Job 27.7
Biblia Hebraica Stuttgartensia

¹ וַיֹּ֣סֶף אִ֭יֹּוב שְׂאֵ֥ת מְשָׁלֹ֗ו וַיֹּאמַֽר׃Job 29.1 Nombres 24.15 Nombres 23.7 Psaumes 49.4 Psaumes 78.2
² חַי־אֵ֭ל הֵסִ֣יר מִשְׁפָּטִ֑י וְ֝שַׁדַּ֗י הֵמַ֥ר נַפְשִֽׁי׃Job 34.5 Nombres 14.21 2 Rois 4.27 Jérémie 5.2 Ruth 3.13
³ כִּֽי־כָל־עֹ֣וד נִשְׁמָתִ֣י בִ֑י וְר֖וּחַ אֱלֹ֣והַּ בְּאַפִּֽי׃Genèse 2.7 Job 33.4 Esaïe 2.22 Actes 17.25 Job 32.8
⁴ אִם־תְּדַבֵּ֣רְנָה שְׂפָתַ֣י עַוְלָ֑ה וּ֝לְשֹׁונִ֗י אִם־יֶהְגֶּ֥ה רְמִיָּֽה׃Job 13.7 Jean 8.55 2 Corinthiens 11.10 Job 34.6 Job 6.28
⁵ חָלִ֣ילָה לִּי֮ אִם־אַצְדִּ֪יק אֶ֫תְכֶ֥ם עַד־אֶגְוָ֑ע לֹא־אָסִ֖יר תֻּמָּתִ֣י מִמֶּֽנִּי׃Job 13.15 Job 2.9 Deutéronome 25.1 Job 29.14 Job 32.3
⁶ בְּצִדְקָתִ֣י הֶ֭חֱזַקְתִּי וְלֹ֣א אַרְפֶּ֑הָ לֹֽא־יֶחֱרַ֥ף לְ֝בָבִ֗י מִיָּמָֽי׃Job 2.3 Actes 24.16 Proverbes 4.13 2 Corinthiens 12.11 1 Jean 3.20-3.21
⁷ יְהִ֣י כְ֭רָשָׁע אֹ֣יְבִ֑י וּמִתְקֹומְמִ֥י כְעַוָּֽל׃1 Samuel 25.26 Daniel 4.19 2 Samuel 18.32
⁸ כִּ֤י מַה־תִּקְוַ֣ת חָ֭נֵף כִּ֣י יִבְצָ֑ע כִּ֤י יֵ֖שֶׁל אֱלֹ֣והַּ נַפְשֹֽׁו׃Matthieu 16.26 Luc 12.20-12.21 Job 8.13 Job 11.20 Marc 8.36-8.37
⁹ הַֽ֭צַעֲקָתֹו יִשְׁמַ֥ע׀ אֵ֑ל כִּֽי־תָבֹ֖וא עָלָ֣יו צָרָֽה׃Jérémie 14.12 Michée 3.4 Proverbes 1.28 Esaïe 1.15 Job 35.12-35.13
¹⁰ אִם־עַל־שַׁדַּ֥י יִתְעַנָּ֑ג יִקְרָ֖א אֱלֹ֣והַּ בְּכָל־עֵֽת׃Psaumes 37.4 Job 22.26-22.27 1 Thessaloniciens 5.17 Ephésiens 6.18 Luc 18.1
¹¹ אֹורֶ֣ה אֶתְכֶ֣ם בְּיַד־אֵ֑ל אֲשֶׁ֥ר עִם־שַׁ֝דַּ֗י לֹ֣א אֲכַחֵֽד׃Job 6.10 Job 32.8-32.10 Actes 20.20 Psaumes 71.17 Job 4.3-4.4
¹² הֵן־אַתֶּ֣ם כֻּלְּכֶ֣ם חֲזִיתֶ֑ם וְלָמָּה־זֶּ֝֗ה הֶ֣בֶל תֶּהְבָּֽלוּ׃Job 17.2 Job 26.2-26.4 Ecclésiaste 8.14 Job 21.28-21.30 Job 13.4-13.9
