Ezéchiel 30.2
Vulgate

¹ et factum est verbum Domini ad me dicens
² fili hominis propheta et dic haec dicit Dominus Deus ululate vae vae diei
Esaïe 13.6 Joël 1.5 Joël 1.11 Ezéchiel 21.12 Esaïe 15.2
³ quia iuxta est dies et adpropinquavit dies Domini dies nubis tempus gentium erit
Ezéchiel 30.18 Abdias 1.15 Ezéchiel 7.7 Ezéchiel 7.12 Ezéchiel 34.12
⁴ et veniet gladius in Aegyptum et erit pavor in Aethiopia cum ceciderint vulnerati in Aegypto et ablata fuerit multitudo illius et destructa fundamenta eius
Ezéchiel 29.19 Ezéchiel 29.8 Ezéchiel 29.12 Jérémie 50.35-50.37 Esaïe 19.16-19.17
⁵ Aethiopia et Lybia et Lydii et omne reliquum vulgus et Chub et filii terrae foederis cum eis gladio cadent
Jérémie 25.20 Ezéchiel 27.10 Jérémie 25.24 Jérémie 44.27 Esaïe 18.1
⁶ haec dicit Dominus Deus et corruent fulcientes Aegyptum et destruetur superbia imperii eius a turre Syenes gladio cadent in ea ait Dominus exercituum
Ezéchiel 29.10 Esaïe 20.3-20.6 Esaïe 31.3 Job 9.13 Nahum 3.9
⁷ et dissipabuntur in medio terrarum desolatarum et urbes eius in medio civitatum desertarum erunt
Ezéchiel 29.12 Jérémie 25.18-25.26 Ezéchiel 32.18-32.32 Jérémie 46.1-46.28
⁸ et scient quoniam ego Dominus cum dedero ignem in Aegyptum et adtriti fuerint omnes auxiliatores eius
Ezéchiel 29.6 Amos 1.7 Amos 1.12 Ezéchiel 22.31 Amos 1.10
⁹ in die illa egredientur nuntii a facie mea in trieribus ad conterendam Aethiopiae confidentiam et erit pavor in eis in die Aegypti quia absque dubio veniet
Esaïe 18.1-18.2 Ezéchiel 32.9-32.10 Esaïe 23.5 Esaïe 19.17 Ezéchiel 38.11
¹⁰ haec dicit Dominus Deus et cessare faciam multitudinem Aegypti in manu Nabuchodonosor regis Babylonis
Ezéchiel 29.19 Ezéchiel 32.11-32.16 Ezéchiel 29.4-29.5 Ezéchiel 30.24-30.25
¹¹ ipse et populus eius cum eo fortissimi gentium adducentur ad disperdendam terram et evaginabunt gladios suos super Aegyptum et implebunt terram interfectis
Ezéchiel 28.7 Jérémie 51.20-51.23 Sophonie 1.17-1.18 Ezéchiel 31.12 Ezéchiel 35.8
¹² et faciam alveos fluminum aridos et tradam terram in manu pessimorum et dissipabo terram et plenitudinem eius in manu alienorum ego Dominus locutus sum
Ezéchiel 29.3 Juges 2.14 Apocalypse 16.12 1 Corinthiens 10.26 Ezéchiel 31.12
¹³ haec dicit Dominus Deus et disperdam simulacra et cessare faciam idola de Memphis et dux de terra Aegypti non erit amplius et dabo terrorem in terra Aegypti
Zacharie 10.11 Jérémie 46.14 Jérémie 2.16 Ezéchiel 29.14-29.15 Sophonie 2.11
¹⁴ et disperdam terram Fatures et dabo ignem in Tafnis et faciam iudicia in Alexandriam
Ezéchiel 29.14 Jérémie 46.25 Psaumes 78.12 Psaumes 78.43 Esaïe 19.11
¹⁵ et effundam indignationem meam super Pelusium robur Aegypti et interficiam multitudinem Alexandriae
Psaumes 11.6 Apocalypse 16.1 Nahum 1.6
¹⁶ et dabo ignem in Aegypto quasi parturiens dolebit Pelusium et Alexandria erit dissipata et in Memphis angustiae cotidianae
Ezéchiel 30.8-30.9 Ezéchiel 28.18
¹⁷ iuvenes Eliupoleos et Bubasti gladio cadent et ipsae captivae ducentur
Genèse 41.45
¹⁸ et in Tafnis nigrescet dies cum contrivero ibi sceptra Aegypti et defecerit in ea superbia potentiae eius ipsam nubes operiet filiae autem eius in captivitatem ducentur
Ezéchiel 30.3 Jérémie 2.16 Esaïe 10.27 Jérémie 46.14 Esaïe 5.30
¹⁹ et faciam iudicia in Aegypto et scient quia ego Dominus
Ezéchiel 30.14 Ezéchiel 5.8 Ezéchiel 25.11 Ezéchiel 5.15 Psaumes 9.16
²⁰ et factum est in undecimo anno in primo in septima mensis factum est verbum Domini ad me dicens
Ezéchiel 29.17 Ezéchiel 26.1 Ezéchiel 29.1 Ezéchiel 31.1 Ezéchiel 1.2
²¹ fili hominis brachium Pharao regis Aegypti confregi et ecce non est obvolutum ut restitueretur ei sanitas ut ligaretur pannis et farciretur linteolis et recepto robore posset tenere gladium
Jérémie 30.13 Jérémie 46.11 Jérémie 48.25 Psaumes 10.15 Ezéchiel 30.24
²² propterea haec dicit Dominus Deus ecce ego ad Pharao regem Aegypti et comminuam brachium eius forte sed confractum et deiciam gladium de manu eius
Jérémie 37.7 2 Rois 24.7 Ezéchiel 29.3 Psaumes 37.17 Ezéchiel 34.16
²³ et dispergam Aegyptum in gentibus et ventilabo eos in terris
Ezéchiel 30.17-30.18 Ezéchiel 30.26 Ezéchiel 29.12-29.13
²⁴ et confortabo brachia regis Babylonis daboque gladium meum in manu eius et confringam brachia Pharaonis et gement gemitibus interfecti coram facie eius
Ezéchiel 30.25 Sophonie 2.12 Esaïe 45.5 Job 24.12 Esaïe 45.1
²⁵ et confortabo brachia regis Babylonis et brachia Pharaonis concident et scient quia ego Dominus cum dedero gladium meum in manu regis Babylonis et extenderit eum super terram Aegypti
Ezéchiel 38.16 Ezéchiel 29.16 Ezéchiel 29.21 Ezéchiel 32.15 Ezéchiel 30.26
²⁶ et dispergam Aegyptum in nationes et ventilabo eos in terris et scient quia ego Dominus
Ezéchiel 29.12 Ezéchiel 30.17-30.18 Ezéchiel 30.23 Ezéchiel 6.13 Daniel 11.42