2 Chroniques 30
Vulgate

Célébration de la Pâque

1 misit quoque Ezechias ad omnem Israhel et Iudam scripsitque epistulas ad Ephraim et Manassem ut venirent ad domum Domini in Hierusalem et facerent phase Domino Deo Israhel
Osée 5.4 2 Chroniques 11.13 2 Chroniques 30.10-30.11 1 Corinthiens 5.7-5.8 2 Chroniques 25.7
2 inito ergo consilio regis et principum et universi coetus Hierusalem decreverunt ut facerent phase mense secundo
Nombres 9.10-9.11 Proverbes 11.14 1 Chroniques 13.1-13.3 2 Chroniques 30.15 Ecclésiaste 4.13
3 non enim occurrerant facere in tempore suo quia sacerdotes qui possent sufficere sanctificati non fuerant et populus necdum congregatus erat in Hierusalem
2 Chroniques 29.34 Exode 12.6 Exode 12.18 2 Chroniques 29.17
4 placuitque sermo regi et omni multitudini
1 Chroniques 13.4
5 et decreverunt ut mitterent nuntios in universum Israhel de Bersabee usque Dan ut venirent et facerent phase Domino Deo Israhel in Hierusalem multi enim non fecerant sicut lege praescriptum est
Juges 20.1 Esther 8.8-8.10 Daniel 4.1-4.33 2 Chroniques 36.22 Lévitique 23.2
6 perrexeruntque cursores cum epistulis ex regis imperio et principum eius in universum Israhel et Iudam iuxta quod rex iusserat praedicantes filii Israhel revertimini ad Dominum Deum Abraham et Isaac et Israhel et revertetur ad reliquias quae effugerunt manum regis Assyriorum
Esther 8.14 Jérémie 51.31 2 Chroniques 28.20 2 Rois 15.29 Job 9.25
7 nolite fieri sicut patres vestri et fratres qui recesserunt a Domino Deo patrum suorum et tradidit eos in interitum ut ipsi cernitis
2 Chroniques 29.8 Ezéchiel 20.13-20.18 Zacharie 1.3-1.4
8 nolite indurare cervices vestras sicut patres vestri tradite manus Domino et venite ad sanctuarium eius quod sanctificavit in aeternum servite Domino Deo patrum vestrorum et avertetur a vobis ira furoris eius
Exode 32.9 2 Chroniques 29.10 Deutéronome 10.16 Psaumes 73.17 Psaumes 68.24
9 si enim vos reversi fueritis ad Dominum fratres vestri et filii habebunt misericordiam coram dominis suis qui illos duxere captivos et revertentur in terram hanc pius enim et clemens est Dominus Deus vester et non avertet faciem suam a vobis si reversi fueritis ad eum
Psaumes 106.46 Michée 7.18 Exode 34.6-34.7 1 Rois 8.50 Esaïe 55.7
10 igitur cursores pergebant velociter de civitate in civitatem per terram Ephraim et Manasse usque Zabulon illis inridentibus et subsannantibus eos
2 Chroniques 36.16 2 Chroniques 30.6 Luc 8.53 Job 9.25 Luc 16.14
11 attamen quidam viri ex Aser et Manasse et Zabulon adquiescentes consilio venerunt Hierusalem
2 Chroniques 30.18 2 Chroniques 30.21 2 Chroniques 30.25 Actes 17.34 Luc 14.11
12 in Iuda vero facta est manus Domini ut daret eis cor unum et facerent iuxta praeceptum regis et principum verbum Domini
Philippiens 2.13 Jérémie 32.39 2 Chroniques 29.36 Esdras 7.27 Ezéchiel 36.26
13 congregatique sunt in Hierusalem populi multi ut facerent sollemnitatem azymorum in mense secundo
Psaumes 84.7 2 Chroniques 30.2
14 et surgentes destruxerunt altaria quae erant in Hierusalem atque universa in quibus idolis adolebatur incensum subvertentes proiecerunt in torrentem Cedron
