Deutéronome 18.2
Septante

Les droits des Lévites et des prêtres

¹ οὐκ ἔσται τοῖς ἱερεῦσιν τοῖς Λευίταις ὅλῃ φυλῇ Λευι μερὶς οὐδὲ κλῆρος μετὰ Ισραηλ καρπώματα κυρίου ὁ κλῆρος αὐτῶν φάγονται αὐτά.
Deutéronome 10.9 Deutéronome 12.19 Nombres 18.20 Nombres 18.8-18.9 Josué 13.14
² κλῆρος δὲ οὐκ ἔσται αὐτοῖς ἐν τοῖς ἀδελφοῖς αὐτῶν κύριος αὐτὸς κλῆρος αὐτοῦ καθότι εἶπεν αὐτῷ.
Esaïe 61.6 Psaumes 16.5 1 Pierre 2.5 Psaumes 73.24-73.26 Psaumes 84.11
³ καὶ αὕτη ἡ κρίσις τῶν ἱερέων τὰ παρὰ τοῦ λαοῦ παρὰ τῶν θυόντων τὰ θύματα ἐάν τε μόσχον ἐάν τε πρόβατον καὶ δώσει τῷ ἱερεῖ τὸν βραχίονα καὶ τὰ σιαγόνια καὶ τὸ ἔνυστρον.
Lévitique 7.30-7.34 Deutéronome 12.27
⁴ καὶ τὰς ἀπαρχὰς τοῦ σίτου σου καὶ τοῦ οἴνου σου καὶ τοῦ ἐλαίου σου καὶ τὴν ἀπαρχὴν τῶν κουρῶν τῶν προβάτων σου δώσεις αὐτῷ.
Exode 22.29 Lévitique 23.10 Lévitique 23.17 Exode 23.19 Néhémie 12.44-12.47
⁵ ὅτι αὐτὸν ἐξελέξατο κύριος ὁ θεός σου ἐκ πασῶν τῶν φυλῶν σου παρεστάναι ἔναντι κυρίου τοῦ θεοῦ σου λειτουργεῖν καὶ εὐλογεῖν ἐπὶ τῷ ὀνόματι αὐτοῦ αὐτὸς καὶ οἱ υἱοὶ αὐτοῦ ἐν τοῖς υἱοῖς Ισραηλ.
Deutéronome 10.8 Nombres 3.10 Exode 28.1-28.14 Deutéronome 17.12 Nombres 17.5-17.9
⁶ ἐὰν δὲ παραγένηται ὁ Λευίτης ἐκ μιᾶς τῶν πόλεων ὑμῶν ἐκ πάντων τῶν υἱῶν Ισραηλ οὗ αὐτὸς παροικεῖ καθότι ἐπιθυμεῖ ἡ ψυχὴ αὐτοῦ εἰς τὸν τόπον ὃν ἂν ἐκλέξηται κύριος.
Nombres 35.2-35.3 Deutéronome 12.5 Psaumes 27.4 Psaumes 84.5 Deutéronome 16.2
⁷ καὶ λειτουργήσει τῷ ὀνόματι κυρίου τοῦ θεοῦ αὐτοῦ ὥσπερ πάντες οἱ ἀδελφοὶ αὐτοῦ οἱ Λευῖται οἱ παρεστηκότες ἐκεῖ ἔναντι κυρίου.
2 Chroniques 31.2-31.4
⁸ μερίδα μεμερισμένην φάγεται πλὴν τῆς πράσεως τῆς κατὰ πατριάν.
Néhémie 12.44 Néhémie 12.47 Luc 10.7 2 Chroniques 31.4 Lévitique 7.14

