Ezéchiel 22.28
Vulgate

Crimes et jugement de Jérusalem

¹ et factum est verbum Domini ad me dicens
² et tu fili hominis num iudicas num iudicas civitatem sanguinum
Ezéchiel 24.9 Nahum 3.1 Ezéchiel 24.6 1 Timothée 5.20 Ezéchiel 20.4
³ et ostendes ei omnes abominationes suas et dices haec dicit Dominus Deus civitas effundens sanguinem in medio sui ut veniat tempus eius et quae fecit idola contra semet ipsam ut pollueretur
Ezéchiel 22.27 Jérémie 2.1-2.3 Ezéchiel 23.37 Sophonie 3.3 Ezéchiel 12.25
⁴ in sanguine tuo qui a te effusus est deliquisti et in idolis tuis quae fecisti polluta es et adpropinquare fecisti dies tuos et adduxisti tempus annorum tuorum propterea dedi te obprobrium gentibus et inrisionem universis terris
2 Rois 21.16 Ezéchiel 16.57 Ezéchiel 22.2 Psaumes 44.13-44.14 Ezéchiel 5.14-5.15
⁵ quae iuxta sunt et quae procul a te triumphabunt de te sordida nobilis grandis interitu
Esaïe 22.2 Jérémie 15.2-15.3
⁶ ecce principes Israhel singuli in brachio suo fuerunt in te ad effundendum sanguinem
Esaïe 1.23 Ezéchiel 22.27 Zacharie 3.3 Jérémie 32.32 Michée 3.1-3.3
⁷ patrem et matrem contumeliis adfecerunt in te advenam calumniati sunt in medio tui pupillum et viduam contristaverunt apud te
Deutéronome 27.16 Exode 22.21-22.22 Lévitique 20.9 Malachie 3.5 Zacharie 7.10
⁸ sanctuaria mea sprevistis et sabbata mea polluistis
Ezéchiel 20.13 Ezéchiel 22.26 Ezéchiel 23.38-23.39 Ezéchiel 20.21 Ezéchiel 20.24
⁹ viri detractores fuerunt in te ad effundendum sanguinem et super montes comederunt in te scelus operati sunt in medio tui
Osée 4.14 Lévitique 19.16 Osée 4.10 Ezéchiel 16.43 Ezéchiel 18.6
¹⁰ verecundiora patris discoperuerunt in te inmunditiam menstruatae humiliaverunt in te
Lévitique 18.19 Ezéchiel 18.6 Lévitique 18.7-18.8 Lévitique 20.11 Lévitique 20.18
¹¹ et unusquisque in uxorem proximi sui operatus est abominationem et socer nurum suam polluit nefarie frater sororem suam filiam patris sui oppressit in te
Lévitique 18.15 Lévitique 20.17 Lévitique 18.9 2 Samuel 13.14 Lévitique 20.12
¹² munera acceperunt apud te ad effundendum sanguinem usuram et superabundantiam accepisti et avare proximos tuos calumniabaris meique oblita es ait Dominus Deus
Deutéronome 27.25 Ezéchiel 23.35 Ezéchiel 18.8 Deutéronome 23.19 Ezéchiel 18.13
¹³ ecce conplosi manus meas super avaritiam tuam quam fecisti et super sanguinem qui effusus est in medio tui
Esaïe 33.15 Ezéchiel 21.17 Ezéchiel 22.27 Amos 2.6-2.8 Ezéchiel 21.14
¹⁴ numquid sustinebit cor tuum aut praevalebunt manus tuae in diebus quos ego faciam tibi ego Dominus locutus sum et faciam
Ezéchiel 17.24 Ezéchiel 21.7 Ezéchiel 24.14 Hébreux 10.31 Esaïe 31.3
¹⁵ et dispergam te in nationes et ventilabo te in terras et deficere faciam inmunditiam tuam a te
Deutéronome 4.27 Zacharie 7.14 Ezéchiel 22.22 Néhémie 1.8 Deutéronome 28.25
¹⁶ et possidebo te in conspectu gentium et scies quia ego Dominus
Ezéchiel 6.7 Ezéchiel 7.24 Psaumes 83.18 Esaïe 47.6 Daniel 4.25
¹⁷ et factum est verbum Domini ad me dicens
¹⁸ fili hominis versa est mihi domus Israhel in scoriam omnes isti aes et stagnum et ferrum et plumbum in medio fornacis scoria argenti facti sunt
Psaumes 119.119 Esaïe 1.22 Esaïe 48.10 Jérémie 6.28-6.30 Proverbes 17.3
¹⁹ propterea haec dicit Dominus Deus eo quod versi estis omnes in scoriam propterea ecce ego congregabo vos in medium Hierusalem
Michée 4.12 Ezéchiel 11.7 Ezéchiel 24.3-24.6 Matthieu 13.40-13.42 Matthieu 13.30
²⁰ congregatione argenti et aeris et ferri et stagni et plumbi in medium fornacis ut succendam in eam ignem ad conflandum sic congregabo in furore meo et in ira mea et requiescam et conflabo vos
Ezéchiel 21.31-21.32 Esaïe 54.16 Ezéchiel 24.13 Ezéchiel 22.21 Jérémie 4.11-4.12
²¹ et congregabo vos et succendam vos in igne furoris mei et conflabimini in medio eius
Ezéchiel 20.47-20.48 Psaumes 68.2 Sophonie 1.18 Esaïe 64.7 Esaïe 64.2
²² ut conflatur argentum in medio fornacis sic eritis in medio eius et scietis quia ego Dominus effuderim indignationem meam super vos
Ezéchiel 20.33 Ezéchiel 20.8 Osée 5.10 Ezéchiel 22.31 Apocalypse 16.1

