Ezéchiel 22.14
Septante

Crimes et jugement de Jérusalem

¹ καὶ ἐγένετο λόγος κυρίου πρός με λέγων.
² καὶ σύ υἱὲ ἀνθρώπου εἰ κρινεῖς τὴν πόλιν τῶν αἱμάτων καὶ παράδειξον αὐτῇ πάσας τὰς ἀνομίας αὐτῆς.
Ezéchiel 24.9 Nahum 3.1 Ezéchiel 24.6 1 Timothée 5.20 Ezéchiel 20.4
³ καὶ ἐρεῖς τάδε λέγει κύριος κύριος ὦ πόλις ἐκχέουσα αἵματα ἐν μέσῳ αὐτῆς τοῦ ἐλθεῖν καιρὸν αὐτῆς καὶ ποιοῦσα ἐνθυμήματα καθ’ αὑτῆς τοῦ μιαίνειν αὐτήν.
Ezéchiel 22.27 Jérémie 2.1-2.3 Ezéchiel 23.37 Sophonie 3.3 Ezéchiel 12.25
⁴ ἐν τοῖς αἵμασιν αὐτῶν οἷς ἐξέχεας παραπέπτωκας καὶ ἐν τοῖς ἐνθυμήμασίν σου οἷς ἐποίεις ἐμιαίνου καὶ ἤγγισας τὰς ἡμέρας σου καὶ ἤγαγες καιρὸν ἐτῶν σου διὰ τοῦτο δέδωκά σε εἰς ὄνειδος τοῖς ἔθνεσιν καὶ εἰς ἐμπαιγμὸν πάσαις ταῖς χώραις.
2 Rois 21.16 Ezéchiel 16.57 Ezéchiel 22.2 Psaumes 44.13-44.14 Ezéchiel 5.14-5.15
⁵ ταῖς ἐγγιζούσαις πρὸς σὲ καὶ ταῖς μακρὰν ἀπεχούσαις ἀπὸ σοῦ καὶ ἐμπαίξονται ἐν σοί ἀκάθαρτος ἡ ὀνομαστὴ καὶ πολλὴ ἐν ταῖς ἀνομίαις.
Esaïe 22.2 Jérémie 15.2-15.3
⁶ ἰδοὺ οἱ ἀφηγούμενοι οἴκου Ισραηλ ἕκαστος πρὸς τοὺς συγγενεῖς αὐτοῦ συνανεφύροντο ἐν σοί ὅπως ἐκχέωσιν αἷμα.
Esaïe 1.23 Ezéchiel 22.27 Zacharie 3.3 Jérémie 32.32 Michée 3.1-3.3
⁷ πατέρα καὶ μητέρα ἐκακολόγουν ἐν σοὶ καὶ πρὸς τὸν προσήλυτον ἀνεστρέφοντο ἐν ἀδικίαις ἐν σοί ὀρφανὸν καὶ χήραν κατεδυνάστευον ἐν σοί.
Deutéronome 27.16 Exode 22.21-22.22 Lévitique 20.9 Malachie 3.5 Zacharie 7.10
⁸ καὶ τὰ ἅγιά μου ἐξουδένουν καὶ τὰ σάββατά μου ἐβεβήλουν ἐν σοί.
Ezéchiel 20.13 Ezéchiel 22.26 Ezéchiel 23.38-23.39 Ezéchiel 20.21 Ezéchiel 20.24
⁹ ἄνδρες λῃσταὶ ἐν σοί ὅπως ἐκχέωσιν ἐν σοὶ αἷμα καὶ ἐπὶ τῶν ὀρέων ἤσθοσαν ἐν σοί ἀνόσια ἐποίουν ἐν μέσῳ σου.
Osée 4.14 Lévitique 19.16 Osée 4.10 Ezéchiel 16.43 Ezéchiel 18.6
¹⁰ αἰσχύνην πατρὸς ἀπεκάλυψαν ἐν σοὶ καὶ ἐν ἀκαθαρσίαις ἀποκαθημένην ἐταπείνουν ἐν σοί.
Lévitique 18.19 Ezéchiel 18.6 Lévitique 18.7-18.8 Lévitique 20.11 Lévitique 20.18
¹¹ ἕκαστος τὴν γυναῖκα τοῦ πλησίον αὐτοῦ ἠνομοῦσαν καὶ ἕκαστος τὴν νύμφην αὐτοῦ ἐμίαινεν ἐν ἀσεβείᾳ καὶ ἕκαστος τὴν ἀδελφὴν αὐτοῦ θυγατέρα τοῦ πατρὸς αὐτοῦ ἐταπείνουν ἐν σοί.