2 Chroniques 28.24 2 Chroniques 15.16 2 Chroniques 29.16 2 Samuel 15.23 2 Rois 23.12-23.13
15 immolaverunt autem phase quartadecima die mensis secundi sacerdotes quoque atque Levitae tandem sanctificati obtulerunt holocausta in domo Domini
2 Chroniques 29.34 2 Chroniques 31.18 2 Chroniques 30.24 Exode 19.10 2 Chroniques 29.15
16 steteruntque in ordine suo iuxta dispositionem et legem Mosi hominis Dei sacerdotes vero suscipiebant effundendum sanguinem de manibus Levitarum
2 Chroniques 35.15 Deutéronome 33.1 Lévitique 1.5 Hébreux 11.28 2 Rois 11.14
17 eo quod multa turba sanctificata non esset et idcirco Levitae immolarent phase his qui non occurrerant sanctificari Domino
2 Chroniques 29.34 2 Chroniques 35.3-35.6 Exode 12.6
18 magna etiam pars populi de Ephraim et Manasse et Isachar et Zabulon quae sanctificata non fuerat comedit phase non iuxta quod scriptum est et oravit pro eis Ezechias dicens Dominus bonus propitiabitur
Psaumes 119.68 Exode 34.6-34.9 2 Chroniques 6.21 Psaumes 25.8 Exode 12.43-12.51
19 cunctis qui in toto corde requirunt Dominum Deum patrum suorum et non inputabit eis quod minus sanctificati sunt
2 Chroniques 19.3 Lévitique 15.31-15.33 Job 11.13 2 Chroniques 20.33 Psaumes 10.17
20 quem exaudivit Dominus et placatus est populo
Jacques 5.15-5.16 Psaumes 103.3 Exode 15.26
21 feceruntque filii Israhel qui inventi sunt in Hierusalem sollemnitatem azymorum septem diebus in laetitia magna laudantes Dominum per singulos dies Levitae quoque et sacerdotes per organa quae suo officio congruebant
Exode 12.15 Exode 13.6 Néhémie 8.10 2 Chroniques 29.25-29.27 2 Chroniques 20.21
22 et locutus est Ezechias ad cor omnium Levitarum qui habebant intellegentiam bonam super Domino et comederunt septem diebus sollemnitatis immolantes victimas pacificorum et laudantes Dominum Deum patrum suorum
2 Chroniques 32.6 Néhémie 9.3 Esdras 10.11 Jean 17.3 Philippiens 3.8
23 placuitque universae multitudini ut celebrarent etiam alios dies septem quod et fecerunt cum ingenti gaudio
1 Rois 8.65 2 Chroniques 7.9
24 Ezechias enim rex Iuda praebuerat multitudini mille tauros et septem milia ovium principes vero dederant populo tauros mille et oves decem milia sanctificata ergo est sacerdotum plurima multitudo
2 Chroniques 29.34 2 Chroniques 35.7-35.8 Ephésiens 4.8 2 Chroniques 30.3 1 Chroniques 29.3-29.9
25 et hilaritate perfusa omnis turba Iuda tam sacerdotum et Levitarum quam universae frequentiae quae venerat ex Israhel proselytorum quoque de terra Israhel et habitantium in Iuda
2 Chroniques 30.11 2 Chroniques 30.18 Psaumes 104.34 Psaumes 92.4 1 Chroniques 16.10-16.11
26 factaque est grandis celebritas in Hierusalem qualis a diebus Salomonis filii David regis Israhel in ea urbe non fuerat
2 Chroniques 7.8-7.10
27 surrexerunt autem sacerdotes atque Levitae benedicentes populo et exaudita est vox eorum pervenitque oratio in habitaculum sanctum caeli
Deutéronome 26.15 Psaumes 68.5 2 Chroniques 23.18 Nombres 6.23-6.26 Esaïe 57.15