Hébreux 11.4
Vulgate

Exemples de foi

¹ est autem fides sperandorum substantia rerum argumentum non parentum
2 Corinthiens 5.7 2 Corinthiens 4.18 Romains 8.24-8.25 Hébreux 11.7 Hébreux 6.18-6.19
² in hac enim testimonium consecuti sunt senes
Hébreux 11.39 Hébreux 11.4
³ fide intellegimus aptata esse saecula verbo Dei ut ex invisibilibus visibilia fierent
Romains 4.17 Apocalypse 4.11 2 Pierre 3.5 Psaumes 33.6 Jean 1.3
⁴ fide plurimam hostiam Abel quam Cain obtulit Deo per quam testimonium consecutus est esse iustus testimonium perhibente muneribus eius Deo et per illam defunctus adhuc loquitur
Hébreux 12.24 Matthieu 23.35 Genèse 4.3-4.5 Genèse 4.10 Jude 1.11
⁵ fide Enoch translatus est ne videret mortem et non inveniebatur quia transtulit illum Deus ante translationem enim testimonium habebat placuisse Deo
2 Rois 2.11 Genèse 5.21-5.24 Jude 1.14 Hébreux 11.3-11.4 Psaumes 89.48
⁶ sine fide autem inpossibile placere credere enim oportet accedentem ad Deum quia est et inquirentibus se remunerator fit
Proverbes 8.17 Jérémie 29.13-29.14 Luc 12.31 1 Chroniques 28.9 Matthieu 6.33
⁷ fide Noe responso accepto de his quae adhuc non videbantur metuens aptavit arcam in salutem domus suae per quam damnavit mundum et iustitiae quae per fidem est heres est institutus
1 Pierre 3.20 Ezéchiel 14.20 Ezéchiel 14.14 Romains 4.13 Luc 17.26
⁸ fide qui vocatur Abraham oboedivit in locum exire quem accepturus erat in hereditatem et exiit nesciens quo iret
Genèse 12.1-12.4 Genèse 12.7 Actes 7.2-7.4 1 Pierre 1.22 Matthieu 7.24-7.25
⁹ fide moratus est in terra repromissionis tamquam in aliena in casulis habitando cum Isaac et Iacob coheredibus repromissionis eiusdem
Genèse 12.8 Hébreux 6.17 Genèse 13.3 Genèse 13.18 Genèse 18.9
¹⁰ expectabat enim fundamenta habentem civitatem cuius artifex et conditor Deus
Hébreux 13.14 Hébreux 12.22 Apocalypse 21.2 Philippiens 3.20 2 Corinthiens 5.1
¹¹ fide et ipsa Sarra sterilis virtutem in conceptionem seminis accepit etiam praeter tempus aetatis quoniam fidelem credidit esse qui promiserat
Genèse 18.11-18.14 Hébreux 10.23 Romains 4.20-4.21 Genèse 17.17-17.19 Genèse 21.1-21.2
¹² propter quod et ab uno orti sunt et haec emortuo tamquam sidera caeli in multitudinem et sicut harena quae est ad oram maris innumerabilis
Genèse 22.17 Genèse 32.12 Genèse 15.5 Osée 1.10 Esaïe 10.22
¹³ iuxta fidem defuncti sunt omnes isti non acceptis repromissionibus sed a longe eas aspicientes et salutantes et confitentes quia peregrini et hospites sunt supra terram
Psaumes 39.12 Hébreux 11.39 Genèse 23.4 Jean 8.56 Genèse 49.18
¹⁴ qui enim haec dicunt significant se patriam inquirere
2 Corinthiens 4.18-5.7 Philippiens 1.23 Romains 8.23-8.25 Hébreux 11.16 Hébreux 13.14
¹⁵ et si quidem illius meminissent de qua exierunt habebant utique tempus revertendi
Genèse 24.6-24.8 Genèse 12.10 Genèse 32.9-32.11 Genèse 31.18 Genèse 11.31
¹⁶ nunc autem meliorem appetunt id est caelestem ideo non confunditur Deus vocari Deus eorum paravit enim illis civitatem
Exode 3.6 Hébreux 2.11 Hébreux 13.14 Hébreux 11.10 Genèse 17.7-17.8
¹⁷ fide obtulit Abraham Isaac cum temptaretur et unigenitum offerebat qui susceperat repromissiones
Genèse 22.16 Genèse 22.1-22.12 Jacques 1.2-1.4 1 Pierre 4.12 Hébreux 7.6
¹⁸ ad quem dictum est quia in Isaac vocabitur tibi semen
Genèse 21.12 Romains 9.7 Genèse 17.19
¹⁹ arbitrans quia et a mortuis suscitare potens est Deus unde eum et in parabola accepit
Romains 4.17-4.21 Genèse 22.13 Matthieu 9.28 Romains 5.14 Hébreux 9.24