¹³ זֶ֤ה׀ חֵֽלֶק־אָדָ֖ם רָשָׁ֥ע׀ עִם־אֵ֑ל וְֽנַחֲלַ֥ת עָ֝רִיצִ֗ים מִשַּׁדַּ֥י יִקָּֽחוּ׃Job 20.19-20.29 Proverbes 22.22-22.23 Esaïe 3.11 Psaumes 11.6 Psaumes 12.5
¹⁴ אִם־יִרְבּ֣וּ בָנָ֣יו לְמֹו־חָ֑רֶב וְ֝צֶאֱצָאָ֗יו לֹ֣א יִשְׂבְּעוּ־לָֽחֶם׃Deutéronome 28.41 Job 20.10 Luc 23.29 2 Rois 9.7-9.8 Osée 9.13-9.14
¹⁵ שְׂ֭רִידָיו בַּמָּ֣וֶת יִקָּבֵ֑רוּ וְ֝אַלְמְנֹתָ֗יו לֹ֣א תִבְכֶּֽינָה׃Psaumes 78.64 1 Rois 16.3-16.4 Jérémie 22.18 1 Rois 14.10-14.11 1 Rois 21.21-21.24
¹⁶ אִם־יִצְבֹּ֣ר כֶּעָפָ֣ר כָּ֑סֶף וְ֝כַחֹ֗מֶר יָכִ֥ין מַלְבּֽוּשׁ׃Zacharie 9.3 1 Rois 10.27 Jacques 5.2 Matthieu 6.19 Habakuk 2.6
¹⁷ יָ֭כִין וְצַדִּ֣יק יִלְבָּ֑שׁ וְ֝כֶ֗סֶף נָקִ֥י יַחֲלֹֽק׃Ecclésiaste 2.26 Proverbes 13.22 Proverbes 28.8
¹⁸ בָּנָ֣ה כָעָ֣שׁ בֵּיתֹ֑ו וּ֝כְסֻכָּ֗ה עָשָׂ֥ה נֹצֵֽר׃Esaïe 1.8 Job 8.14-8.15 Lamentations 2.6 Esaïe 51.8 Esaïe 38.12
¹⁹ עָשִׁ֣יר יִ֭שְׁכַּב וְלֹ֣א יֵאָסֵ֑ף עֵינָ֖יו פָּקַ֣ח וְאֵינֶֽנּוּ׃Job 24.24 Jérémie 8.2 Matthieu 23.37 Job 21.30 Job 14.12-14.15
²⁰ תַּשִּׂיגֵ֣הוּ כַ֭מַּיִם בַּלָּהֹ֑ות לַ֝֗יְלָה גְּנָבַ֥תּוּ סוּפָֽה׃Job 15.21 Job 18.11 Psaumes 69.14-69.15 2 Rois 19.35 Daniel 5.30
²¹ יִשָּׂאֵ֣הוּ קָדִ֣ים וְיֵלַ֑ךְ וִֽ֝ישָׂעֲרֵ֗הוּ מִמְּקֹמֹֽו׃Nahum 1.3-1.8 Osée 13.15 Job 7.10 Jérémie 18.17 Exode 9.23-9.25
²² וְיַשְׁלֵ֣ךְ עָ֭לָיו וְלֹ֣א יַחְמֹ֑ל מִ֝יָּדֹ֗ו בָּרֹ֥וחַ יִבְרָֽח׃Amos 9.1-9.3 Ezéchiel 9.5-9.6 Job 11.20 Ezéchiel 5.11 Romains 8.32
²³ יִשְׂפֹּ֣ק עָלֵ֣ימֹו כַפֵּ֑ימֹו וְיִשְׁרֹ֥ק עָ֝לָ֗יו מִמְּקֹמֹֽו׃Lamentations 2.15 Sophonie 2.15 1 Rois 9.8 Proverbes 11.10 Esther 9.22-9.25