Jérémie 22.12
Septante

Oracles contre les derniers rois de Juda

¹ τάδε λέγει κύριος πορεύου καὶ κατάβηθι εἰς τὸν οἶκον τοῦ βασιλέως Ιουδα καὶ λαλήσεις ἐκεῖ τὸν λόγον τοῦτον.
Marc 6.18 Osée 5.1 1 Rois 21.18-21.20 2 Samuel 12.1 2 Chroniques 33.10
² καὶ ἐρεῖς ἄκουε λόγον κυρίου βασιλεῦ Ιουδα ὁ καθήμενος ἐπὶ θρόνου Δαυιδ σὺ καὶ ὁ οἶκός σου καὶ ὁ λαός σου καὶ οἱ εἰσπορευόμενοι ταῖς πύλαις ταύταις.
Luc 1.32 Esaïe 9.7 Jérémie 22.4 Jérémie 36.30 Jérémie 22.29-22.30
³ τάδε λέγει κύριος ποιεῖτε κρίσιν καὶ δικαιοσύνην καὶ ἐξαιρεῖσθε διηρπασμένον ἐκ χειρὸς ἀδικοῦντος αὐτὸν καὶ προσήλυτον καὶ ὀρφανὸν καὶ χήραν μὴ καταδυναστεύετε καὶ μὴ ἀσεβεῖτε καὶ αἷμα ἀθῷον μὴ ἐκχέητε ἐν τῷ τόπῳ τούτῳ.
Jérémie 21.12 Jérémie 22.17 Ezéchiel 22.7 Michée 6.8 Psaumes 68.5
⁴ διότι ἐὰν ποιοῦντες ποιήσητε τὸν λόγον τοῦτον καὶ εἰσελεύσονται ἐν ταῖς πύλαις τοῦ οἴκου τούτου βασιλεῖς καθήμενοι ἐπὶ θρόνου Δαυιδ καὶ ἐπιβεβηκότες ἐφ’ ἁρμάτων καὶ ἵππων αὐτοὶ καὶ οἱ παῖδες αὐτῶν καὶ ὁ λαὸς αὐτῶν.
Jérémie 17.25
⁵ ἐὰν δὲ μὴ ποιήσητε τοὺς λόγους τούτους κατ’ ἐμαυτοῦ ὤμοσα λέγει κύριος ὅτι εἰς ἐρήμωσιν ἔσται ὁ οἶκος οὗτος.
Hébreux 6.13 Amos 6.8 Genèse 22.16 Jérémie 17.27 Deutéronome 32.40-32.42
⁶ ὅτι τάδε λέγει κύριος κατὰ τοῦ οἴκου βασιλέως Ιουδα Γαλααδ σύ μοι ἀρχὴ τοῦ Λιβάνου ἐὰν μὴ θῶ σε εἰς ἔρημον πόλεις μὴ κατοικηθησομένας.
Psaumes 107.34 Esaïe 6.11 Esaïe 27.10 Michée 3.12 Genèse 37.25
⁷ καὶ ἐπάξω ἐπὶ σὲ ἄνδρα ὀλεθρεύοντα καὶ τὸν πέλεκυν αὐτοῦ καὶ ἐκκόψουσιν τὰς ἐκλεκτὰς κέδρους σου καὶ ἐμβαλοῦσιν εἰς τὸ πῦρ.
Esaïe 10.33-10.34 Esaïe 37.24 Jérémie 4.6-4.7 Esaïe 13.3-13.5 Ezéchiel 9.1-9.7
⁸ καὶ διελεύσονται ἔθνη διὰ τῆς πόλεως ταύτης καὶ ἐροῦσιν ἕκαστος πρὸς τὸν πλησίον αὐτοῦ διὰ τί ἐποίησεν κύριος οὕτως τῇ πόλει τῇ μεγάλῃ ταύτῃ.
1 Rois 9.8-9.9 2 Chroniques 7.20-7.22 Deutéronome 29.23-29.26 Lamentations 2.15-2.17 Jérémie 16.10
⁹ καὶ ἐροῦσιν ἀνθ’ ὧν ἐγκατέλιπον τὴν διαθήκην κυρίου θεοῦ αὐτῶν καὶ προσεκύνησαν θεοῖς ἀλλοτρίοις καὶ ἐδούλευσαν αὐτοῖς.
2 Chroniques 34.25 2 Rois 22.17 Jérémie 50.7 Jérémie 2.17-2.19 Jérémie 40.2-40.3
¹⁰ μὴ κλαίετε τὸν τεθνηκότα μηδὲ θρηνεῖτε αὐτόν κλαύσατε κλαυθμῷ τὸν ἐκπορευόμενον ὅτι οὐκ ἐπιστρέψει ἔτι καὶ οὐ μὴ ἴδῃ τὴν γῆν πατρίδος αὐτοῦ.
