 Jérémie 45.4 Jérémie 12.14-12.17 Jérémie 25.9-25.14 Amos 9.8
⁸ si paenitentiam egerit gens illa a malo suo quod locutus sum adversum eam agam et ego paenitentiam super malo quod cogitavi ut facerem ei
Ezéchiel 18.21 Jérémie 26.13 Osée 11.8 Jérémie 26.3 Juges 2.18
⁹ et subito loquar de gente et regno ut aedificem et ut plantem illud
Jérémie 31.28 Jérémie 1.10 Amos 9.11-9.15 Jérémie 11.17 Ecclésiaste 3.2
¹⁰ si fecerit malum in oculis meis ut non audiat vocem meam paenitentiam agam super bono quod locutus sum ut facerem ei
1 Samuel 2.30 1 Samuel 13.13 Ezéchiel 33.18 Psaumes 125.5 Ezéchiel 18.24
¹¹ nunc ergo dic viro Iudae et habitatoribus Hierusalem dicens haec dicit Dominus ecce ego fingo contra vos malum et cogito contra vos cogitationem revertatur unusquisque a via sua mala et dirigite vias vestras et studia vestra
2 Rois 17.13 Jérémie 35.15 Esaïe 1.16-1.19 Jérémie 7.3 Jérémie 25.5
¹² qui dixerunt desperavimus post cogitationes enim nostras ibimus et unusquisque pravitatem cordis sui mali faciemus
Jérémie 2.25 Deutéronome 29.19 Jérémie 16.12 Esaïe 57.10 Jérémie 7.24
¹³ ideo haec dicit Dominus interrogate gentes quis audivit talia horribilia quae fecit nimis virgo Israhel
Jérémie 5.30 Osée 6.10 Jérémie 23.14 Esaïe 66.8 Jérémie 31.4
¹⁴ numquid deficiet de petra agri nix Libani aut evelli possunt aquae erumpentes frigidae et defluentes
Jean 6.68
¹⁵ quia oblitus est mei populus meus frustra libantes et inpingentes in viis suis in semitis saeculi ut ambularent per eas in itinere non trito
Esaïe 57.14 Jérémie 6.16 Jérémie 10.15 Jérémie 2.32 Jérémie 2.13
¹⁶ ut fieret terra eorum in desolationem et in sibilum sempiternum omnis qui praeterit per eam obstupescet et movebit caput suum
Jérémie 25.9 Psaumes 22.7 Jérémie 50.13 Ezéchiel 33.28-33.29 1 Rois 9.8
¹⁷ sicut ventus urens dispergam eos coram inimico dorsum et non faciem ostendam eis in die perditionis eorum
Jérémie 13.24 Jérémie 2.27 Osée 13.15 Job 27.21 Psaumes 48.7
¹⁸ et dixerunt venite et cogitemus contra Hieremiam cogitationes non enim peribit lex a sacerdote neque consilium a sapiente nec sermo a propheta venite et percutiamus eum lingua et non adtendamus ad universos sermones eius
Jérémie 11.19 Psaumes 52.2 Malachie 2.7 Psaumes 21.11 Michée 2.1-2.3
¹⁹ adtende Domine ad me et audi vocem adversariorum meorum
Néhémie 6.9 Michée 7.8 Psaumes 109.28 Jérémie 20.12 Psaumes 55.16-55.17
²⁰ numquid redditur pro bono malum quia foderunt foveam animae meae recordare quod steterim in conspectu tuo ut loquerer pro eis bonum et averterem indignationem tuam ab eis
Psaumes 57.6 Psaumes 35.7 Psaumes 106.23 Psaumes 35.12 1 Samuel 24.17-24.19
²¹ propterea da filios eorum in famem et deduc eos in manus gladii fiant uxores eorum absque liberis et viduae et viri earum interficiantur morte iuvenes eorum confodiantur gladio in proelio
Psaumes 109.9-109.20 Jérémie 15.8 Amos 4.10 Jérémie 16.3-16.4 Lamentations 5.3
²² audiatur clamor de domibus eorum adduces enim super eos latronem repente quia foderunt foveam ut caperent me et laqueos absconderunt pedibus meis
Jérémie 6.26 Psaumes 140.5 Jérémie 25.34-25.36 Sophonie 1.10-1.11 Sophonie 1.16
²³ tu autem Domine scis omne consilium eorum adversum me in mortem ne propitieris iniquitati eorum et peccatum eorum a facie tua non deleatur fiant corruentes in conspectu tuo in tempore furoris tui abutere eis
Esaïe 2.9 Psaumes 35.4 Psaumes 69.22-69.28 Psaumes 109.14-109.15 Néhémie 4.4-4.5