1 Rois 17.23
Septante

¹ καὶ εἶπεν Ηλιου ὁ προφήτης ὁ Θεσβίτης ἐκ Θεσβων τῆς Γαλααδ πρὸς Αχααβ ζῇ κύριος ὁ θεὸς τῶν δυνάμεων ὁ θεὸς Ισραηλ ᾧ παρέστην ἐνώπιον αὐτοῦ εἰ ἔσται τὰ ἔτη ταῦτα δρόσος καὶ ὑετὸς ὅτι εἰ μὴ διὰ στόματος λόγου μου.Jacques 5.17 Luc 1.17 2 Rois 3.14 Luc 4.25-4.26 1 Rois 22.14
² καὶ ἐγένετο ῥῆμα κυρίου πρὸς Ηλιου.Jérémie 18.1 1 Chroniques 17.3 1 Rois 12.22 Osée 1.1-1.2 Jérémie 7.1
³ πορεύου ἐντεῦθεν κατὰ ἀνατολὰς καὶ κρύβηθι ἐν τῷ χειμάρρῳ Χορραθ τοῦ ἐπὶ προσώπου τοῦ Ιορδάνου.Psaumes 31.20 Jérémie 36.26 1 Rois 22.25 Apocalypse 12.14 Hébreux 11.38
⁴ καὶ ἔσται ἐκ τοῦ χειμάρρου πίεσαι ὕδωρ καὶ τοῖς κόραξιν ἐντελοῦμαι διατρέφειν σε ἐκεῖ.1 Rois 17.9 1 Rois 19.5-19.8 Psaumes 147.9 Job 38.8-38.13 Matthieu 4.4
⁵ καὶ ἐποίησεν Ηλιου κατὰ τὸ ῥῆμα κυρίου καὶ ἐκάθισεν ἐν τῷ χειμάρρῳ Χορραθ ἐπὶ προσώπου τοῦ Ιορδάνου.Jean 15.14 1 Rois 19.9 Matthieu 16.24 Proverbes 3.5
⁶ καὶ οἱ κόρακες ἔφερον αὐτῷ ἄρτους τὸ πρωὶ καὶ κρέα τὸ δείλης καὶ ἐκ τοῦ χειμάρρου ἔπινεν ὕδωρ.Jérémie 40.4 Matthieu 14.19-14.21 Matthieu 19.26 Psaumes 78.15-78.16 Esaïe 33.16
⁷ καὶ ἐγένετο μετὰ ἡμέρας καὶ ἐξηράνθη ὁ χειμάρρους ὅτι οὐκ ἐγένετο ὑετὸς ἐπὶ τῆς γῆς.Esaïe 54.10 Esaïe 40.30-40.31
⁸ καὶ ἐγένετο ῥῆμα κυρίου πρὸς Ηλιου.Hébreux 13.6 Esaïe 41.17 1 Rois 17.2 Genèse 22.14
⁹ ἀνάστηθι καὶ πορεύου εἰς Σαρεπτα τῆς Σιδωνίας ἰδοὺ ἐντέταλμαι ἐκεῖ γυναικὶ χήρᾳ τοῦ διατρέφειν σε.Luc 4.26 Abdias 1.20 1 Rois 17.4 Romains 4.17-4.21 Juges 7.4
¹⁰ καὶ ἀνέστη καὶ ἐπορεύθη εἰς Σαρεπτα εἰς τὸν πυλῶνα τῆς πόλεως καὶ ἰδοὺ ἐκεῖ γυνὴ χήρα συνέλεγεν ξύλα καὶ ἐβόησεν ὀπίσω αὐτῆς Ηλιου καὶ εἶπεν αὐτῇ λαβὲ δή μοι ὀλίγον ὕδωρ εἰς ἄγγος καὶ πίομαι.Jean 4.7 Genèse 24.17 Hébreux 11.37 Genèse 21.15 2 Corinthiens 11.27
¹¹ καὶ ἐπορεύθη λαβεῖν καὶ ἐβόησεν ὀπίσω αὐτῆς Ηλιου καὶ εἶπεν λήμψῃ δή μοι ψωμὸν ἄρτου ἐν τῇ χειρί σου.1 Rois 18.4 Matthieu 10.42 Genèse 24.18-24.19 Hébreux 13.2 Matthieu 25.35-25.40
¹² καὶ εἶπεν ἡ γυνή ζῇ κύριος ὁ θεός σου εἰ ἔστιν μοι ἐγκρυφίας ἀλλ’ ἢ ὅσον δρὰξ ἀλεύρου ἐν τῇ ὑδρίᾳ καὶ ὀλίγον ἔλαιον ἐν τῷ καψάκῃ καὶ ἰδοὺ ἐγὼ συλλέγω δύο ξυλάρια καὶ εἰσελεύσομαι καὶ ποιήσω αὐτὸ ἐμαυτῇ καὶ τοῖς τέκνοις μου καὶ φαγόμεθα καὶ ἀποθανούμεθα.1 Rois 17.1 Genèse 21.16 2 Rois 4.2-4.7 1 Samuel 20.21 1 Samuel 14.39
