Genèse 40.9
Vulgate

¹ his ita gestis accidit ut peccarent duo eunuchi pincerna regis Aegypti et pistor domino suo
Genèse 40.13 Esther 6.1 Néhémie 1.11-2.2 Genèse 39.20-39.23
² iratusque Pharao contra eos nam alter pincernis praeerat alter pistoribus
Proverbes 16.14 Proverbes 27.4 1 Chroniques 27.27 Actes 12.20 Proverbes 19.12
³ misit eos in carcerem principis militum in quo erat vinctus et Ioseph
Genèse 39.20 Genèse 39.23
⁴ at custos carceris tradidit eos Ioseph qui et ministrabat eis aliquantum temporis fluxerat et illi in custodia tenebantur
Genèse 39.21-39.23 Psaumes 37.5 Genèse 39.1 Genèse 37.36
⁵ videruntque ambo somnium nocte una iuxta interpretationem congruam sibi
Genèse 41.11 Esther 6.1 Genèse 37.5-37.10 Daniel 2.1-2.3 Daniel 4.9
⁶ ad quos cum introisset Ioseph mane et vidisset eos tristes
Genèse 41.8 Genèse 40.8 Daniel 2.1-2.3 Daniel 8.27 Daniel 7.28
⁷ sciscitatus est dicens cur tristior est hodie solito facies vestra
Néhémie 2.2 1 Samuel 1.8 Juges 18.24 2 Samuel 13.4 Luc 24.17
⁸ qui responderunt somnium vidimus et non est qui interpretetur nobis dixitque ad eos Ioseph numquid non Dei est interpretatio referte mihi quid videritis
Genèse 41.15-41.16 Daniel 2.28 Daniel 2.47 Daniel 4.8 Daniel 2.11
⁹ narravit prior praepositus pincernarum somnium videbam coram me vitem
Juges 7.13-7.15 Daniel 4.8 Genèse 37.5-37.10 Daniel 4.10-4.18 Daniel 2.31
¹⁰ in qua erant tres propagines crescere paulatim gemmas et post flores uvas maturescere
¹¹ calicemque Pharaonis in manu mea tuli ergo uvas et expressi in calicem quem tenebam et tradidi poculum Pharaoni
Néhémie 1.11-2.1 Genèse 40.21 2 Chroniques 9.4 1 Rois 10.5 Proverbes 3.10
¹² respondit Ioseph haec est interpretatio somnii tres propagines tres adhuc dies sunt
Juges 7.14 Genèse 41.12 Genèse 40.18 Genèse 41.25-41.26 1 Corinthiens 10.4
¹³ post quos recordabitur Pharao magisterii tui et restituet te in gradum pristinum dabisque ei calicem iuxta officium tuum sicut facere ante consueveras
Psaumes 3.3 Jérémie 52.31 2 Rois 25.27 Genèse 40.19-40.22 Genèse 7.4
¹⁴ tantum memento mei cum tibi bene fuerit et facies mecum misericordiam ut suggeras Pharaoni et educat me de isto carcere
Josué 2.12 Luc 23.42 1 Rois 2.7 1 Samuel 20.14-20.15 1 Corinthiens 7.21
¹⁵ quia furto sublatus sum de terra Hebraeorum et hic innocens in lacum missus sum
Genèse 39.20 Deutéronome 24.7 Genèse 14.13 Actes 24.12-24.21 Genèse 41.12
¹⁶ videns pistorum magister quod prudenter somnium dissolvisset ait et ego vidi somnium quod haberem tria canistra farinae super caput meum
Genèse 40.1-40.2
¹⁷ et in uno canistro quod erat excelsius portare me omnes cibos qui fiunt arte pistoria avesque comedere ex eo
Genèse 49.20
¹⁸ respondit Ioseph haec est interpretatio somnii tria canistra tres adhuc dies sunt
Genèse 40.12 1 Corinthiens 11.24 1 Corinthiens 10.4 Genèse 41.26
¹⁹ post quos auferet Pharao caput tuum ac suspendet te in cruce et lacerabunt volucres carnes tuas
Genèse 40.22 2 Samuel 21.6 Proverbes 30.17 Ezéchiel 39.4 2 Samuel 21.10
²⁰ exin dies tertius natalicius Pharaonis erat qui faciens grande convivium pueris suis recordatus est inter epulas magistri pincernarum et pistorum principis
Matthieu 14.6 Genèse 40.19 Genèse 40.13 Marc 6.21 2 Rois 25.27
²¹ restituitque alterum in locum suum ut porrigeret regi poculum
Genèse 40.13 Néhémie 2.1
²² alterum suspendit in patibulo ut coniectoris veritas probaretur
Genèse 40.19 Daniel 2.30 Daniel 5.12 Daniel 2.19-2.23 Genèse 40.8
²³ et tamen succedentibus prosperis praepositus pincernarum oblitus est interpretis sui
Job 19.14 Psaumes 31.12 Psaumes 105.19 Amos 6.6 Ecclésiaste 9.15-9.16