²⁰ fide et de futuris benedixit Isaac Iacob et Esau
Genèse 27.27-27.40 Genèse 28.2-28.3
²¹ fide Iacob moriens singulis filiorum Ioseph benedixit et adoravit fastigium virgae eius
Genèse 48.5-48.22 Genèse 47.31-48.1
²² fide Ioseph moriens de profectione filiorum Israhel memoratus est et de ossibus suis mandavit
Exode 13.19 Genèse 50.24-50.25 Actes 7.16 Josué 24.32
²³ fide Moses natus occultatus est mensibus tribus a parentibus suis eo quod vidissent elegantem infantem et non timuerunt regis edictum
Exode 1.22 Exode 1.16 Actes 7.20 Exode 2.2-2.10 Luc 12.4-12.5
²⁴ fide Moses grandis factus negavit se esse filium filiae Pharaonis
Exode 2.10-2.11 Actes 7.21-7.24
²⁵ magis eligens adfligi cum populo Dei quam temporalis peccati habere iucunditatem
Psaumes 84.10 Job 20.5 2 Corinthiens 5.17 Job 36.21 2 Timothée 3.11-3.12
²⁶ maiores divitias aestimans thesauro Aegyptiorum inproperium Christi aspiciebat enim in remunerationem
Hébreux 2.2 Hébreux 13.13 Hébreux 10.35 Psaumes 89.50-89.51 Philippiens 3.7
²⁷ fide reliquit Aegyptum non veritus animositatem regis invisibilem enim tamquam videns sustinuit
Hébreux 11.13 Exode 10.28-10.29 1 Timothée 1.17 Hébreux 11.1 Exode 2.14-2.15
²⁸ fide celebravit pascha et sanguinis effusionem ne qui vastabat primitiva tangeret eos
Exode 12.21-12.30 Exode 12.3-12.14 Hébreux 9.19 1 Pierre 1.2 Hébreux 12.24
²⁹ fide transierunt mare Rubrum tamquam per aridam terram quod experti Aegyptii devorati sunt
Psaumes 106.9-106.11 Esaïe 51.9-51.10 Psaumes 66.6 Exode 14.13-15.21 Josué 2.10
³⁰ fide muri Hiericho ruerunt circuiti dierum septem
Josué 6.3-6.20 2 Corinthiens 10.4-10.5
³¹ fide Raab meretrix non periit cum incredulis excipiens exploratores cum pace
Jacques 2.25 Josué 6.22-6.25 Hébreux 3.18 Matthieu 1.5 1 Pierre 3.20
³² et quid adhuc dicam deficiet enim me tempus enarrantem de Gedeon Barac Samson Iepthae David et Samuhel et prophetis
1 Samuel 16.13 1 Samuel 16.1 1 Samuel 1.20 Juges 13.1-13.16 Juges 11.1-11.12
³³ qui per fidem devicerunt regna operati sunt iustitiam adepti sunt repromissiones obturaverunt ora leonum
Juges 14.5-14.6 1 Samuel 17.33-17.36 Psaumes 144.1-144.2 Josué 6.1-6.13 Psaumes 18.32-18.34
³⁴ extinxerunt impetum ignis effugerunt aciem gladii convaluerunt de infirmitate fortes facti sunt in bello castra verterunt exterorum
2 Rois 6.16-6.18 2 Samuel 10.15-10.19 1 Samuel 17.51-17.52 Psaumes 144.10 Juges 7.19-7.25
³⁵ acceperunt mulieres de resurrectione mortuos suos alii autem distenti sunt non suscipientes redemptionem ut meliorem invenirent resurrectionem
1 Rois 17.22-17.24 2 Rois 4.27-4.37 Luc 7.12-7.16 Jean 5.29 Actes 22.24-22.25
³⁶ alii vero ludibria et verbera experti insuper et vincula et carceres
Jérémie 20.2 Genèse 39.20 Jérémie 32.2-32.3 Lamentations 3.52-3.55 2 Chroniques 36.16
³⁷ lapidati sunt secti sunt temptati sunt in occisione gladii mortui sunt circumierunt in melotis in pellibus caprinis egentes angustiati adflicti
2 Chroniques 24.21 1 Rois 19.10 Jérémie 26.23 1 Rois 21.13-21.15 2 Rois 1.8
³⁸ quibus dignus non erat mundus in solitudinibus errantes et montibus et speluncis et in cavernis terrae
1 Rois 18.4 1 Rois 19.9 1 Samuel 22.1 Esaïe 57.1 1 Rois 18.13
³⁹ et hii omnes testimonio fidei probati non acceperunt repromissionem
Hébreux 11.13 Hébreux 11.2 1 Pierre 1.12 Luc 10.23-10.24
⁴⁰ Deo pro nobis melius aliquid providente ut ne sine nobis consummarentur
Apocalypse 6.11 Hébreux 7.19 Hébreux 9.8-9.15 Hébreux 5.9 Hébreux 10.11-10.14