Les prophètes et non la divination

⁹ ἐὰν δὲ εἰσέλθῃς εἰς τὴν γῆν ἣν κύριος ὁ θεός σου δίδωσίν σοι οὐ μαθήσῃ ποιεῖν κατὰ τὰ βδελύγματα τῶν ἐθνῶν ἐκείνων.
Deutéronome 12.29-12.31 Lévitique 18.26-18.27 Lévitique 18.30
¹⁰ οὐχ εὑρεθήσεται ἐν σοὶ περικαθαίρων τὸν υἱὸν αὐτοῦ ἢ τὴν θυγατέρα αὐτοῦ ἐν πυρί μαντευόμενος μαντείαν κληδονιζόμενος καὶ οἰωνιζόμενος φαρμακός.
Lévitique 19.31 Lévitique 19.26 Exode 22.18 Deutéronome 12.31 Actes 19.19
¹¹ ἐπαείδων ἐπαοιδήν ἐγγαστρίμυθος καὶ τερατοσκόπος ἐπερωτῶν τοὺς νεκρούς.
Lévitique 19.31 1 Samuel 28.11-28.14
¹² ἔστιν γὰρ βδέλυγμα κυρίῳ τῷ θεῷ σου πᾶς ποιῶν ταῦτα ἕνεκεν γὰρ τῶν βδελυγμάτων τούτων κύριος ἐξολεθρεύσει αὐτοὺς ἀπὸ σοῦ.
Lévitique 18.24 Deutéronome 9.4 Lévitique 18.27
¹³ τέλειος ἔσῃ ἐναντίον κυρίου τοῦ θεοῦ σου.
Matthieu 5.48 Genèse 6.9 Genèse 17.1 Job 1.8 Job 1.1
¹⁴ τὰ γὰρ ἔθνη ταῦτα οὓς σὺ κατακληρονομεῖς αὐτούς οὗτοι κληδόνων καὶ μαντειῶν ἀκούσονται σοὶ δὲ οὐχ οὕτως ἔδωκεν κύριος ὁ θεός σου.
Genèse 20.6 Actes 14.16 Psaumes 147.19-147.20 Deutéronome 18.10
¹⁵ προφήτην ἐκ τῶν ἀδελφῶν σου ὡς ἐμὲ ἀναστήσει σοι κύριος ὁ θεός σου αὐτοῦ ἀκούσεσθε.
Actes 7.37 Jean 1.25 Jean 1.21 Jean 1.45 Actes 3.22-3.23
¹⁶ κατὰ πάντα ὅσα ᾐτήσω παρὰ κυρίου τοῦ θεοῦ σου ἐν Χωρηβ τῇ ἡμέρᾳ τῆς ἐκκλησίας λέγοντες οὐ προσθήσομεν ἀκοῦσαι τὴν φωνὴν κυρίου τοῦ θεοῦ ἡμῶν καὶ τὸ πῦρ τὸ μέγα τοῦτο οὐκ ὀψόμεθα ἔτι οὐδὲ μὴ ἀποθάνωμεν.
Exode 20.19 Deutéronome 5.23-5.28 Hébreux 12.19 Deutéronome 9.10
¹⁷ καὶ εἶπεν κύριος πρός με ὀρθῶς πάντα ὅσα ἐλάλησαν.
Deutéronome 5.28
¹⁸ προφήτην ἀναστήσω αὐτοῖς ἐκ τῶν ἀδελφῶν αὐτῶν ὥσπερ σὲ καὶ δώσω τὸ ῥῆμά μου ἐν τῷ στόματι αὐτοῦ καὶ λαλήσει αὐτοῖς καθότι ἂν ἐντείλωμαι αὐτῷ.
Jean 8.28 Deutéronome 18.15 Jean 12.49-12.50 Esaïe 51.16 Jean 4.25
¹⁹ καὶ ὁ ἄνθρωπος ὃς ἐὰν μὴ ἀκούσῃ ὅσα ἐὰν λαλήσῃ ὁ προφήτης ἐπὶ τῷ ὀνόματί μου ἐγὼ ἐκδικήσω ἐξ αὐτοῦ.
Actes 3.22-3.23 Hébreux 3.7 Hébreux 12.25-12.26 Hébreux 2.3 Hébreux 10.26
²⁰ πλὴν ὁ προφήτης ὃς ἂν ἀσεβήσῃ λαλῆσαι ἐπὶ τῷ ὀνόματί μου ῥῆμα ὃ οὐ προσέταξα λαλῆσαι καὶ ὃς ἂν λαλήσῃ ἐπ’ ὀνόματι θεῶν ἑτέρων ἀποθανεῖται ὁ προφήτης ἐκεῖνος.
Deutéronome 13.1-13.5 Zacharie 13.3 Jérémie 23.13-23.15 Jérémie 2.8 Apocalypse 19.20
²¹ ἐὰν δὲ εἴπῃς ἐν τῇ καρδίᾳ σου πῶς γνωσόμεθα τὸ ῥῆμα ὃ οὐκ ἐλάλησεν κύριος.
1 Jean 4.1-4.3 1 Thessaloniciens 5.24 Apocalypse 2.2
²² ὅσα ἐὰν λαλήσῃ ὁ προφήτης ἐπὶ τῷ ὀνόματι κυρίου καὶ μὴ γένηται τὸ ῥῆμα καὶ μὴ συμβῇ τοῦτο τὸ ῥῆμα ὃ οὐκ ἐλάλησεν κύριος ἐν ἀσεβείᾳ ἐλάλησεν ὁ προφήτης ἐκεῖνος οὐκ ἀφέξεσθε αὐτοῦ.
Deutéronome 18.20 Jérémie 28.1-28.17 Jonas 3.4 Jonas 4.2 Proverbes 26.2