Lévitique 18.15 Lévitique 20.17 Lévitique 18.9 2 Samuel 13.14 Lévitique 20.12
¹² δῶρα ἐλαμβάνοσαν ἐν σοί ὅπως ἐκχέωσιν αἷμα τόκον καὶ πλεονασμὸν ἐλαμβάνοσαν ἐν σοί καὶ συνετελέσω συντέλειαν κακίας σου τὴν ἐν καταδυναστείᾳ ἐμοῦ δὲ ἐπελάθου λέγει κύριος.
Deutéronome 27.25 Ezéchiel 23.35 Ezéchiel 18.8 Deutéronome 23.19 Ezéchiel 18.13
¹³ ἐὰν δὲ πατάξω χεῖρά μου πρὸς χεῖρά μου ἐφ’ οἷς συντετέλεσαι οἷς ἐποίησας καὶ ἐπὶ τοῖς αἵμασίν σου τοῖς γεγενημένοις ἐν μέσῳ σου.
Esaïe 33.15 Ezéchiel 21.17 Ezéchiel 22.27 Amos 2.6-2.8 Ezéchiel 21.14
¹⁴ εἰ ὑποστήσεται ἡ καρδία σου εἰ κρατήσουσιν αἱ χεῖρές σου ἐν ταῖς ἡμέραις αἷς ἐγὼ ποιῶ ἐν σοί ἐγὼ κύριος λελάληκα καὶ ποιήσω.
Ezéchiel 17.24 Ezéchiel 21.7 Ezéchiel 24.14 Hébreux 10.31 Esaïe 31.3
¹⁵ καὶ διασκορπιῶ σε ἐν τοῖς ἔθνεσιν καὶ διασπερῶ σε ἐν ταῖς χώραις καὶ ἐκλείψει ἡ ἀκαθαρσία σου ἐκ σοῦ.
Deutéronome 4.27 Zacharie 7.14 Ezéchiel 22.22 Néhémie 1.8 Deutéronome 28.25
¹⁶ καὶ κατακληρονομήσω ἐν σοὶ κατ’ ὀφθαλμοὺς τῶν ἐθνῶν καὶ γνώσεσθε διότι ἐγὼ κύριος.
Ezéchiel 6.7 Ezéchiel 7.24 Psaumes 83.18 Esaïe 47.6 Daniel 4.25
¹⁷ καὶ ἐγένετο λόγος κυρίου πρός με λέγων.
¹⁸ υἱὲ ἀνθρώπου ἰδοὺ γεγόνασί μοι ὁ οἶκος Ισραηλ ἀναμεμειγμένοι πάντες χαλκῷ καὶ σιδήρῳ καὶ κασσιτέρῳ καὶ μολίβῳ ἐν μέσῳ ἀργυρίου ἀναμεμειγμένος ἐστίν.
Psaumes 119.119 Esaïe 1.22 Esaïe 48.10 Jérémie 6.28-6.30 Proverbes 17.3
¹⁹ διὰ τοῦτο εἰπόν τάδε λέγει κύριος ἀνθ’ ὧν ἐγένεσθε πάντες εἰς σύγκρασιν μίαν διὰ τοῦτο ἐγὼ εἰσδέχομαι ὑμᾶς εἰς μέσον Ιερουσαλημ.
Michée 4.12 Ezéchiel 11.7 Ezéchiel 24.3-24.6 Matthieu 13.40-13.42 Matthieu 13.30
²⁰ καθὼς εἰσδέχεται ἄργυρος καὶ χαλκὸς καὶ σίδηρος καὶ κασσίτερος καὶ μόλιβος εἰς μέσον καμίνου τοῦ ἐκφυσῆσαι εἰς αὐτὸ πῦρ τοῦ χωνευθῆναι οὕτως εἰσδέξομαι ὑμᾶς ἐν ὀργῇ μου καὶ συνάξω καὶ χωνεύσω ὑμᾶς.
Ezéchiel 21.31-21.32 Esaïe 54.16 Ezéchiel 24.13 Ezéchiel 22.21 Jérémie 4.11-4.12
²¹ καὶ ἐκφυσήσω ἐφ’ ὑμᾶς ἐν πυρὶ ὀργῆς μου καὶ χωνευθήσεσθε ἐν μέσῳ αὐτῆς.
Ezéchiel 20.47-20.48 Psaumes 68.2 Sophonie 1.18 Esaïe 64.7 Esaïe 64.2
²² ὃν τρόπον χωνεύεται ἀργύριον ἐν μέσῳ καμίνου οὕτως χωνευθήσεσθε ἐν μέσῳ αὐτῆς καὶ ἐπιγνώσεσθε διότι ἐγὼ κύριος ἐξέχεα τὸν θυμόν μου ἐφ’ ὑμᾶς.
