Exode 18.19
Vulgate

Visite de Jéthro, le beau-père de Moïse

¹ cumque audisset Iethro sacerdos Madian cognatus Mosi omnia quae fecerat Deus Mosi et Israhel populo suo eo quod eduxisset Dominus Israhel de Aegypto
Exode 2.16 Psaumes 77.14-77.15 Exode 3.1 Psaumes 105.43 Psaumes 106.8-106.11
² tulit Sefforam uxorem Mosi quam remiserat
Exode 2.21 Exode 4.25-4.26
³ et duos filios eius quorum unus vocabatur Gersan dicente patre advena fui in terra aliena
Exode 2.22 Actes 7.29 Psaumes 39.12 Hébreux 11.13 Exode 4.20
⁴ alter vero Eliezer Deus enim ait patris mei adiutor meus et eruit me de gladio Pharaonis
Esaïe 50.7-50.9 2 Corinthiens 1.8-1.10 Psaumes 46.1 Psaumes 18.48 Psaumes 34.4
⁵ venit ergo Iethro cognatus Mosi et filii eius et uxor ad Mosen in desertum ubi erat castrametatus iuxta montem Dei
Exode 3.1 Exode 3.12 Exode 24.16-24.17 Exode 19.20 Exode 19.11
⁶ et mandavit Mosi dicens ego cognatus tuus Iethro venio ad te et uxor tua et duo filii tui cum ea
⁷ qui egressus in occursum cognati sui adoravit et osculatus est eum salutaveruntque se mutuo verbis pacificis cumque intrasset tabernaculum
Genèse 29.13 2 Samuel 11.7 Genèse 14.17 Genèse 19.1 Genèse 18.2
⁸ narravit Moses cognato suo cuncta quae fecerat Deus Pharaoni et Aegyptiis propter Israhel universum laborem qui accidisset eis in itinere quo liberarat eos Dominus
Psaumes 78.42-78.43 Psaumes 106.10 Psaumes 81.7 Nombres 20.14 Néhémie 9.9-9.15
⁹ laetatusque est Iethro super omnibus bonis quae fecerat Dominus Israheli eo quod eruisset eum de manu Aegyptiorum
Esaïe 44.23 1 Corinthiens 12.26 Romains 12.10 Esaïe 66.10 Romains 12.15
¹⁰ et ait benedictus Dominus qui liberavit vos de manu Aegyptiorum et de manu Pharaonis qui eruit populum suum de manu Aegypti
Genèse 14.20 2 Samuel 18.28 Luc 1.68 Apocalypse 5.11-5.13 1 Thessaloniciens 3.9
¹¹ nunc cognovi quia magnus Dominus super omnes deos eo quod superbe egerint contra illos
2 Chroniques 2.5 Exode 15.11 Psaumes 95.3 Luc 1.51 Psaumes 97.9
¹² obtulit ergo Iethro cognatus Mosi holocausta et hostias Deo veneruntque Aaron et omnes senes Israhel ut comederent panem cum eo coram Domino
Deutéronome 12.7 Genèse 31.54 Exode 24.5 Exode 24.11 1 Corinthiens 10.18
¹³ altero autem die sedit Moses ut iudicaret populum qui adsistebat Mosi de mane usque ad vesperam
Matthieu 23.2 Job 29.7 Esaïe 16.5 Juges 5.10 Joël 3.12
¹⁴ quod cum vidisset cognatus eius omnia scilicet quae agebat in populo ait quid est hoc quod facis in plebe cur solus sedes et omnis populus praestolatur de mane usque ad vesperam
¹⁵ cui respondit Moses venit ad me populus quaerens sententiam Dei
Nombres 15.34 Nombres 27.5 Nombres 9.8 Deutéronome 17.8-17.13 Lévitique 24.12-24.14
¹⁶ cumque acciderit eis aliqua disceptatio veniunt ad me ut iudicem inter eos et ostendam praecepta Dei et leges eius
Exode 24.14 Deutéronome 5.1 Deutéronome 4.5 1 Corinthiens 6.1 2 Samuel 15.3
¹⁷ at ille non bonam inquit rem facis
¹⁸ stulto labore consumeris et tu et populus iste qui tecum est ultra vires tuas est negotium solus illud non poteris sustinere
Nombres 11.14-11.17 Actes 6.1-6.4 Philippiens 2.30 2 Corinthiens 12.15 Deutéronome 1.9-1.12
¹⁹ sed audi verba mea atque consilia et erit Deus tecum esto tu populo in his quae ad Deum pertinent ut referas quae dicuntur ad eum
Nombres 27.5 Exode 3.12 Exode 20.19 Genèse 39.2 Deutéronome 5.5
²⁰ ostendasque populo caerimonias et ritum colendi viamque per quam ingredi debeant et opus quod facere
Deutéronome 5.1 Deutéronome 1.18 Psaumes 143.8 Deutéronome 4.1 Deutéronome 4.5
²¹ provide autem de omni plebe viros potentes et timentes Deum in quibus sit veritas et qui oderint avaritiam et constitue ex eis tribunos et centuriones et quinquagenarios et decanos
Actes 6.3 2 Chroniques 19.5-19.10 Deutéronome 16.18-16.19 Genèse 42.18 Exode 18.25
²² qui iudicent populum omni tempore quicquid autem maius fuerit referant ad te et ipsi minora tantummodo iudicent leviusque tibi sit partito in alios onere
Nombres 11.17 Nombres 36.1 Nombres 27.2 Lévitique 24.11 Exode 18.26
²³ si hoc feceris implebis imperium Dei et praecepta eius poteris sustentare et omnis hic populus revertetur cum pace ad loca sua
Exode 18.18 Galates 2.2 Genèse 18.33 1 Samuel 8.22 Genèse 21.10-21.12
²⁴ quibus auditis Moses fecit omnia quae ille suggesserat
Exode 18.19 1 Corinthiens 12.21 Proverbes 1.5 Esdras 10.5 Esdras 10.2
²⁵ et electis viris strenuis de cuncto Israhel constituit eos principes populi tribunos et centuriones et quinquagenarios et decanos
Deutéronome 1.15 Exode 18.21 Actes 6.5
²⁶ qui iudicabant plebem omni tempore quicquid autem gravius erat referebant ad eum faciliora tantummodo iudicantes
Exode 18.22 1 Rois 3.16-3.28 Job 29.16 1 Rois 10.1 Exode 18.14-18.15
²⁷ dimisitque cognatum qui reversus abiit in terram suam
Nombres 10.29-10.30 Genèse 31.55 Genèse 24.59 Juges 19.9