Proverbes 29
Biblia Hebraica Stuttgartensia

¹ אִ֣ישׁ תֹּ֭וכָחֹות מַקְשֶׁה־עֹ֑רֶף פֶּ֥תַע יִ֝שָּׁבֵ֗ר וְאֵ֣ין מַרְפֵּֽא׃ Proverbes 6.15 1 Samuel 2.25 Jean 13.18 Proverbes 1.24-1.31 Jean 13.26
² בִּרְבֹ֣ות צַ֭דִּיקִים יִשְׂמַ֣ח הָעָ֑ם וּבִמְשֹׁ֥ל רָ֝שָׁ֗ע יֵאָ֥נַֽח עָֽם׃ Proverbes 28.12 Esther 8.15 Proverbes 11.10 Proverbes 28.28 Esther 3.15
³ אִֽישׁ־אֹהֵ֣ב חָ֭כְמָה יְשַׂמַּ֣ח אָבִ֑יו וְרֹעֶ֥ה זֹ֝ונֹ֗ות יְאַבֶּד־הֹֽון׃ Luc 15.30 Proverbes 10.1 Proverbes 27.11 Luc 15.13 Proverbes 6.26
⁴ מֶ֗לֶךְ בְּ֭מִשְׁפָּט יַעֲמִ֣יד אָ֑רֶץ וְאִ֖ישׁ תְּרוּמֹ֣ות יֶֽהֶרְסֶֽנָּה׃ Proverbes 29.14 2 Rois 15.18-15.20 Esaïe 49.8 Proverbes 16.12 Jérémie 22.13-22.17
⁵ גֶּ֭בֶר מַחֲלִ֣יק עַל־רֵעֵ֑הוּ רֶ֝֗שֶׁת פֹּורֵ֥שׂ עַל־פְּעָמָֽיו׃ Psaumes 5.9 Psaumes 12.2 Osée 5.1 Job 17.5 Proverbes 26.28
⁶ בְּפֶ֤שַֽׁע אִ֣ישׁ רָ֣ע מֹוקֵ֑שׁ וְ֝צַדִּ֗יק יָר֥וּן וְשָׂמֵֽחַ׃ Proverbes 5.22 Psaumes 97.11 Psaumes 11.6 Proverbes 12.13 Psaumes 132.16
⁷ יֹדֵ֣עַ צַ֭דִּיק דִּ֣ין דַּלִּ֑ים רָ֝שָׁ֗ע לֹא־יָבִ֥ין דָּֽעַת׃ Psaumes 41.1 Job 29.16 Proverbes 21.13 Proverbes 31.8-31.9 Michée 3.1-3.4
⁸ אַנְשֵׁ֣י לָ֭צֹון יָפִ֣יחוּ קִרְיָ֑ה וַ֝חֲכָמִ֗ים יָשִׁ֥יבוּ אָֽף׃ Proverbes 11.11 Jean 11.47-11.50 Proverbes 16.14 Exode 32.10-32.14 Jérémie 15.1
⁹ אִֽישׁ־חָכָ֗ם נִ֭שְׁפָּט אֶת־אִ֣ישׁ אֱוִ֑יל וְרָגַ֥ז וְ֝שָׂחַ֗ק וְאֵ֣ין נָֽחַת׃ Ecclésiaste 10.13 Proverbes 26.4 Matthieu 7.6 Matthieu 11.17-11.19
¹⁰ אַנְשֵׁ֣י דָ֭מִים יִשְׂנְאוּ־תָ֑ם וִֽ֝ישָׁרִ֗ים יְבַקְשׁ֥וּ נַפְשֹֽׁו׃ Genèse 4.5-4.8 1 Samuel 15.11 1 Jean 3.12-3.13 Jérémie 40.14-40.16 Jérémie 18.20
¹¹ כָּל־ר֭וּחֹו יֹוצִ֣יא כְסִ֑יל וְ֝חָכָ֗ם בְּאָחֹ֥ור יְשַׁבְּחֶֽנָּה׃ Proverbes 12.16 Proverbes 19.11 Juges 16.17 Proverbes 12.23 Amos 5.13
¹² מֹ֭שֵׁל מַקְשִׁ֣יב עַל־דְּבַר־שָׁ֑קֶר כָּֽל־מְשָׁרְתָ֥יו רְשָׁעִֽים׃ 1 Samuel 22.8-22.23 2 Rois 10.6-10.7 2 Samuel 3.7-3.11 Psaumes 52.2-52.4 1 Samuel 23.19-23.23
¹³ רָ֤שׁ וְאִ֣ישׁ תְּכָכִ֣ים נִפְגָּ֑שׁוּ מֵ֤אִיר־עֵינֵ֖י שְׁנֵיהֶ֣ם יְהוָֽה׃ Proverbes 22.2 Psaumes 13.3 Matthieu 5.45 Néhémie 5.5-5.7 Ephésiens 2.1
