Proverbes 11.23
Bible en Swahili de l’est

¹ Mizani ya hadaa ni chukizo kwa Bwana; Bali vipimo vilivyo sawasawa humpendeza.
² Kijapo kiburi ndipo ijapo aibu; Bali hekima hukaa na wanyenyekevu.
³ Ukamilifu wao wenye haki utawaongoza Bali ukaidi wao wenye fitina utawaangamiza.
⁴ Mali hazifaidii kitu siku ya ghadhabu; Bali haki huokoa na mauti.
⁵ Haki yake mtu mkamilifu itamwongoza njia yake; Bali mtu mwovu ataanguka kwa uovu wake.
⁶ Haki yao wenye haki itawaokoa; Bali wafanyao fitina watanaswa kwa hila yao wenyewe.
⁷ Mtu mwovu atakapokufa, taraja lake lapotea; Na matumaini ya uovu huangamia.
⁸ Mwenye haki huokolewa katika dhiki, Na mtu mwovu ataiingia badala yake.
⁹ Asiyemcha Mungu humpoteza jirani yake kwa kinywa chake; Bali wenye haki watapona kwa maarifa.
¹⁰ Wenye haki wasitawipo, mji hufurahi; Waovu waangamiapo, watu hupiga kelele.
¹¹ Mji hutukuzwa kwa mbaraka wa mwenye haki; Bali mji hupinduliwa kwa kinywa cha mwovu.
¹² Asiye na akili humdharau mwenziwe; Bali mtu aliye na ufahamu hunyamaza.
¹³ Mwenye kitango akisingizia hufunua siri; Bali mwenye roho ya uaminifu husitiri mambo.
¹⁴ Pasipo mashauri taifa huanguka; Bali kwa wingi wa washauri huja wokovu.
¹⁵ Amdhaminiye mgeni hakosi ataumia; Achukiaye mambo ya dhamana yu salama.
¹⁶ Mwanamke wa adabu huheshimiwa daima; Na watu wakali hushika mali siku zote.
¹⁷ Mwenye rehema huitendea mema nafsi yake; Aliye mkali hujisumbua mwili wake.
¹⁸ Mtu mwovu hupata mshahara wa udanganyifu; Apandaye haki ana thawabu ya hakika.
¹⁹ Haki huelekea uzima; Afuataye maovu hufuata mauti yake mwenyewe.
²⁰ Wenye kuhalifu moyoni ni chukizo kwa Bwana; Walio wakamilifu katika njia zao humpendeza.
²¹ Hakika, mtu mwovu hatakosa adhabu; Bali wazao wa wenye haki wataokoka.
²² Kama pete ya dhahabu katika pua ya nguruwe, Kadhalika mwanamke mzuri asiye na akili.
²³ Haja ya mwenye haki ni mema tu; Bali kutaraji kwake mtu mwovu ni ghadhabu.
²⁴ Kuna atawanyaye, lakini huongezewa zaidi; Kuna azuiaye isivyo haki, lakini huelekea uhitaji.
²⁵ Nafsi ya mtu mkarimu itawandishwa; Anyweshaye atanyweshwa mwenyewe.
²⁶ Awanyimaye watu nafaka, watu watamlaani; Auzaye nafaka, baraka itakuwa kichwani pake.
²⁷ Atafutaye mema kwa bidii hutafuta fadhili; Atafutaye madhara, hayo yatamjia.
²⁸ Azitegemeaye mali zake ataanguka; Mwenye haki atasitawi kama jani.
²⁹ Ataabishaye nyumba yake mwenyewe ataurithi upepo; Mpumbavu atakuwa mtumwa wa mtu mwenye moyo wa akili.
³⁰ Mazao ya mwenye haki ni mti wa uzima; Na mwenye hekima huvuta roho za watu.
³¹ Tazama, mwenye haki atalipwa duniani; Basi mwovu na mkosaji si mara nyingi zaidi?