Ecclésiaste 4.2 Esaïe 57.1 Jérémie 22.11 Lamentations 4.9 2 Rois 22.20
¹¹ διότι τάδε λέγει κύριος ἐπὶ Σελλημ υἱὸν Ιωσια τὸν βασιλεύοντα ἀντὶ Ιωσια τοῦ πατρὸς αὐτοῦ ὃς ἐξῆλθεν ἐκ τοῦ τόπου τούτου οὐκ ἀναστρέψει ἐκεῖ οὐκέτι.
1 Chroniques 3.15 2 Rois 23.34 2 Chroniques 36.1-36.4 2 Chroniques 28.12 2 Chroniques 34.22
¹² ἀλλ’ ἢ ἐν τῷ τόπῳ οὗ μετῴκισα αὐτόν ἐκεῖ ἀποθανεῖται καὶ τὴν γῆν ταύτην οὐκ ὄψεται ἔτι.
2 Rois 23.34 Jérémie 22.18
¹³ ὦ ὁ οἰκοδομῶν οἰκίαν αὐτοῦ οὐ μετὰ δικαιοσύνης καὶ τὰ ὑπερῷα αὐτοῦ οὐκ ἐν κρίματι παρὰ τῷ πλησίον αὐτοῦ ἐργᾶται δωρεὰν καὶ τὸν μισθὸν αὐτοῦ οὐ μὴ ἀποδώσει αὐτῷ.
Lévitique 19.13 Michée 3.10 Jacques 5.4 Deutéronome 24.14-24.15 Habakuk 2.9-2.11
¹⁴ ᾠκοδόμησας σεαυτῷ οἶκον σύμμετρον ὑπερῷα ῥιπιστὰ διεσταλμένα θυρίσιν καὶ ἐξυλωμένα ἐν κέδρῳ καὶ κεχρισμένα ἐν μίλτῳ.
2 Samuel 7.2 Aggée 1.4 Esaïe 5.8-5.9 2 Chroniques 3.5 Proverbes 24.27
¹⁵ μὴ βασιλεύσεις ὅτι σὺ παροξύνῃ ἐν Αχαζ τῷ πατρί σου οὐ φάγονται καὶ οὐ πίονται βέλτιον ἦν σε ποιεῖν κρίμα καὶ δικαιοσύνην καλήν.
2 Rois 23.25 Esaïe 3.10 Proverbes 29.4 Proverbes 25.5 Ecclésiaste 10.17
¹⁶ οὐκ ἔγνωσαν οὐκ ἔκριναν κρίσιν ταπεινῷ οὐδὲ κρίσιν πένητος οὐ τοῦτό ἐστιν τὸ μὴ γνῶναί σε ἐμέ λέγει κύριος.
Jérémie 9.24 Tite 1.16 1 Jean 2.3-2.4 1 Chroniques 28.9 Psaumes 72.12-72.13
¹⁷ ἰδοὺ οὔκ εἰσιν οἱ ὀφθαλμοί σου οὐδὲ ἡ καρδία σου καλή ἀλλ’ εἰς τὴν πλεονεξίαν σου καὶ εἰς τὸ αἷμα τὸ ἀθῷον τοῦ ἐκχέειν αὐτὸ καὶ εἰς ἀδίκημα καὶ εἰς φόνον τοῦ ποιεῖν.
Ezéchiel 19.6 Jérémie 22.3 2 Rois 24.4 2 Pierre 2.14 Psaumes 10.3
¹⁸ διὰ τοῦτο τάδε λέγει κύριος ἐπὶ Ιωακιμ υἱὸν Ιωσια βασιλέα Ιουδα οὐαὶ ἐπὶ τὸν ἄνδρα τοῦτον οὐ μὴ κόψωνται αὐτόν ὦ ἀδελφέ οὐδὲ μὴ κλαύσονται αὐτόν οἴμμοι κύριε.
Jérémie 16.6 1 Rois 13.30 Jérémie 16.4 Jérémie 22.10 Jérémie 34.5
¹⁹ ταφὴν ὄνου ταφήσεται συμψησθεὶς ῥιφήσεται ἐπέκεινα τῆς πύλης Ιερουσαλημ.
