Ecclésiaste 3.22
Septante

¹ τοῖς πᾶσιν χρόνος καὶ καιρὸς τῷ παντὶ πράγματι ὑπὸ τὸν οὐρανόν.Ecclésiaste 3.17 Ecclésiaste 8.5-8.6 Ecclésiaste 2.3 2 Rois 5.26 Proverbes 15.23
² καιρὸς τοῦ τεκεῖν καὶ καιρὸς τοῦ ἀποθανεῖν καιρὸς τοῦ φυτεῦσαι καὶ καιρὸς τοῦ ἐκτῖλαι πεφυτευμένον.Hébreux 9.27 Job 14.5 Galates 4.4 Actes 7.20 Job 7.1
³ καιρὸς τοῦ ἀποκτεῖναι καὶ καιρὸς τοῦ ἰάσασθαι καιρὸς τοῦ καθελεῖν καὶ καιρὸς τοῦ οἰκοδομῆσαι.Osée 6.1-6.2 1 Samuel 2.6 Ezéchiel 13.14 Actes 5.15-5.16 Nombres 26.6-26.9
⁴ καιρὸς τοῦ κλαῦσαι καὶ καιρὸς τοῦ γελάσαι καιρὸς τοῦ κόψασθαι καὶ καιρὸς τοῦ ὀρχήσασθαι.Exode 15.20 Romains 12.15 Jean 16.20-16.22 Jacques 4.9 2 Corinthiens 7.10
⁵ καιρὸς τοῦ βαλεῖν λίθους καὶ καιρὸς τοῦ συναγαγεῖν λίθους καιρὸς τοῦ περιλαβεῖν καὶ καιρὸς τοῦ μακρυνθῆναι ἀπὸ περιλήμψεως.2 Rois 3.25 Joël 2.16 Josué 4.3-4.9 Josué 10.27 1 Corinthiens 7.5
⁶ καιρὸς τοῦ ζητῆσαι καὶ καιρὸς τοῦ ἀπολέσαι καιρὸς τοῦ φυλάξαι καὶ καιρὸς τοῦ ἐκβαλεῖν.Philippiens 3.7-3.8 Luc 9.24-9.25 Matthieu 16.25-16.26 Marc 8.35-8.37 2 Rois 8.9
⁷ καιρὸς τοῦ ῥῆξαι καὶ καιρὸς τοῦ ῥάψαι καιρὸς τοῦ σιγᾶν καὶ καιρὸς τοῦ λαλεῖν.Amos 5.13 Genèse 37.29 Genèse 44.34 Job 2.13 Michée 7.5
⁸ καιρὸς τοῦ φιλῆσαι καὶ καιρὸς τοῦ μισῆσαι καιρὸς πολέμου καὶ καιρὸς εἰρήνης.Luc 14.26 Ephésiens 5.25 Psaumes 139.21 Josué 8.1-8.29 1 Rois 5.4
⁹ τίς περισσεία τοῦ ποιοῦντος ἐν οἷς αὐτὸς μοχθεῖ.Ecclésiaste 1.3 Ecclésiaste 5.16 Proverbes 14.23 Ecclésiaste 2.11 Matthieu 16.26
¹⁰ εἶδον σὺν τὸν περισπασμόν ὃν ἔδωκεν ὁ θεὸς τοῖς υἱοῖς τοῦ ἀνθρώπου τοῦ περισπᾶσθαι ἐν αὐτῷ.Genèse 3.19 Ecclésiaste 2.26 Ecclésiaste 1.13-1.14 1 Thessaloniciens 2.9 2 Thessaloniciens 3.8
¹¹ σὺν τὰ πάντα ἐποίησεν καλὰ ἐν καιρῷ αὐτοῦ καί γε σὺν τὸν αἰῶνα ἔδωκεν ἐν καρδίᾳ αὐτῶν ὅπως μὴ εὕρῃ ὁ ἄνθρωπος τὸ ποίημα ὃ ἐποίησεν ὁ θεός ἀπ’ ἀρχῆς καὶ μέχρι τέλους.Romains 11.33 Ecclésiaste 8.17 Romains 1.19-1.20 Job 11.7 Genèse 1.31
¹² ἔγνων ὅτι οὐκ ἔστιν ἀγαθὸν ἐν αὐτοῖς εἰ μὴ τοῦ εὐφρανθῆναι καὶ τοῦ ποιεῖν ἀγαθὸν ἐν ζωῇ αὐτοῦ.Ecclésiaste 3.22 Psaumes 37.3 Actes 20.35 Luc 11.41 Esaïe 64.5
