Job 28.4
Vulgate

¹ habet argentum venarum suarum principia et auro locus est in quo conflatur
Proverbes 27.21 Malachie 3.2-3.3 Genèse 23.15 Esaïe 48.10 1 Chroniques 29.2-29.5
² ferrum de terra tollitur et lapis solutus calore in aes vertitur
Deutéronome 8.9 Genèse 4.22 Nombres 31.22 1 Chroniques 22.14
³ tempus posuit tenebris et universorum finem ipse considerat lapidem quoque caliginis et umbram mortis
Ecclésiaste 1.13 Matthieu 6.33 Job 12.22 Habakuk 2.13 Luc 16.8
⁴ dividit torrens a populo peregrinante eos quos oblitus est pes egentis hominum et invios
⁵ terra de qua oriebatur panis in loco suo igne subversa est
Esaïe 28.25-28.29 Psaumes 104.14-104.15 Genèse 1.11-1.12 Ezéchiel 28.13-28.14 Genèse 1.29
⁶ locus sapphyri lapides eius et glebae illius aurum
Exode 24.10 Job 28.16 Cantique 5.14 Esaïe 54.11 Apocalypse 21.19
⁷ semitam ignoravit avis nec intuitus est oculus vulturis
Job 38.24 Job 11.6 Job 38.19 Job 28.21-28.23 Romains 11.33
⁸ non calcaverunt eam filii institorum nec pertransivit per eam leaena
⁹ ad silicem extendit manum suam subvertit a radicibus montes
Nahum 1.4-1.6
¹⁰ in petris rivos excidit et omne pretiosum vidit oculus eius
Proverbes 14.23 Habakuk 3.9 Proverbes 24.4
¹¹ profunda quoque fluviorum scrutatus est et abscondita produxit in lucem
Job 26.8 Esaïe 37.25 Esaïe 45.2-45.3 1 Corinthiens 4.5 Esaïe 44.27
¹² sapientia vero ubi invenitur et quis est locus intellegentiae
Job 28.20 Jacques 1.5 Jacques 1.17 Proverbes 3.19 Colossiens 2.3
¹³ nescit homo pretium eius nec invenitur in terra suaviter viventium
Proverbes 8.11 Proverbes 8.18-8.19 Matthieu 13.44-13.46 Proverbes 16.16 Psaumes 19.10
¹⁴ abyssus dicit non est in me et mare loquitur non est mecum
Romains 11.33-11.34
¹⁵ non dabitur aurum obrizum pro ea nec adpendetur argentum in commutatione eius
Proverbes 16.16 Proverbes 8.10-8.11 Proverbes 8.19 Proverbes 3.13-3.15 Proverbes 8.17
¹⁶ non conferetur tinctis Indiae coloribus nec lapidi sardonico pretiosissimo vel sapphyro
Esaïe 13.12 Psaumes 45.9 Ezéchiel 28.13 Exode 28.20 1 Chroniques 29.4
¹⁷ non adaequabitur ei aurum vel vitrum nec commutabuntur pro ea vasa auri
Apocalypse 4.6 Apocalypse 22.1 Ezéchiel 1.22 Proverbes 16.16 Apocalypse 21.11
¹⁸ excelsa et eminentia non memorabuntur conparatione eius trahitur autem sapientia de occultis
Proverbes 3.15 Lamentations 4.7 Proverbes 31.10 Ezéchiel 27.16 Matthieu 13.45-13.46
¹⁹ non adaequabitur ei topazium de Aethiopia nec tincturae mundissimae conponetur
Ezéchiel 28.13 Exode 28.17 Exode 39.10 Apocalypse 21.20 Proverbes 8.19
²⁰ unde ergo sapientia veniet et quis est locus intellegentiae
Jacques 1.17 Job 28.12 Jacques 1.5 1 Corinthiens 2.6-2.15 Job 28.23
²¹ abscondita est ab oculis omnium viventium volucres quoque caeli latet
Matthieu 11.25 Matthieu 13.17 Colossiens 2.3 Psaumes 49.3-49.4 Matthieu 13.35
²² perditio et mors dixerunt auribus nostris audivimus famam eius
Job 26.6 Job 28.14 Psaumes 83.10-83.12
²³ Deus intellegit viam eius et ipse novit locum illius
Proverbes 8.22-8.31 Actes 15.18 Jude 1.25 Psaumes 19.7 Psaumes 147.5
²⁴ ipse enim fines mundi intuetur et omnia quae sub caelo sunt respicit
Proverbes 15.3 Zacharie 4.10 Psaumes 33.13-33.14 2 Chroniques 16.9 Apocalypse 5.6
²⁵ qui fecit ventis pondus et aquas adpendit mensura
Psaumes 135.7 Esaïe 40.12 Job 12.15
²⁶ quando ponebat pluviis legem et viam procellis sonantibus
Job 38.25 Job 37.3 Psaumes 29.3-29.10 Job 36.32 Job 38.27
²⁷ tunc vidit illam et enarravit et praeparavit et investigavit
Proverbes 8.22-8.29 Psaumes 19.1
²⁸ et dixit homini ecce timor Domini ipsa est sapientia et recedere a malo intellegentia
Proverbes 1.7 Psaumes 111.10 Proverbes 9.10 Deutéronome 4.6 Ecclésiaste 12.13