Ezéchiel 20.33 Ezéchiel 20.8 Osée 5.10 Ezéchiel 22.31 Apocalypse 16.1

Péchés des chefs et du peuple d’Israël

²³ καὶ ἐγένετο λόγος κυρίου πρός με λέγων.
²⁴ υἱὲ ἀνθρώπου εἰπὸν αὐτῇ σὺ εἶ γῆ ἡ οὐ βρεχομένη οὐδὲ ὑετὸς ἐγένετο ἐπὶ σὲ ἐν ἡμέρᾳ ὀργῆς.
Esaïe 9.13 Jérémie 2.30 Sophonie 3.2 Jérémie 44.16-44.19 Esaïe 1.5
²⁵ ἧς οἱ ἀφηγούμενοι ἐν μέσῳ αὐτῆς ὡς λέοντες ὠρυόμενοι ἁρπάζοντες ἁρπάγματα ψυχὰς κατεσθίοντες ἐν δυναστείᾳ τιμὰς λαμβάνοντες ἐν ἀδικίᾳ καὶ αἱ χῆραί σου ἐπληθύνθησαν ἐν μέσῳ σου.
Osée 6.9 Jérémie 2.34 Ezéchiel 13.19 Jérémie 11.9 Marc 12.40
²⁶ καὶ οἱ ἱερεῖς αὐτῆς ἠθέτησαν νόμον μου καὶ ἐβεβήλουν τὰ ἅγιά μου ἀνὰ μέσον ἁγίου καὶ βεβήλου οὐ διέστελλον καὶ ἀνὰ μέσον ἀκαθάρτου καὶ τοῦ καθαροῦ οὐ διέστελλον καὶ ἀπὸ τῶν σαββάτων μου παρεκάλυπτον τοὺς ὀφθαλμοὺς αὐτῶν καὶ ἐβεβηλούμην ἐν μέσῳ αὐτῶν.
Lévitique 10.10 1 Samuel 2.12-2.17 Malachie 2.8 Ezéchiel 44.23 Jérémie 2.8
²⁷ οἱ ἄρχοντες αὐτῆς ἐν μέσῳ αὐτῆς ὡς λύκοι ἁρπάζοντες ἁρπάγματα τοῦ ἐκχέαι αἷμα ὅπως πλεονεξίᾳ πλεονεκτῶσιν.
Ezéchiel 22.13 Ezéchiel 22.6 Sophonie 3.3 Esaïe 1.23 Michée 3.2-3.3
²⁸ καὶ οἱ προφῆται αὐτῆς ἀλείφοντες αὐτοὺς πεσοῦνται ὁρῶντες μάταια μαντευόμενοι ψευδῆ λέγοντες τάδε λέγει κύριος καὶ κύριος οὐ λελάληκεν.
Ezéchiel 13.6-13.7 Jérémie 23.25-23.32 Sophonie 3.4 Jérémie 37.19 Jérémie 23.21
²⁹ λαὸν τῆς γῆς ἐκπιεζοῦντες ἀδικίᾳ καὶ διαρπάζοντες ἁρπάγματα πτωχὸν καὶ πένητα καταδυναστεύοντες καὶ πρὸς τὸν προσήλυτον οὐκ ἀναστρεφόμενοι μετὰ κρίματος.
Ezéchiel 22.7 Exode 23.9 Esaïe 5.7 Amos 3.10 Exode 22.21
³⁰ καὶ ἐζήτουν ἐξ αὐτῶν ἄνδρα ἀναστρεφόμενον ὀρθῶς καὶ ἑστῶτα πρὸ προσώπου μου ὁλοσχερῶς ἐν καιρῷ τῆς γῆς τοῦ μὴ εἰς τέλος ἐξαλεῖψαι αὐτήν καὶ οὐχ εὗρον.
Jérémie 5.1 Esaïe 59.16 Ezéchiel 13.5 Psaumes 106.23 Esaïe 63.5
³¹ καὶ ἐξέχεα ἐπ’ αὐτὴν θυμόν μου ἐν πυρὶ ὀργῆς μου τοῦ συντελέσαι τὰς ὁδοὺς αὐτῶν εἰς κεφαλὰς αὐτῶν δέδωκα λέγει κύριος κύριος.
Ezéchiel 7.8-7.9 Ezéchiel 16.43 Ezéchiel 9.10 Ezéchiel 7.3 Romains 2.8-2.9