Jérémie 36.30 1 Rois 21.23-21.24 Jérémie 15.3 2 Chroniques 36.6 2 Rois 9.35
²⁰ ἀνάβηθι εἰς τὸν Λίβανον καὶ κέκραξον καὶ εἰς τὴν Βασαν δὸς τὴν φωνήν σου καὶ βόησον εἰς τὸ πέραν τῆς θαλάσσης ὅτι συνετρίβησαν πάντες οἱ ἐρασταί σου.
Nombres 27.12 Lamentations 1.2 Ezéchiel 23.22 Jérémie 22.22 Jérémie 2.36-3.1
²¹ ἐλάλησα πρὸς σὲ ἐν τῇ παραπτώσει σου καὶ εἶπας οὐκ ἀκούσομαι αὕτη ἡ ὁδός σου ἐκ νεότητός σου οὐκ ἤκουσας τῆς φωνῆς μου.
Jérémie 32.30 Jérémie 3.25 Jérémie 7.22-7.28 Ezéchiel 23.3-23.39 Proverbes 30.9
²² πάντας τοὺς ποιμένας σου ποιμανεῖ ἄνεμος καὶ οἱ ἐρασταί σου ἐν αἰχμαλωσίᾳ ἐξελεύσονται ὅτι τότε αἰσχυνθήσῃ καὶ ἀτιμωθήσῃ ἀπὸ πάντων τῶν φιλούντων σε.
Jérémie 10.21 Jérémie 12.10 Osée 13.15 Jérémie 23.1-23.2 Zacharie 11.17
²³ κατοικοῦσα ἐν τῷ Λιβάνῳ ἐννοσσεύουσα ἐν ταῖς κέδροις καταστενάξεις ἐν τῷ ἐλθεῖν σοι ὠδῖνας ὡς τικτούσης.
Jérémie 6.24 Jérémie 4.30-4.31 Jérémie 22.6 Osée 5.15-6.1 Jérémie 3.21
²⁴ ζῶ ἐγώ λέγει κύριος ἐὰν γενόμενος γένηται Ιεχονιας υἱὸς Ιωακιμ βασιλεὺς Ιουδα ἀποσφράγισμα ἐπὶ τῆς χειρὸς τῆς δεξιᾶς μου ἐκεῖθεν ἐκσπάσω σε.
Jérémie 37.1 Cantique 8.6 1 Chroniques 3.16 Aggée 2.23 2 Rois 24.6-24.8
²⁵ καὶ παραδώσω σε εἰς χεῖρας τῶν ζητούντων τὴν ψυχήν σου ὧν σὺ εὐλαβῇ ἀπὸ προσώπου αὐτῶν εἰς χεῖρας τῶν Χαλδαίων.
Jérémie 34.20-34.21 2 Rois 24.15-24.16 Jérémie 21.7 Jérémie 38.16 Proverbes 10.24
²⁶ καὶ ἀπορρίψω σὲ καὶ τὴν μητέρα σου τὴν τεκοῦσάν σε εἰς γῆν οὗ οὐκ ἐτέχθης ἐκεῖ καὶ ἐκεῖ ἀποθανεῖσθε.
2 Rois 24.15 Esaïe 22.17 2 Rois 24.8 2 Chroniques 36.9-36.10 Jérémie 15.2-15.4
²⁷ εἰς δὲ τὴν γῆν ἣν αὐτοὶ εὔχονται ταῖς ψυχαῖς αὐτῶν οὐ μὴ ἀποστρέψωσιν.
Jérémie 44.14 Jérémie 22.11 Psaumes 86.4 2 Rois 25.27-25.30 Jérémie 52.31-52.34
²⁸ ἠτιμώθη Ιεχονιας ὡς σκεῦος οὗ οὐκ ἔστιν χρεία αὐτοῦ ὅτι ἐξερρίφη καὶ ἐξεβλήθη εἰς γῆν ἣν οὐκ ᾔδει.
Osée 8.8 Psaumes 31.12 Jérémie 48.38 Jérémie 15.1 2 Timothée 2.20-2.21
²⁹ γῆ γῆ ἄκουε λόγον κυρίου.
Jérémie 6.19 Michée 1.2 Deutéronome 32.1 Deutéronome 4.26 Deutéronome 31.19
³⁰ γράψον τὸν ἄνδρα τοῦτον ἐκκήρυκτον ἄνθρωπον ὅτι οὐ μὴ αὐξηθῇ ἐκ τοῦ σπέρματος αὐτοῦ ἀνὴρ καθήμενος ἐπὶ θρόνου Δαυιδ ἄρχων ἔτι ἐν τῷ Ιουδα.
Jérémie 36.30 Luc 1.32-1.33 Psaumes 94.20 1 Chroniques 3.16-3.17 Jérémie 10.21