Genèse 40
Vulgate

1 his ita gestis accidit ut peccarent duo eunuchi pincerna regis Aegypti et pistor domino suo
Genèse 40.13 Esther 6.1 Néhémie 1.11-2.2 Genèse 39.20-39.23
2 iratusque Pharao contra eos nam alter pincernis praeerat alter pistoribus
Proverbes 16.14 Proverbes 27.4 1 Chroniques 27.27 Actes 12.20 Proverbes 19.12
3 misit eos in carcerem principis militum in quo erat vinctus et Ioseph
Genèse 39.20 Genèse 39.23
4 at custos carceris tradidit eos Ioseph qui et ministrabat eis aliquantum temporis fluxerat et illi in custodia tenebantur
Genèse 39.21-39.23 Psaumes 37.5 Genèse 39.1 Genèse 37.36
5 videruntque ambo somnium nocte una iuxta interpretationem congruam sibi
Genèse 41.11 Genèse 37.5-37.10 Daniel 2.1-2.3 Daniel 4.9 Genèse 12.1-12.7
6 ad quos cum introisset Ioseph mane et vidisset eos tristes
Genèse 41.8 Genèse 40.8 Daniel 2.1-2.3 Daniel 8.27 Daniel 7.28
7 sciscitatus est dicens cur tristior est hodie solito facies vestra
Néhémie 2.2 1 Samuel 1.8 Juges 18.24 2 Samuel 13.4 Luc 24.17
8 qui responderunt somnium vidimus et non est qui interpretetur nobis dixitque ad eos Ioseph numquid non Dei est interpretatio referte mihi quid videritis
Genèse 41.15-41.16 Daniel 2.28 Daniel 2.47 Psaumes 25.14 Daniel 5.11-5.15
9 narravit prior praepositus pincernarum somnium videbam coram me vitem
Juges 7.13-7.15 Daniel 4.8 Genèse 37.5-37.10 Daniel 4.10-4.18 Daniel 2.31
10 in qua erant tres propagines crescere paulatim gemmas et post flores uvas maturescere
11 calicemque Pharaonis in manu mea tuli ergo uvas et expressi in calicem quem tenebam et tradidi poculum Pharaoni
Néhémie 1.11-2.1 Genèse 40.21 2 Chroniques 9.4 1 Rois 10.5 Proverbes 3.10
12 respondit Ioseph haec est interpretatio somnii tres propagines tres adhuc dies sunt
Juges 7.14 Genèse 41.12 Genèse 40.18 Genèse 41.25-41.26 1 Corinthiens 10.4
13 post quos recordabitur Pharao magisterii tui et restituet te in gradum pristinum dabisque ei calicem iuxta officium tuum sicut facere ante consueveras
Psaumes 3.3 Jérémie 52.31 2 Rois 25.27 Genèse 40.19-40.22 Genèse 7.4
14 tantum memento mei cum tibi bene fuerit et facies mecum misericordiam ut suggeras Pharaoni et educat me de isto carcere
Josué 2.12 Luc 23.42 1 Rois 2.7 1 Samuel 20.14-20.15 1 Corinthiens 7.21
15 quia furto sublatus sum de terra Hebraeorum et hic innocens in lacum missus sum
Genèse 39.20 Actes 24.12-24.21 Genèse 41.12 Psaumes 59.3-59.4 Jean 15.25
16 videns pistorum magister quod prudenter somnium dissolvisset ait et ego vidi somnium quod haberem tria canistra farinae super caput meum
Genèse 40.1-40.2
17 et in uno canistro quod erat excelsius portare me omnes cibos qui fiunt arte pistoria avesque comedere ex eo
Genèse 49.20
18 respondit Ioseph haec est interpretatio somnii tria canistra tres adhuc dies sunt
Genèse 40.12 1 Corinthiens 11.24 1 Corinthiens 10.4 Genèse 41.26
19 post quos auferet Pharao caput tuum ac suspendet te in cruce et lacerabunt volucres carnes tuas
Genèse 40.22 Ezéchiel 39.4 2 Samuel 21.10 Josué 10.26 Deutéronome 21.22-21.23
20 exin dies tertius natalicius Pharaonis erat qui faciens grande convivium pueris suis recordatus est inter epulas magistri pincernarum et pistorum principis
Genèse 40.19 Genèse 40.13 Matthieu 14.6 Marc 6.21 2 Rois 25.27
21 restituitque alterum in locum suum ut porrigeret regi poculum
Genèse 40.13 Néhémie 2.1
22 alterum suspendit in patibulo ut coniectoris veritas probaretur
Genèse 40.19 Daniel 2.30 Daniel 5.12 Daniel 2.19-2.23 Genèse 40.8
23 et tamen succedentibus prosperis praepositus pincernarum oblitus est interpretis sui
Job 19.14 Psaumes 31.12 Psaumes 105.19 Amos 6.6 Ecclésiaste 9.15-9.16