Jérémie 14.5
Vulgate

La sécheresse

¹ quod factum est verbum Domini ad Hieremiam de sermonibus siccitatis
Jérémie 17.8
² luxit Iudaea et portae eius corruerunt et obscuratae sunt in terra et clamor Hierusalem ascendit
Esaïe 3.26 Jérémie 8.21 1 Samuel 5.12 Lamentations 4.8-4.9 Zacharie 7.13
³ maiores miserunt minores suos ad aquam venerunt ad hauriendum non invenerunt aquam reportaverunt vasa sua vacua confusi sunt et adflicti et operuerunt capita sua
2 Samuel 15.30 Psaumes 40.14 2 Rois 18.31 Amos 4.8 Jérémie 2.13
⁴ propter terrae vastitatem quia non venit pluvia in terra confusi sunt agricolae operuerunt capita sua
Joël 1.19-1.20 Joël 1.11 Deutéronome 28.23-28.24 Jérémie 3.3 Lévitique 26.19-26.20
⁵ nam et cerva in agro peperit et reliquit quia non erat herba
Psaumes 29.9 Job 39.1-39.4 Esaïe 15.6
⁶ et onagri steterunt in rupibus traxerunt ventum quasi dracones defecerunt oculi eorum quia non erat herba
Jérémie 2.24 Job 39.5-39.6 Joël 1.18 Lamentations 5.17 Lamentations 4.17
⁷ si iniquitates nostrae responderunt nobis Domine fac propter nomen tuum quoniam multae sunt aversiones nostrae tibi peccavimus
Osée 5.5 Psaumes 25.11 Jérémie 5.6 Jérémie 14.20-14.21 Esaïe 59.12
⁸ expectatio Israhel salvator eius in tempore tribulationis quare quasi colonus futurus es in terra et quasi viator declinans ad manendum
Jérémie 17.13 Esaïe 43.3 Psaumes 50.15 Psaumes 37.39-37.40 Jérémie 50.7
⁹ quare futurus es velut vir vagus ut fortis qui non potest salvare tu autem in nobis es Domine et nomen tuum super nos invocatum est ne derelinquas nos
Esaïe 59.1 Esaïe 63.19 Psaumes 46.5 Jérémie 15.16 Esaïe 50.1-50.2
¹⁰ haec dicit Dominus populo huic qui dilexit movere pedes suos et non quievit et Domino non placuit nunc recordabitur iniquitatum eorum et visitabit peccata eorum
Osée 9.9 Psaumes 119.101 Osée 8.13 Jérémie 6.20 Amos 5.22

Les prétendus prophètes

¹¹ et dixit Dominus ad me noli orare pro populo isto in bonum
Jérémie 7.16 Jérémie 11.14 Jérémie 15.1 Exode 32.32-32.34 Exode 32.10
¹² cum ieiunaverint non exaudiam preces eorum et si obtulerint holocaustomata et victimas non suscipiam ea quoniam gladio et fame et peste ego consumam eos
Ezéchiel 8.18 Jérémie 6.20 Proverbes 1.28 Jérémie 11.11 Michée 3.4
¹³ et dixi a a a Domine Deus prophetae dicunt eis non videbitis gladium et famis non erit in vobis sed pacem veram dabit vobis in loco isto
Jérémie 6.14 Jérémie 23.17 Jérémie 4.10 Jérémie 8.11 Jérémie 1.6
¹⁴ et dixit Dominus ad me falso prophetae vaticinantur in nomine meo non misi eos et non praecepi eis neque locutus sum ad eos visionem mendacem et divinationem et fraudulentiam et seductionem cordis sui prophetant vobis
Jérémie 29.8-29.9 Ezéchiel 12.24 Jérémie 23.21-23.32 Jérémie 29.31 Esaïe 30.10-30.11
¹⁵ ideo haec dicit Dominus de prophetis qui prophetant in nomine meo quos ego non misi dicentes gladius et famis non erit in terra hac in gladio et fame consumentur prophetae illi
Jérémie 5.12-5.13 Ezéchiel 14.10 Apocalypse 19.20 Jérémie 29.31-29.32 1 Rois 22.25
¹⁶ et populi quibus prophetant erunt proiecti in viis Hierusalem prae fame et gladio et non erit qui sepeliat eos ipsi et uxores eorum filii et filiae eorum et effundam super eos malum suum
Jérémie 7.33 Proverbes 1.31 Jérémie 15.2-15.3 Psaumes 79.2-79.3 Jérémie 18.21
¹⁷ et dices ad eos verbum istud deducant oculi mei lacrimam per noctem et diem et non taceant quoniam contritione magna contrita est virgo filia populi mei plaga pessima vehementer
Jérémie 8.21 Jérémie 9.1 Lamentations 1.15-1.16 Jérémie 13.17 Lamentations 2.13
¹⁸ si egressus fuero ad agros ecce occisi gladio et si introiero in civitatem ecce adtenuati fame propheta quoque et sacerdos abierunt in terram quam ignorabant
Ezéchiel 7.15 Jérémie 8.10 Lamentations 1.20 Jérémie 5.31 Jérémie 6.13

Perplexité de Jérémie

¹⁹ numquid proiciens abiecisti Iudam aut Sion abominata est anima tua quare ergo percussisti nos ita ut nulla sit sanitas expectavimus pacem et non est bonum et tempus curationis et ecce turbatio
Jérémie 8.15 Lamentations 5.22 Jérémie 6.30 Psaumes 89.38 Job 30.26
²⁰ cognovimus Domine impietates nostras iniquitatem patrum nostrorum quia peccavimus tibi
Psaumes 32.5 Jérémie 3.25 Lévitique 26.40-26.42 Psaumes 106.6-106.48 Daniel 9.5-9.8
²¹ ne nos des in obprobrium propter nomen tuum neque facias nobis contumeliam solii gloriae tuae recordare ne irritum facias foedus tuum nobiscum
Jérémie 14.7 Psaumes 106.45 Jérémie 3.17 Daniel 9.15-9.19 Ezéchiel 36.22-36.23
²² numquid sunt in sculptilibus gentium qui pluant aut caeli possunt dare imbres nonne tu es Domine Deus noster quem expectavimus tu enim fecisti omnia haec
Esaïe 30.23 Jérémie 5.24 Psaumes 135.7 Deutéronome 32.21 Deutéronome 28.12