¹³ καὶ εἶπεν πρὸς αὐτὴν Ηλιου θάρσει εἴσελθε καὶ ποίησον κατὰ τὸ ῥῆμά σου ἀλλὰ ποίησον ἐμοὶ ἐκεῖθεν ἐγκρυφίαν μικρὸν ἐν πρώτοις καὶ ἐξοίσεις μοι σαυτῇ δὲ καὶ τοῖς τέκνοις σου ποιήσεις ἐπ’ ἐσχάτου.2 Chroniques 20.17 Malachie 3.10 Matthieu 28.5 Juges 7.5-7.7 1 Pierre 1.7
¹⁴ ὅτι τάδε λέγει κύριος ἡ ὑδρία τοῦ ἀλεύρου οὐκ ἐκλείψει καὶ ὁ καψάκης τοῦ ἐλαίου οὐκ ἐλαττονήσει ἕως ἡμέρας τοῦ δοῦναι κύριον τὸν ὑετὸν ἐπὶ τῆς γῆς.2 Rois 3.16 2 Rois 9.6 2 Rois 4.2-4.7 Matthieu 15.36-15.38 Matthieu 14.17-14.20
¹⁵ καὶ ἐπορεύθη ἡ γυνὴ καὶ ἐποίησεν καὶ ἤσθιεν αὐτὴ καὶ αὐτὸς καὶ τὰ τέκνα αὐτῆς.Hébreux 11.17 Romains 4.19-4.20 Marc 12.43 Genèse 22.3 Matthieu 15.28
¹⁶ καὶ ἡ ὑδρία τοῦ ἀλεύρου οὐκ ἐξέλιπεν καὶ ὁ καψάκης τοῦ ἐλαίου οὐκ ἐλαττονώθη κατὰ τὸ ῥῆμα κυρίου ὃ ἐλάλησεν ἐν χειρὶ Ηλιου.1 Rois 13.5 Matthieu 19.26 Luc 1.45 Luc 1.37 Matthieu 9.28-9.30
¹⁷ καὶ ἐγένετο μετὰ ταῦτα καὶ ἠρρώστησεν ὁ υἱὸς τῆς γυναικὸς τῆς κυρίας τοῦ οἴκου καὶ ἦν ἡ ἀρρωστία αὐτοῦ κραταιὰ σφόδρα ἕως οὗ οὐχ ὑπελείφθη ἐν αὐτῷ πνεῦμα.1 Pierre 4.12 Genèse 22.1-22.2 2 Rois 4.18-4.20 Jacques 1.2-1.4 Daniel 5.23
¹⁸ καὶ εἶπεν πρὸς Ηλιου τί ἐμοὶ καὶ σοί ἄνθρωπε τοῦ θεοῦ εἰσῆλθες πρός με τοῦ ἀναμνῆσαι τὰς ἀδικίας μου καὶ θανατῶσαι τὸν υἱόν μου.Luc 5.8 Luc 4.34 2 Rois 3.13 2 Samuel 16.10 Jean 2.4
¹⁹ καὶ εἶπεν Ηλιου πρὸς τὴν γυναῖκα δός μοι τὸν υἱόν σου καὶ ἔλαβεν αὐτὸν ἐκ τοῦ κόλπου αὐτῆς καὶ ἀνήνεγκεν αὐτὸν εἰς τὸ ὑπερῷον ἐν ᾧ αὐτὸς ἐκάθητο ἐκεῖ καὶ ἐκοίμισεν αὐτὸν ἐπὶ τῆς κλίνης αὐτοῦ.2 Rois 4.32 2 Rois 4.21 Actes 9.37 2 Rois 4.10
²⁰ καὶ ἀνεβόησεν Ηλιου καὶ εἶπεν οἴμμοι κύριε ὁ μάρτυς τῆς χήρας μεθ’ ἧς ἐγὼ κατοικῶ μετ’ αὐτῆς σὺ κεκάκωκας τοῦ θανατῶσαι τὸν υἱὸν αὐτῆς.Psaumes 99.6 1 Samuel 7.8-7.9 Exode 17.4 2 Rois 19.4 Jérémie 12.1
²¹ καὶ ἐνεφύσησεν τῷ παιδαρίῳ τρὶς καὶ ἐπεκαλέσατο τὸν κύριον καὶ εἶπεν κύριε ὁ θεός μου ἐπιστραφήτω δὴ ἡ ψυχὴ τοῦ παιδαρίου τούτου εἰς αὐτόν.Actes 20.10 2 Rois 4.33-4.35 Actes 9.40 Hébreux 11.19 Actes 10.10
²² καὶ ἐγένετο οὕτως καὶ ἀνεβόησεν τὸ παιδάριον.2 Rois 13.21 Apocalypse 11.11 Romains 14.9 Actes 20.12 Jean 5.28-5.29
²³ καὶ κατήγαγεν αὐτὸν ἀπὸ τοῦ ὑπερῴου εἰς τὸν οἶκον καὶ ἔδωκεν αὐτὸν τῇ μητρὶ αὐτοῦ καὶ εἶπεν Ηλιου βλέπε ζῇ ὁ υἱός σου.Hébreux 11.35 Actes 9.41 2 Rois 4.36-4.37 Luc 7.15
²⁴ καὶ εἶπεν ἡ γυνὴ πρὸς Ηλιου ἰδοὺ ἔγνωκα ὅτι ἄνθρωπος θεοῦ εἶ σὺ καὶ ῥῆμα κυρίου ἐν στόματί σου ἀληθινόν.Jean 3.2 Jean 16.30 Jean 2.11 1 Thessaloniciens 2.13 Jean 11.42