¹⁴ מֶ֤לֶךְ שֹׁופֵ֣ט בֶּֽאֱמֶ֣ת דַּלִּ֑ים כִּ֝סְאֹ֗ו לָעַ֥ד יִכֹּֽון׃ Proverbes 16.12 Proverbes 25.5 Esaïe 11.4 Psaumes 72.2-72.4 Proverbes 29.4
¹⁵ שֵׁ֣בֶט וְ֭תֹוכַחַת יִתֵּ֣ן חָכְמָ֑ה וְנַ֥עַר מְ֝שֻׁלָּ֗ח מֵבִ֥ישׁ אִמֹּֽו׃ Proverbes 10.1 Proverbes 17.25 Proverbes 22.15 Proverbes 29.17 Proverbes 13.24
¹⁶ בִּרְבֹ֣ות רְ֭שָׁעִים יִרְבֶּה־פָּ֑שַׁע וְ֝צַדִּיקִ֗ים בְּֽמַפַּלְתָּ֥ם יִרְאֽוּ׃ Psaumes 92.11 Psaumes 37.36 Psaumes 91.8 Psaumes 58.10 Psaumes 37.34
¹⁷ יַסֵּ֣ר בִּ֭נְךָ וִֽינִיחֶ֑ךָ וְיִתֵּ֖ן מַעֲדַנִּ֣ים לְנַפְשֶֽׁךָ׃ פ Proverbes 13.24 Proverbes 29.15 Proverbes 22.15 Proverbes 23.13-23.14 Proverbes 10.1
¹⁸ בְּאֵ֣ין חָ֭זֹון יִפָּ֣רַֽע עָ֑ם וְשֹׁמֵ֖ר תֹּורָ֣ה אַשְׁרֵֽהוּ׃ Jacques 1.25 Luc 11.28 Matthieu 9.36 1 Samuel 3.1 Romains 10.13-10.15
¹⁹ בִּ֭דְבָרִים לֹא־יִוָּ֣סֶר עָ֑בֶד כִּֽי־יָ֝בִ֗ין וְאֵ֣ין מַעֲנֶֽה׃ Proverbes 30.22 Job 19.16 Proverbes 26.3
²⁰ חָזִ֗יתָ אִ֭ישׁ אָ֣ץ בִּדְבָרָ֑יו תִּקְוָ֖ה לִכְסִ֣יל מִמֶּֽנּוּ׃ Jacques 1.19 Proverbes 26.12 Proverbes 21.5 Ecclésiaste 5.2 Proverbes 14.29
²¹ מְפַנֵּ֣ק מִנֹּ֣עַר עַבְדֹּ֑ו וְ֝אַחֲרִיתֹ֗ו יִהְיֶ֥ה מָנֹֽון׃ ²² אִֽישׁ־אַ֭ף יְגָרֶ֣ה מָדֹ֑ון וּבַ֖עַל חֵמָ֣ה רַב־פָּֽשַׁע׃ Proverbes 15.18 Proverbes 17.19 Proverbes 26.21 Proverbes 10.12 Jacques 3.16
²³ גַּאֲוַ֣ת אָ֭דָם תַּשְׁפִּילֶ֑נּוּ וּשְׁפַל־ר֝֗וּחַ יִתְמֹ֥ךְ כָּבֹֽוד׃ Matthieu 23.12 Luc 14.11 Esaïe 66.2 Proverbes 11.2 1 Pierre 5.5
²⁴ חֹולֵ֣ק עִם־גַּ֭נָּב שֹׂונֵ֣א נַפְשֹׁ֑ו אָלָ֥ה יִ֝שְׁמַ֗ע וְלֹ֣א יַגִּֽיד׃ Lévitique 5.1 Proverbes 8.36 Proverbes 15.32 Marc 11.17 Proverbes 1.11-1.19
²⁵ חֶרְדַּ֣ת אָ֭דָם יִתֵּ֣ן מֹוקֵ֑שׁ וּבֹוטֵ֖חַ בַּיהוָ֣ה יְשֻׂגָּֽב׃ Luc 12.4 Psaumes 118.8 Psaumes 91.14 Proverbes 18.10 Proverbes 16.20
²⁶ רַ֭בִּים מְבַקְשִׁ֣ים פְּנֵי־מֹושֵׁ֑ל וּ֝מֵיְהוָ֗ה מִשְׁפַּט־אִֽישׁ׃ Proverbes 19.6 Psaumes 20.9 Proverbes 19.21 Esther 4.16 Psaumes 62.12
²⁷ תֹּועֲבַ֣ת צַ֭דִּיקִים אִ֣ישׁ עָ֑וֶל וְתֹועֲבַ֖ת רָשָׁ֣ע יְשַׁר־דָּֽרֶךְ׃ פ Psaumes 139.21 1 Jean 3.13 Zacharie 11.8 Jean 15.17-15.19 Jean 15.23