Proverbes 26.14
Septante

Les relations avec le stupide

¹ ὥσπερ δρόσος ἐν ἀμήτῳ καὶ ὥσπερ ὑετὸς ἐν θέρει οὕτως οὐκ ἔστιν ἄφρονι τιμή.
Proverbes 17.7 Psaumes 15.4 Proverbes 28.16 Proverbes 19.10 Ecclésiaste 10.5-10.7
² ὥσπερ ὄρνεα πέταται καὶ στρουθοί οὕτως ἀρὰ ματαία οὐκ ἐπελεύσεται οὐδενί.
Nombres 23.8 2 Samuel 16.12 Deutéronome 23.4-23.5 1 Samuel 17.43 Psaumes 109.28
³ ὥσπερ μάστιξ ἵππῳ καὶ κέντρον ὄνῳ οὕτως ῥάβδος ἔθνει παρανόμῳ.
Psaumes 32.9 Proverbes 10.13 Proverbes 17.10 Proverbes 19.25 Proverbes 19.29
⁴ μὴ ἀποκρίνου ἄφρονι πρὸς τὴν ἐκείνου ἀφροσύνην ἵνα μὴ ὅμοιος γένῃ αὐτῷ.
1 Pierre 2.21-2.23 1 Pierre 3.9 Proverbes 26.5 1 Rois 12.14 Juges 12.1-12.6
⁵ ἀλλὰ ἀποκρίνου ἄφρονι κατὰ τὴν ἀφροσύνην αὐτοῦ ἵνα μὴ φαίνηται σοφὸς παρ’ ἑαυτῷ.
Proverbes 28.11 Matthieu 16.1-16.4 Romains 12.16 Proverbes 26.4 Jean 8.7
⁶ ἐκ τῶν ἑαυτοῦ ποδῶν ὄνειδος πίεται ὁ ἀποστείλας δι’ ἀγγέλου ἄφρονος λόγον.
Proverbes 10.26 Proverbes 25.13 Proverbes 13.17 Nombres 13.31
⁷ ἀφελοῦ πορείαν σκελῶν καὶ παροιμίαν ἐκ στόματος ἀφρόνων.
Matthieu 7.4-7.5 Proverbes 26.9 Luc 4.23 Proverbes 17.7 Psaumes 50.16-50.21
⁸ ὃς ἀποδεσμεύει λίθον ἐν σφενδόνῃ ὅμοιός ἐστιν τῷ διδόντι ἄφρονι δόξαν.
Proverbes 26.1 Proverbes 30.22 Proverbes 19.10
⁹ ἄκανθαι φύονται ἐν χειρὶ τοῦ μεθύσου δουλεία δὲ ἐν χειρὶ τῶν ἀφρόνων.
Proverbes 23.35
¹⁰ πολλὰ χειμάζεται πᾶσα σὰρξ ἀφρόνων συντρίβεται γὰρ ἡ ἔκστασις αὐτῶν.
Proverbes 11.31 Romains 2.6
¹¹ ὥσπερ κύων ὅταν ἐπέλθῃ ἐπὶ τὸν ἑαυτοῦ ἔμετον καὶ μισητὸς γένηται οὕτως ἄφρων τῇ ἑαυτοῦ κακίᾳ ἀναστρέψας ἐπὶ τὴν ἑαυτοῦ ἁμαρτίαν. ἔστιν αἰσχύνη ἐπάγουσα ἁμαρτίαν καὶ ἔστιν αἰσχύνη δόξα καὶ χάρις.
2 Pierre 2.22 Exode 8.15 Matthieu 12.45
¹² εἶδον ἄνδρα δόξαντα παρ’ ἑαυτῷ σοφὸν εἶναι ἐλπίδα μέντοι ἔσχεν μᾶλλον ἄφρων αὐτοῦ.
Proverbes 29.20 Matthieu 21.31 1 Corinthiens 3.18-3.19 Romains 12.16 Proverbes 28.11
¹³ λέγει ὀκνηρὸς ἀποστελλόμενος εἰς ὁδόν λέων ἐν ταῖς ὁδοῖς.
Proverbes 22.13 Proverbes 15.19 Proverbes 19.15
¹⁴ ὥσπερ θύρα στρέφεται ἐπὶ τοῦ στρόφιγγος οὕτως ὀκνηρὸς ἐπὶ τῆς κλίνης αὐτοῦ.
