Jérémie 29
Vulgate

Lettre aux Juifs exilés à Babylone

1 et haec sunt verba libri quae misit Hieremias propheta de Hierusalem ad reliquias seniorum transmigrationis et ad sacerdotes et ad prophetas et ad omnem populum quem transduxerat Nabuchodonosor de Hierusalem in Babylonem
Esther 9.20 Galates 6.11 Actes 15.23 2 Corinthiens 7.8 Apocalypse 2.1-2.3
2 postquam egressus est Iechonias rex et domina et eunuchi et principes Iuda et Hierusalem et faber et inclusor de Hierusalem
Jérémie 22.24-22.28 2 Rois 24.12-24.16 2 Chroniques 36.9-36.10 Jérémie 27.20 Daniel 1.3-1.21
3 in manu Ellasa filii Saphan et Gamaliae filii Helciae quos misit Sedecias rex Iuda ad Nabuchodonosor regem Babylonis in Babylonem dicens
1 Chroniques 6.13 Jérémie 39.14 Ezéchiel 8.11 Jérémie 26.24 2 Chroniques 34.20
4 haec dicit Dominus exercituum Deus Israhel omni transmigrationi quam transtuli de Hierusalem in Babylonem
Jérémie 24.5 Esaïe 45.7 Esaïe 5.5 Amos 3.6 Esaïe 10.5-10.6
5 aedificate domos et habitate et plantate hortos et comedite fructum eorum
Jérémie 29.28 Ezéchiel 28.26 Jérémie 29.10
6 accipite uxores et generate filios et filias date filiis vestris uxores et filias vestras date viris et pariant filios et filias et multiplicamini ibi et nolite esse pauci numero
Jérémie 16.2-16.4 Genèse 24.3-24.4 Juges 1.12-1.14 Genèse 28.1-28.4 1 Timothée 5.14
7 et quaerite pacem civitatis ad quam transmigrare vos feci et orate pro ea ad Dominum quia in pace illius erit pax vobis
1 Timothée 2.1-2.2 Esdras 6.10 Esdras 7.23 Daniel 6.4-6.5 Daniel 4.27
8 haec enim dicit Dominus exercituum Deus Israhel non vos inducant prophetae vestri qui sunt in medio vestrum et divini vestri et ne adtendatis ad somnia vestra quae vos somniatis
Ephésiens 5.6 Jérémie 28.15 Jérémie 5.31 Jérémie 23.21 Jérémie 14.14
9 quia falso ipsi prophetant vobis in nomine meo et non misi eos dicit Dominus
Jérémie 27.15 Jérémie 29.31 Jérémie 29.23
10 quia haec dicit Dominus cum coeperint impleri in Babylone septuaginta anni visitabo vos et suscitabo super vos verbum meum bonum ut reducam vos ad locum istum
Jérémie 27.22 Jérémie 25.12 Jérémie 24.6-24.7 Daniel 9.2 Sophonie 2.7
11 ego enim scio cogitationes quas cogito super vos ait Dominus cogitationes pacis et non adflictionis ut dem vobis finem et patientiam
Esaïe 55.8-55.12 Psaumes 33.11 Psaumes 40.5 Michée 4.12 Job 23.13
12 et invocabitis me et ibitis et orabitis me et exaudiam vos
Jérémie 33.3 Psaumes 50.15 Matthieu 7.7-7.8 Psaumes 10.17 Esaïe 65.24
13 quaeretis me et invenietis cum quaesieritis me in toto corde vestro
Psaumes 119.2 Joël 2.12 Jérémie 24.7 Deutéronome 4.29-4.31 Psaumes 119.10
14 et inveniar a vobis ait Dominus et reducam captivitatem vestram et congregabo vos de universis gentibus et de cunctis locis ad quae expuli vos dicit Dominus et reverti vos faciam de loco ad quem transmigrare vos feci
Jérémie 30.3 Psaumes 126.4 Esaïe 55.6 Psaumes 32.6 Ezéchiel 34.1-34.31
15 quia dixistis suscitavit nobis Dominus prophetas in Babylone
Ezéchiel 1.3 Jérémie 28.1-28.17 Jérémie 29.8-29.9 Ezéchiel 1.1
16 quia haec dicit Dominus ad regem qui sedet super solium David et ad omnem populum habitatorem urbis huius ad fratres vestros qui non sunt egressi vobiscum in transmigrationem
Jérémie 38.17-38.23 Jérémie 38.2-38.3 Jérémie 29.3 Ezéchiel 24.1-24.14 Ezéchiel 17.12-17.21
