Exode 37.16
Vulgate

L’arche de l’alliance

¹ fecit autem Beselehel et arcam de lignis setthim habentem duos semis cubitos in longitudinem et cubitum ac semissem in latitudinem altitudo quoque uno cubito fuit et dimidio vestivitque eam auro purissimo intus ac foris
Nombres 10.33-10.36 Exode 25.10-25.20 Exode 40.20-40.21 Exode 40.3 Exode 26.33
² et fecit illi coronam auream per gyrum
Exode 30.3
³ conflans quattuor anulos aureos per quattuor angulos eius duos anulos in latere uno et duos in altero
⁴ vectes quoque fecit de lignis setthim quos vestivit auro
Actes 9.15 1 Pierre 1.18-1.19 Nombres 4.14-4.15 1 Pierre 1.7
⁵ et quos misit in anulos qui erant in lateribus arcae ad portandum eam
Nombres 1.50 2 Samuel 6.3-6.7 Nombres 4.15
⁶ fecit et propitiatorium id est oraculum de auro mundissimo duorum cubitorum et dimidio in longitudine et cubito ac semisse in latitudine
Hébreux 9.5 Lévitique 16.12-16.15 1 Jean 2.2 1 Chroniques 28.11 Galates 4.4
⁷ duos etiam cherubin ex auro ductili quos posuit ex utraque parte propitiatorii
Psaumes 80.1 Ezéchiel 10.2 1 Rois 6.23-6.29 Psaumes 104.4
⁸ cherub unum in summitate huius partis et cherub alterum in summitate partis alterius duos cherubin in singulis summitatibus propitiatorii
⁹ extendentes alas et tegentes propitiatorium seque mutuo et illud respectantes
Jean 1.51 Esaïe 6.2 Ezéchiel 10.1-10.22 Genèse 3.24 1 Pierre 1.12

La table des pains consacrés

¹⁰ fecit et mensam de lignis setthim in longitudine duorum cubitorum et in latitudine unius cubiti quae habebat in altitudine cubitum ac semissem
Ezéchiel 40.39-40.42 Jean 1.14 Exode 25.23-25.30 Colossiens 1.27 Exode 35.13
¹¹ circumdeditque eam auro mundissimo et fecit illi labium aureum per gyrum
¹² ipsique labio coronam interrasilem quattuor digitorum et super eandem alteram coronam auream
¹³ fudit et quattuor circulos aureos quos posuit in quattuor angulis per singulos pedes mensae
¹⁴ contra coronam misitque in eos vectes ut possit mensa portari
¹⁵ ipsos quoque vectes fecit de lignis setthim et circumdedit eos auro
¹⁶ et vasa ad diversos usus mensae acetabula fialas cyatos et turibula ex auro puro in quibus offerenda sunt liba
Exode 25.29 2 Timothée 2.20 Jérémie 52.18-52.19 1 Rois 7.50 2 Rois 12.13

Le chandelier en or

¹⁷ fecit et candelabrum ductile de auro mundissimo de cuius vecte calami scyphi spherulae ac lilia procedebant
Exode 25.31-25.39 Hébreux 9.2 Zacharie 4.11 Apocalypse 1.12-2.5 Exode 40.24-40.25
¹⁸ sex in utroque latere tres calami ex parte una et tres ex altera
¹⁹ tres scyphi in nucis modum per calamos singulos spherulaeque simul et lilia et tres scyphi instar nucis in calamo altero spherulaeque simul et lilia aequum erat opus sex calamorum qui procedebant de stipite candelabri
²⁰ in ipso autem vecte erant quattuor scyphi in nucis modum spherulaeque per singulos et lilia
Exode 25.33 Ecclésiaste 12.5 Jérémie 1.11 Nombres 17.8
²¹ et spherae sub duobus calamis per loca tria qui simul sex fiunt calami procedentes de vecte uno
Exode 25.35
²² et spherae igitur et calami ex ipso erant universa ductilia de auro purissimo
Colossiens 3.5 Psaumes 51.17 Esaïe 5.4-5.5 1 Corinthiens 9.27 Exode 25.31
²³ fecit et lucernas septem cum emunctoriis suis et vasa ubi quae emuncta sunt extinguuntur de auro mundissimo
Apocalypse 1.12 Zacharie 4.2 Exode 25.37 Apocalypse 1.20-2.1 Nombres 8.2
²⁴ talentum auri adpendebat candelabrum cum omnibus vasis suis

L’autel des parfums

²⁵ fecit et altare thymiamatis de lignis setthim habens per quadrum singulos cubitos et in altitudine duos e cuius angulis procedebant cornua
Exode 30.1-30.5 Hébreux 7.25 2 Chroniques 26.16 Exode 40.5 1 Pierre 2.5
²⁶ vestivitque illud auro purissimo cum craticula ac parietibus et cornibus
²⁷ fecitque ei coronam aureolam per gyrum et duos anulos aureos sub corona per singula latera ut mittantur in eos vectes et possit altare portari
²⁸ ipsos autem vectes fecit de lignis setthim et operuit lamminis aureis
²⁹ conposuit et oleum ad sanctificationis unguentum et thymiama de aromatibus mundissimis opere pigmentarii
Hébreux 7.25 Hébreux 5.7 Psaumes 14.1-14.2 Apocalypse 8.3-8.4 1 Jean 2.27