Actes 11.19
Vulgate

¹ audierunt autem apostoli et fratres qui erant in Iudaea quoniam et gentes receperunt verbum Dei
Actes 10.34-10.38 Esaïe 49.6 Esaïe 42.1 Psaumes 96.1-96.10 Esaïe 42.6
² cum ascendisset autem Petrus in Hierosolymam disceptabant adversus illum qui erant ex circumcisione
Actes 10.45 Actes 15.5 Galates 2.12-2.14 Actes 21.20-21.23 Actes 10.9
³ dicentes quare introisti ad viros praeputium habentes et manducasti cum illis
Actes 10.28 Luc 15.2 Galates 2.12 1 Corinthiens 5.11 2 Jean 1.10
⁴ incipiens autem Petrus exponebat illis ordinem dicens
Luc 1.3 Proverbes 15.1 Actes 14.27 Josué 22.21-22.31
⁵ ego eram in civitate Ioppe orans et vidi in excessu mentis visionem descendens vas quoddam velut linteum magnum quattuor initiis submitti de caelo et venit usque ad me
Actes 10.9-10.32 Actes 9.10 Jérémie 1.11-1.14 2 Corinthiens 12.1-12.3 Amos 8.2
⁶ in quod intuens considerabam et vidi quadrupedia terrae et bestias et reptilia et volatilia caeli
Actes 3.4 Luc 4.20
⁷ audivi autem et vocem dicentem mihi surgens Petre occide et manduca
⁸ dixi autem nequaquam Domine quia commune aut inmundum numquam introivit in os meum
Romains 14.14 Esdras 9.11-9.12 Lévitique 11.47 Lévitique 10.10 Marc 7.2
⁹ respondit autem vox secundo de caelo quae Deus mundavit tu ne commune dixeris
Actes 15.9 Hébreux 9.13-9.14 1 Timothée 4.5 Actes 10.28 Actes 10.34-10.35
¹⁰ hoc autem factum est per ter et recepta sunt rursum omnia in caelum
Jean 21.17 Jean 13.38 2 Corinthiens 12.8 Nombres 24.10
¹¹ et ecce confestim tres viri adstiterunt in domo in qua eram missi a Caesarea ad me
Actes 9.10-9.12 Exode 4.14 Exode 4.27 Actes 10.17-10.18
¹² dixit autem Spiritus mihi ut irem cum illis nihil haesitans venerunt autem mecum et sex fratres isti et ingressi sumus in domum viri
Actes 8.29 Actes 10.23 Actes 15.9 Actes 10.45 Actes 16.6-16.7
¹³ narravit autem nobis quomodo vidisset angelum in domo sua stantem et dicentem sibi mitte in Ioppen et accersi Simonem qui cognominatur Petrus
Actes 10.30-10.32 Actes 12.11 Actes 9.43 Actes 10.3-10.6 Actes 10.22
¹⁴ qui loquetur tibi verba in quibus salvus eris tu et universa domus tua
Actes 16.15 Actes 10.22 Jean 4.53 Actes 16.31-16.34 Romains 1.16-1.17
¹⁵ cum autem coepissem loqui decidit Spiritus Sanctus super eos sicut et in nos in initio
Actes 4.31 Actes 19.6 Actes 10.34-10.46 Actes 2.2-2.12
¹⁶ recordatus sum autem verbi Domini sicut dicebat Iohannes quidem baptizavit aqua vos autem baptizabimini Spiritu Sancto
Actes 1.5 Marc 1.8 Matthieu 3.11 Luc 3.16 Actes 19.2-19.4
¹⁷ si ergo eandem gratiam dedit illis Deus sicut et nobis qui credidimus in Dominum Iesum Christum ego quis eram qui possem prohibere Deum
Actes 10.47 Matthieu 20.14-20.15 Actes 5.39 Job 33.13 Romains 9.15-9.16
¹⁸ his auditis tacuerunt et glorificaverunt Deum dicentes ergo et gentibus Deus paenitentiam ad vitam dedit
2 Corinthiens 7.10 Romains 10.12-10.13 Actes 5.31 Actes 21.20 Actes 20.21

L’Évangile à Antioche de Syrie

¹⁹ et illi quidem qui dispersi fuerant a tribulatione quae
facta fuerat sub Stephano perambulaverunt usque Foenicen et Cyprum et Antiochiam nemini loquentes verbum nisi solis Iudaeis
Actes 21.2 Actes 4.36 Actes 15.3 Actes 15.22 Actes 15.35
²⁰ erant autem quidam ex eis viri cyprii et cyrenei qui cum introissent Antiochiam loquebantur et ad Graecos adnuntiantes Dominum Iesum
Matthieu 27.32 Actes 13.1 Actes 2.10 Actes 6.9 Actes 9.29
²¹ et erat manus Domini cum eis multusque numerus credentium conversus est ad Dominum
Luc 1.66 Actes 2.47 Actes 9.35 Actes 26.18-26.20 Actes 5.14
²² pervenit autem sermo ad aures ecclesiae quae erat Hierosolymis super istis et miserunt Barnaban usque Antiochiam
Actes 15.2 Actes 4.36-4.37 Actes 8.14 Actes 9.27 1 Thessaloniciens 3.6
²³ qui cum pervenisset et vidisset gratiam Dei gavisus est et hortabatur omnes proposito cordis permanere in Domino
Actes 13.43 Actes 14.26 Actes 20.24 Colossiens 1.6 2 Timothée 3.10
²⁴ quia erat vir bonus et plenus Spiritu Sancto et fide et adposita est turba multa Domino
Actes 5.14 Actes 11.21 Actes 6.5 Romains 15.15 Jean 7.12
²⁵ profectus est autem Tarsum ut quaereret Saulum quem cum invenisset perduxit Antiochiam
Actes 9.11 Actes 9.30 Actes 21.39 Actes 9.27
²⁶ et annum totum conversati sunt in ecclesia et docuerunt turbam multam ita ut cognominarentur primum Antiochiae discipuli Christiani
Actes 26.28 1 Pierre 4.16 1 Corinthiens 11.18 Actes 13.1-13.2 Esaïe 65.15
²⁷ in his autem diebus supervenerunt ab Hierosolymis prophetae Antiochiam
Actes 13.1 1 Corinthiens 12.28 Actes 15.32 Ephésiens 4.11 Matthieu 23.34
²⁸ et surgens unus ex eis nomine Agabus significabat per Spiritum famem magnam futuram in universo orbe terrarum quae facta est sub Claudio
Actes 21.10 Actes 18.2 1 Rois 17.1-17.16 Luc 2.1 2 Rois 8.1-8.2
²⁹ discipuli autem prout quis habebat proposuerunt singuli eorum in ministerium mittere habitantibus in Iudaea fratribus
Ecclésiaste 11.1-11.2 Actes 4.34 Romains 15.25-15.27 Galates 2.10 2 Corinthiens 8.2-8.4
³⁰ quod et fecerunt mittentes ad seniores per manus Barnabae et Sauli
Actes 12.25 Actes 14.23 Tite 1.5 Actes 20.17 1 Timothée 5.17