17 haec dicit Dominus exercituum ecce mittam in eis gladium et famem et pestem et ponam eos quasi ficus malas quae comedi non possunt eo quod pessimae sint
Jérémie 24.8-24.10 Jérémie 29.18 Jérémie 24.1-24.3 Jérémie 34.17-34.22 Jérémie 52.6
18 et persequar eos in gladio in fame et in pestilentia et dabo eos in vexationem universis regnis terrae in maledictionem et in stuporem et in sibilum et in obprobrium cunctis gentibus ad quas ego eieci eos
2 Chroniques 29.8 Jérémie 42.18 Jérémie 15.4 Jérémie 24.9 Deutéronome 28.25
19 eo quod non audierint verba mea dicit Dominus quae misi ad eos per servos meos prophetas de nocte consurgens et mittens et non audistis dicit Dominus
Jérémie 6.19 Jérémie 26.5 Hébreux 12.25 Jérémie 32.33 Jérémie 35.14-35.16
20 vos ergo audite verbum Domini omnis transmigratio quam emisi de Hierusalem in Babylonem
Jérémie 24.5 Michée 4.10 Ezéchiel 3.15 Ezéchiel 3.11
21 haec dicit Dominus exercituum Deus Israhel ad Ahab filium Culia et ad Sedeciam filium Maasiae qui prophetant vobis in nomine meo mendaciter ecce ego tradam eos in manu Nabuchodonosor regis Babylonis et percutiet eos in oculis vestris
Jérémie 14.14-14.15 Jérémie 29.8-29.9 Lamentations 2.14
22 et adsumetur ex eis maledictio omni transmigrationi Iuda quae est in Babylone dicentium ponat te Dominus sicut Sedeciam et sicut Ahab quos frixit rex Babylonis in igne
Daniel 3.6 Esaïe 65.15 Daniel 3.21 1 Corinthiens 16.22 Genèse 48.20
23 pro eo quod fecerint stultitiam in Israhel et moechati sunt in uxores amicorum suorum et locuti sunt verbum in nomine meo mendaciter quod non mandavi eis ego sum iudex et testis dicit Dominus
Jérémie 23.14 Hébreux 4.13 Malachie 3.5 Jérémie 29.8-29.9 Proverbes 5.21
24 et ad Semeiam Neelamiten dices
Jérémie 29.31-29.32
25 haec dicit Dominus exercituum Deus Israhel pro eo quod misisti in nomine tuo libros ad omnem populum qui est in Hierusalem et ad Sophoniam filium Maasiae sacerdotem et ad universos sacerdotes dicens
Jérémie 52.24 Jérémie 29.29 Jérémie 37.3 2 Rois 10.1-10.7 Néhémie 6.5
26 Dominus dedit te sacerdotem pro Ioiadae sacerdote ut sis dux in domo Domini super omnem virum arrepticium et prophetantem ut mittas eum in nervum et in carcerem
Jérémie 20.1-20.2 2 Rois 9.11 Actes 26.24 Jean 10.20 Osée 9.7
27 et nunc quare non increpasti Hieremiam Anathothiten qui prophetat vobis
Jérémie 1.1 Jean 11.47-11.53 Amos 7.12-7.13 Jérémie 43.2-43.3 Matthieu 27.63
28 quia super hoc misit ad nos in Babylonem dicens longum est aedificate domos et habitate et plantate hortos et comedite fructum eorum
Jérémie 29.5 Jérémie 29.1 Jérémie 29.10
29 legit ergo Sophonias sacerdos librum istum in auribus Hieremiae prophetae
Jérémie 29.25
30 et factum est verbum Domini ad Hieremiam dicens
31 mitte ad omnem transmigrationem dicens haec dicit Dominus ad Semeiam Neelamiten pro eo quod prophetavit vobis Semeias et ego non misi eum et fecit vos confidere in mendacio
Jérémie 29.9 Jérémie 14.14-14.15 Jérémie 29.23-29.24 Ezéchiel 13.22-13.23 Ezéchiel 13.8-13.16
32 idcirco haec dicit Dominus ecce ego visitabo super Semeiam Neelamiten et super semen eius non erit ei vir sedens in medio populi huius et non videbit bonum quod ego faciam populo meo ait Dominus quia praevaricationem locutus est adversum Dominum
Jérémie 28.16 Jérémie 17.6 2 Rois 7.2 1 Samuel 2.30-2.34 Jérémie 22.30