Esaïe 33
Biblia Hebraica Stuttgartensia

¹ הֹ֣וי שֹׁודֵ֗ד וְאַתָּה֙ לֹ֣א שָׁד֔וּד וּבֹוגֵ֖ד וְלֹא־בָ֣גְדוּ בֹ֑ו כַּהֲתִֽמְךָ֤ שֹׁודֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ־בָֽךְ׃ ס Esaïe 21.2 Matthieu 7.2 Esaïe 17.14 Jérémie 25.12-25.14 Esaïe 24.16
² יְהוָ֥ה חָנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף־יְשׁוּעָתֵ֖נוּ בְּעֵ֥ת צָרָֽה׃ Esaïe 25.9 Esaïe 26.8 Esaïe 30.18-30.19 Psaumes 91.15 Psaumes 62.5
³ מִקֹּ֣ול הָמֹ֔ון נָדְד֖וּ עַמִּ֑ים מֵרֹ֣ומְמֻתֶ֔ךָ נָפְצ֖וּ גֹּויִֽם׃ Esaïe 10.32-10.34 Esaïe 37.11-37.18 Psaumes 46.6 Esaïe 10.13-10.14 Esaïe 37.29-37.36
⁴ וְאֻסַּ֣ף שְׁלַלְכֶ֔ם אֹ֖סֶף הֶֽחָסִ֑יל כְּמַשַּׁ֥ק גֵּבִ֖ים שֹׁוקֵ֥ק בֹּֽו׃ 2 Chroniques 20.25 Joël 2.25 2 Chroniques 14.13 2 Rois 7.15-7.16 Joël 2.9
⁵ נִשְׂגָּ֣ב יְהוָ֔ה כִּ֥י שֹׁכֵ֖ן מָרֹ֑ום מִלֵּ֣א צִיֹּ֔ון מִשְׁפָּ֖ט וּצְדָקָֽה׃ Esaïe 2.17 Psaumes 123.1 Psaumes 97.8-97.9 Apocalypse 19.2-19.6 Psaumes 115.1-115.2
⁶ וְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חָכְמַ֣ת וָדָ֑עַת יִרְאַ֥ת יְהוָ֖ה הִ֥יא אֹוצָרֹֽו׃ ס Matthieu 6.33 Psaumes 112.1-112.3 Proverbes 24.3-24.7 Ecclésiaste 7.12 Ecclésiaste 7.19
⁷ הֵ֚ן אֶרְאֶלָּ֔ם צָעֲק֖וּ חֻ֑צָה מַלְאֲכֵ֣י שָׁלֹ֔ום מַ֖ר יִבְכָּיֽוּן׃ Esaïe 36.22 2 Rois 18.18 Esaïe 36.3 2 Rois 18.37-19.3
⁸ נָשַׁ֣מּוּ מְסִלֹּ֔ות שָׁבַ֖ת עֹבֵ֣ר אֹ֑רַח הֵפֵ֤ר בְּרִית֙ מָאַ֣ס עָרִ֔ים לֹ֥א חָשַׁ֖ב אֱנֹֽושׁ׃ Juges 5.6 Luc 18.2-18.4 Esaïe 36.1 Esaïe 10.13-10.14 Esaïe 35.8
⁹ אָבַ֤ל אֻמְלְלָה֙ אָ֔רֶץ הֶחְפִּ֥יר לְבָנֹ֖ון קָמַ֑ל הָיָ֤ה הַשָּׁרֹון֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל׃ Esaïe 35.2 Nahum 1.4 Esaïe 65.10 Esaïe 14.8 Esaïe 2.13
¹⁰ עַתָּ֥ה אָק֖וּם יֹאמַ֣ר יְהוָ֑ה עַתָּה֙ אֵֽרֹומָ֔ם עַתָּ֖ה אֶנָּשֵֽׂא׃ Psaumes 12.5 Amos 6.1 Exode 14.18 Psaumes 46.10 Psaumes 7.6
¹¹ תַּהֲר֥וּ חֲשַׁ֖שׁ תֵּ֣לְדוּ קַ֑שׁ רוּחֲכֶ֕ם אֵ֖שׁ תֹּאכַלְכֶֽם׃ Esaïe 59.4 Psaumes 7.14 Jacques 1.15 Esaïe 30.30-30.33 Esaïe 29.5-29.8
¹² וְהָי֥וּ עַמִּ֖ים מִשְׂרְפֹ֣ות שִׂ֑יד קֹוצִ֥ים כְּסוּחִ֖ים בָּאֵ֥שׁ יִצַּֽתּוּ׃ ס 2 Samuel 23.6-23.7 Esaïe 27.4 Amos 2.1 Esaïe 10.17 Esaïe 37.36
¹³ שִׁמְע֥וּ רְחֹוקִ֖ים אֲשֶׁ֣ר עָשִׂ֑יתִי וּדְע֥וּ קְרֹובִ֖ים גְּבֻרָתִֽי׃ Psaumes 48.10 Esaïe 49.1 Ephésiens 2.11-2.18 Esaïe 37.20 Psaumes 148.14