Proverbes 12.27 Proverbes 12.24 Proverbes 24.33 Hébreux 6.12 Proverbes 6.9-6.10
¹⁵ κρύψας ὀκνηρὸς τὴν χεῖρα ἐν τῷ κόλπῳ αὐτοῦ οὐ δυνήσεται ἐπενεγκεῖν ἐπὶ τὸ στόμα.
Proverbes 19.24
¹⁶ σοφώτερος ἑαυτῷ ὀκνηρὸς φαίνεται τοῦ ἐν πλησμονῇ ἀποκομίζοντος ἀγγελίαν.
Proverbes 26.12 1 Pierre 3.15 Proverbes 12.15
¹⁷ ὥσπερ ὁ κρατῶν κέρκου κυνός οὕτως ὁ προεστὼς ἀλλοτρίας κρίσεως.
2 Timothée 2.23-2.24 Luc 12.14 Proverbes 18.6 Proverbes 20.3 Proverbes 17.11
¹⁸ ὥσπερ οἱ ἰώμενοι προβάλλουσιν λόγους εἰς ἀνθρώπους ὁ δὲ ἀπαντήσας τῷ λόγῳ πρῶτος ὑποσκελισθήσεται.
Genèse 49.23 Proverbes 7.23 Esaïe 50.11 Proverbes 25.18
¹⁹ οὕτως πάντες οἱ ἐνεδρεύοντες τοὺς ἑαυτῶν φίλους ὅταν δὲ φωραθῶσιν λέγουσιν ὅτι παίζων ἔπραξα.
Ephésiens 5.4 Proverbes 10.23 Proverbes 15.21 Proverbes 14.9 2 Pierre 2.13
²⁰ ἐν πολλοῖς ξύλοις θάλλει πῦρ ὅπου δὲ οὐκ ἔστιν δίθυμος ἡσυχάζει μάχη.
Proverbes 16.28 Jacques 3.6 Proverbes 22.10 Proverbes 26.22
²¹ ἐσχάρα ἄνθραξιν καὶ ξύλα πυρί ἀνὴρ δὲ λοίδορος εἰς ταραχὴν μάχης.
Proverbes 15.18 Proverbes 29.22 2 Samuel 20.1 Proverbes 10.12 Psaumes 120.4
²² λόγοι κερκώπων μαλακοί οὗτοι δὲ τύπτουσιν εἰς ταμίεια σπλάγχνων.
Proverbes 18.8 Ezéchiel 22.9 Proverbes 20.19
²³ ἀργύριον διδόμενον μετὰ δόλου ὥσπερ ὄστρακον ἡγητέον χείλη λεῖα καρδίαν καλύπτει λυπηράν.
Luc 11.39 Luc 22.47-22.48 Proverbes 25.4 Proverbes 10.18 Matthieu 23.27
²⁴ χείλεσιν πάντα ἐπινεύει ἀποκλαιόμενος ἐχθρός ἐν δὲ τῇ καρδίᾳ τεκταίνεται δόλους.
Proverbes 12.20 Proverbes 12.17 Proverbes 10.18 Psaumes 41.6 Proverbes 11.1
²⁵ ἐάν σου δέηται ὁ ἐχθρὸς μεγάλῃ τῇ φωνῇ μὴ πεισθῇς ἑπτὰ γάρ εἰσιν πονηρίαι ἐν τῇ ψυχῇ αὐτοῦ.
Proverbes 6.16-6.19 Jérémie 12.6 Psaumes 28.3 Jérémie 9.2-9.8 Matthieu 24.23
²⁶ ὁ κρύπτων ἔχθραν συνίστησιν δόλον ἐκκαλύπτει δὲ τὰς ἑαυτοῦ ἁμαρτίας εὔγνωστος ἐν συνεδρίοις.
Psaumes 55.21-55.23 1 Samuel 18.21 2 Samuel 3.27-3.30 1 Samuel 18.17 Genèse 4.8
²⁷ ὁ ὀρύσσων βόθρον τῷ πλησίον ἐμπεσεῖται εἰς αὐτόν ὁ δὲ κυλίων λίθον ἐφ’ ἑαυτὸν κυλίει.
Proverbes 28.10 Esther 7.10 Psaumes 7.15-7.16 Psaumes 10.2 Psaumes 57.6
²⁸ γλῶσσα ψευδὴς μισεῖ ἀλήθειαν στόμα δὲ ἄστεγον ποιεῖ ἀκαταστασίας.
Proverbes 29.5 Jean 15.22-15.24 Jean 8.44-8.49 Luc 20.20-20.21 Proverbes 7.5