Péchés des chefs et du peuple d’Israël

²³ et factum est verbum Domini ad me dicens
²⁴ fili hominis dic ei tu es terra inmunda et non conpluta in die furoris
Esaïe 9.13 Jérémie 2.30 Sophonie 3.2 Jérémie 44.16-44.19 Esaïe 1.5
²⁵ coniuratio prophetarum in medio eius sicut leo rugiens capiensque praedam animam devoraverunt opes et pretium acceperunt viduas eius multiplicaverunt in medio illius
Osée 6.9 Jérémie 2.34 Ezéchiel 13.19 Jérémie 11.9 Marc 12.40
²⁶ sacerdotes eius contempserunt legem meam et polluerunt sanctuaria mea inter sanctum et profanum non habuere distantiam et inter pollutum et mundum non intellexerunt et a sabbatis meis averterunt oculos suos et coinquinabar in medio eorum
Lévitique 10.10 1 Samuel 2.12-2.17 Malachie 2.8 Ezéchiel 44.23 Jérémie 2.8
²⁷ principes eius in medio illius quasi lupi rapientes praedam ad effundendum sanguinem et perdendas animas et avare sectanda lucra
Ezéchiel 22.13 Ezéchiel 22.6 Sophonie 3.3 Esaïe 1.23 Michée 3.2-3.3
²⁸ prophetae autem eius liniebant eos absque temperamento videntes vana et divinantes eis mendacium dicentes haec dicit Dominus Deus cum Dominus non sit locutus
Ezéchiel 13.6-13.7 Jérémie 23.25-23.32 Sophonie 3.4 Jérémie 37.19 Jérémie 23.21
²⁹ populi terrae calumniabantur calumniam et rapiebant violenter egenum et pauperem adfligebant et advenam opprimebant calumnia absque iudicio
Ezéchiel 22.7 Exode 23.9 Esaïe 5.7 Amos 3.10 Exode 22.21
³⁰ et quaesivi de eis virum qui interponeret sepem et staret oppositus contra me pro terra ne dissiparem eam et non inveni
Jérémie 5.1 Esaïe 59.16 Ezéchiel 13.5 Psaumes 106.23 Esaïe 63.5
³¹ et effudi super eos indignationem meam in igne irae meae consumpsi eos viam eorum in caput eorum reddidi ait Dominus Deus
Ezéchiel 7.8-7.9 Ezéchiel 16.43 Ezéchiel 9.10 Ezéchiel 7.3 Romains 2.8-2.9