¹³ καί γε πᾶς ὁ ἄνθρωπος ὃς φάγεται καὶ πίεται καὶ ἴδῃ ἀγαθὸν ἐν παντὶ μόχθῳ αὐτοῦ δόμα θεοῦ ἐστιν.Ecclésiaste 2.24 Psaumes 128.2 Esaïe 65.21-65.23 Ecclésiaste 9.7 Ecclésiaste 5.18-5.20
¹⁴ ἔγνων ὅτι πάντα ὅσα ἐποίησεν ὁ θεός αὐτὰ ἔσται εἰς τὸν αἰῶνα ἐπ’ αὐτῷ οὐκ ἔστιν προσθεῖναι καὶ ἀπ’ αὐτοῦ οὐκ ἔστιν ἀφελεῖν καὶ ὁ θεὸς ἐποίησεν ἵνα φοβηθῶσιν ἀπὸ προσώπου αὐτοῦ.Jacques 1.17 Psaumes 33.11 Romains 11.36 Actes 4.28 Esaïe 59.18-59.19
¹⁵ τὸ γενόμενον ἤδη ἐστίν καὶ ὅσα τοῦ γίνεσθαι ἤδη γέγονεν καὶ ὁ θεὸς ζητήσει τὸν διωκόμενον.Ecclésiaste 1.9-1.10 Ecclésiaste 6.10
¹⁶ καὶ ἔτι εἶδον ὑπὸ τὸν ἥλιον τόπον τῆς κρίσεως ἐκεῖ ὁ ἀσεβής καὶ τόπον τοῦ δικαίου ἐκεῖ ὁ ἀσεβής.Ecclésiaste 4.1 Ecclésiaste 5.8 Actes 23.3 Psaumes 94.21-94.22 Matthieu 26.59
¹⁷ εἶπα ἐγὼ ἐν καρδίᾳ μου σὺν τὸν δίκαιον καὶ σὺν τὸν ἀσεβῆ κρινεῖ ὁ θεός ὅτι καιρὸς τῷ παντὶ πράγματι καὶ ἐπὶ παντὶ τῷ ποιήματι.Matthieu 16.27 Ecclésiaste 3.1 2 Corinthiens 5.10 Romains 2.5-2.10 Genèse 18.25
¹⁸ ἐκεῖ εἶπα ἐγὼ ἐν καρδίᾳ μου περὶ λαλιᾶς υἱῶν τοῦ ἀνθρώπου ὅτι διακρινεῖ αὐτοὺς ὁ θεός καὶ τοῦ δεῖξαι ὅτι αὐτοὶ κτήνη εἰσὶν καί γε αὐτοῖς.Psaumes 73.22 Genèse 3.17-3.19 Psaumes 49.12 Romains 3.4 Psaumes 73.18-73.19
¹⁹ ὅτι συνάντημα υἱῶν τοῦ ἀνθρώπου καὶ συνάντημα τοῦ κτήνους συνάντημα ἓν αὐτοῖς ὡς ὁ θάνατος τούτου οὕτως ὁ θάνατος τούτου καὶ πνεῦμα ἓν τοῖς πᾶσιν καὶ τί ἐπερίσσευσεν ὁ ἄνθρωπος παρὰ τὸ κτῆνος οὐδέν ὅτι τὰ πάντα ματαιότης.Psaumes 49.12 Psaumes 49.20 Ecclésiaste 2.16 Ecclésiaste 2.14 Psaumes 39.5-39.6
²⁰ τὰ πάντα πορεύεται εἰς τόπον ἕνα τὰ πάντα ἐγένετο ἀπὸ τοῦ χοός καὶ τὰ πάντα ἐπιστρέφει εἰς τὸν χοῦν.Genèse 3.19 Job 34.15 Ecclésiaste 6.6 Ecclésiaste 12.7 Ecclésiaste 9.10
²¹ καὶ τίς οἶδεν πνεῦμα υἱῶν τοῦ ἀνθρώπου εἰ ἀναβαίνει αὐτὸ εἰς ἄνω καὶ πνεῦμα τοῦ κτήνους εἰ καταβαίνει αὐτὸ κάτω εἰς γῆν.Ecclésiaste 12.7 2 Corinthiens 5.8 Actes 1.25 2 Corinthiens 5.1 Jean 14.3
²² καὶ εἶδον ὅτι οὐκ ἔστιν ἀγαθὸν εἰ μὴ ὃ εὐφρανθήσεται ὁ ἄνθρωπος ἐν ποιήμασιν αὐτοῦ ὅτι αὐτὸ μερὶς αὐτοῦ ὅτι τίς ἄξει αὐτὸν τοῦ ἰδεῖν ἐν ᾧ ἐὰν γένηται μετ’ αὐτόν.Ecclésiaste 10.14 Ecclésiaste 2.24 Ecclésiaste 8.7 Ecclésiaste 3.11-3.12 Ecclésiaste 6.12