¹⁴ פָּחֲד֤וּ בְצִיֹּון֙ חַטָּאִ֔ים אָחֲזָ֥ה רְעָדָ֖ה חֲנֵפִ֑ים מִ֣י׀ יָג֣וּר לָ֗נוּ אֵ֚שׁ אֹוכֵלָ֔ה מִי־יָג֥וּר לָ֖נוּ מֹוקְדֵ֥י עֹולָֽם׃ Hébreux 12.29 Matthieu 25.41 Apocalypse 14.10 Matthieu 25.46 Esaïe 66.24
¹⁵ הֹלֵ֣ךְ צְדָקֹ֔ות וְדֹבֵ֖ר מֵֽישָׁרִ֑ים מֹאֵ֞ס בְּבֶ֣צַע מַעֲשַׁקֹּ֗ות נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אָזְנֹו֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְאֹ֥ות בְּרָֽע׃ Psaumes 119.37 2 Pierre 2.14-2.16 Psaumes 1.1-1.3 Romains 2.7 Luc 3.12-3.14
¹⁶ ה֚וּא מְרֹומִ֣ים יִשְׁכֹּ֔ן מְצָדֹ֥ות סְלָעִ֖ים מִשְׂגַּבֹּ֑ו לַחְמֹ֣ו נִתָּ֔ן מֵימָ֖יו נֶאֱמָנִֽים׃ Esaïe 32.18 Luc 12.29-12.31 Esaïe 26.1-26.5 Psaumes 33.18 Esaïe 49.10
¹⁷ מֶ֥לֶךְ בְּיָפְיֹ֖ו תֶּחֱזֶ֣ינָה עֵינֶ֑יךָ תִּרְאֶ֖ינָה אֶ֥רֶץ מַרְחַקִּֽים׃ Esaïe 6.5 Esaïe 26.15 Cantique 5.10 Esaïe 37.1 2 Chroniques 32.23
¹⁸ לִבְּךָ֖ יֶהְגֶּ֣ה אֵימָ֑ה אַיֵּ֤ה סֹפֵר֙ אַיֵּ֣ה שֹׁקֵ֔ל אַיֵּ֖ה סֹפֵ֥ר אֶת־הַמִּגְדָּלִֽים׃ 1 Corinthiens 1.20 2 Rois 18.14 2 Timothée 3.11 2 Corinthiens 1.8-1.10 1 Samuel 30.6
¹⁹ אֶת־עַ֥ם נֹועָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמֹ֔ועַ נִלְעַ֥ג לָשֹׁ֖ון אֵ֥ין בִּינָֽה׃ Esaïe 28.11 Deutéronome 28.49-28.50 Jérémie 5.15 Ezéchiel 3.5-3.6 2 Rois 19.32
²⁰ חֲזֵ֣ה צִיֹּ֔ון קִרְיַ֖ת מֹֽועֲדֵ֑נוּ עֵינֶיךָ֩ תִרְאֶ֨ינָה יְרוּשָׁלִַ֜ם נָוֶ֣ה שַׁאֲנָ֗ן אֹ֤הֶל בַּל־יִצְעָן֙ בַּל־יִסַּ֤ע יְתֵֽדֹתָיו֙ לָנֶ֔צַח וְכָל־חֲבָלָ֖יו בַּל־יִנָּתֵֽקוּ׃ Psaumes 46.5 Esaïe 32.18 Esaïe 54.2 Psaumes 125.1-125.2 Esaïe 37.33
²¹ כִּ֣י אִם־שָׁ֞ם אַדִּ֤יר יְהוָה֙ לָ֔נוּ מְקֹום־נְהָרִ֥ים יְאֹרִ֖ים רַחֲבֵ֣י יָדָ֑יִם בַּל־תֵּ֤לֶךְ בֹּו֙ אֳנִי־שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ׃ Psaumes 46.4-46.5 Psaumes 29.3 Actes 7.2 Esaïe 41.18 Esaïe 48.18
²² כִּ֤י יְהוָה֙ שֹׁפְטֵ֔נוּ יְהוָ֖ה מְחֹקְקֵ֑נוּ יְהוָ֥ה מַלְכֵּ֖נוּ ה֥וּא יֹושִׁיעֵֽנוּ׃ Jacques 4.12 Psaumes 89.18 Esaïe 25.9 Esaïe 12.2 Zacharie 9.9
²³ נִטְּשׁ֖וּ חֲבָלָ֑יִךְ בַּל־יְחַזְּק֤וּ כֵן־תָּרְנָם֙ בַּל־פָּ֣רְשׂוּ נֵ֔ס אָ֣ז חֻלַּ֤ק עַֽד־שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז׃ 2 Rois 7.8 1 Corinthiens 1.27 Psaumes 68.12 2 Rois 7.16 Esaïe 33.21
²⁴ וּבַל־יֹאמַ֥ר שָׁכֵ֖ן חָלִ֑יתִי הָעָ֛ם הַיֹּשֵׁ֥ב בָּ֖הּ נְשֻׂ֥א עָוֹֽן׃ Jérémie 50.20 1 Jean 1.7-1.9 Michée 7.18-7.19 Esaïe 44.22 Esaïe 58.8