Deutéronome 7
Vulgate

¹ cum introduxerit te Dominus Deus tuus in terram quam possessurus ingredieris et deleverit gentes multas coram te Hettheum et Gergeseum et Amorreum Chananeum et Ferezeum et Eveum et Iebuseum septem gentes multo maioris numeri quam tu es et robustiores te Deutéronome 4.38 Deutéronome 31.3 Psaumes 44.2-44.3 Deutéronome 9.1 Deutéronome 6.10
² tradideritque eas Dominus Deus tuus tibi percuties eas usque ad internicionem non inibis cum eis foedus nec misereberis earum Deutéronome 23.14 Juges 2.2 Deutéronome 20.16-20.17 Josué 2.14 Lévitique 27.28-27.29
³ neque sociabis cum eis coniugia filiam tuam non dabis filio eius nec filiam illius accipies filio tuo 1 Rois 11.2 Exode 34.15-34.16 Josué 23.12-23.13 2 Corinthiens 6.14-6.17 Genèse 6.2-6.3
⁴ quia seducet filium tuum ne sequatur me et ut magis serviat diis alienis irasceturque furor Domini et delebit te cito Deutéronome 6.15 Deutéronome 32.16-32.17 Juges 10.6-10.7 Juges 2.20 Deutéronome 4.26
⁵ quin potius haec facietis eis aras eorum subvertite confringite statuas lucosque succidite et sculptilia conburite Exode 34.13 Exode 23.24 Deutéronome 12.2-12.3 Deutéronome 7.25 Deutéronome 9.21
⁶ quia populus sanctus es Domino Deo tuo te elegit Dominus Deus tuus ut sis ei populus peculiaris de cunctis populis qui sunt super terram Deutéronome 14.2 Exode 19.5-19.6 Tite 2.14 Deutéronome 26.19 1 Pierre 2.9
⁷ non quia cunctas gentes numero vincebatis vobis iunctus est Dominus et elegit vos cum omnibus sitis populis pauciores Deutéronome 10.22 Romains 11.6 Romains 9.21 Romains 9.18 1 Jean 3.1
⁸ sed quia dilexit vos Dominus et custodivit iuramentum quod iuravit patribus vestris eduxitque vos in manu forti et redemit de domo servitutis de manu Pharaonis regis Aegypti Jérémie 31.3 Exode 32.13 Deutéronome 10.15 Luc 1.72-1.73 Esaïe 43.4
⁹ et scies quia Dominus Deus tuus ipse est Deus fortis et fidelis custodiens pactum et misericordiam diligentibus se et his qui custodiunt praecepta eius in mille generationes 2 Timothée 2.13 Hébreux 10.23 1 Corinthiens 1.9 Daniel 9.4 Néhémie 1.5
¹⁰ et reddens odientibus se statim ita ut disperdat eos et ultra non differat protinus eis restituens quod merentur Nahum 1.2 Esaïe 59.18 Proverbes 11.31 Deutéronome 32.35 Deutéronome 7.9
¹¹ custodi ergo praecepta et caerimonias atque iudicia quae ego mando tibi hodie ut facias Jean 14.15 Deutéronome 5.32 Deutéronome 4.1
¹² si postquam audieris haec iudicia custodieris ea et feceris custodiet et Dominus Deus tuus tibi pactum et misericordiam quam iuravit patribus tuis Lévitique 26.3-26.13 Deutéronome 28.1-28.14 Luc 1.55 Michée 7.20 Deutéronome 7.9
¹³ et diliget te ac multiplicabit benedicetque fructui ventris tui et fructui terrae tuae frumento tuo atque vindemiae oleo et armentis gregibus ovium tuarum super terram pro qua iuravit patribus tuis ut daret eam tibi Jean 14.21 Deutéronome 28.3-28.5 Job 42.12 Matthieu 6.33 Psaumes 144.12-144.15
¹⁴ benedictus eris inter omnes populos non erit apud te sterilis utriusque sexus tam in hominibus quam in gregibus tuis Psaumes 127.3 Exode 23.26-23.33 Deutéronome 28.11 Psaumes 115.15 Deutéronome 33.29
¹⁵ auferet Dominus a te omnem languorem et infirmitates Aegypti pessimas quas novisti non inferet tibi sed cunctis hostibus tuis Exode 15.26 Deutéronome 28.60 Exode 9.11 Deutéronome 28.27 Psaumes 105.36-105.37
¹⁶ devorabis omnes populos quos Dominus Deus tuus daturus est tibi non parcet eis oculus tuus nec servies diis eorum ne sint in ruinam tui Juges 8.27 Exode 23.33 Deutéronome 7.2 Psaumes 106.36 Deutéronome 19.21
¹⁷ si dixeris in corde tuo plures sunt gentes istae quam ego quomodo potero delere eas Nombres 33.53 Nombres 13.32 Esaïe 14.13 Jérémie 13.22 Esaïe 47.8
¹⁸ noli metuere sed recordare quae fecerit Dominus Deus tuus Pharaoni et cunctis Aegyptiis Psaumes 105.5 Deutéronome 31.6 Deutéronome 1.29 Psaumes 77.11 Psaumes 105.26-105.36
¹⁹ plagas maximas quas viderunt oculi tui et signa atque portenta manumque robustam et extentum brachium ut educeret te Dominus Deus tuus sic faciet cunctis populis quos metuis Deutéronome 4.34 Deutéronome 29.3 Ezéchiel 20.6-20.9 Josué 3.10 Deutéronome 11.2-11.4
²⁰ insuper et crabrones mittet Dominus Deus tuus in eos donec deleat omnes atque disperdat qui te fugerint et latere potuerint Josué 24.12 Exode 23.28-23.30
²¹ non timebis eos quia Dominus Deus tuus in medio tui est Deus magnus et terribilis Deutéronome 10.17 Josué 3.10 Néhémie 9.32 Néhémie 1.5 Nombres 14.14
²² ipse consumet nationes has in conspectu tuo paulatim atque per partes non poteris delere eas pariter ne forte multiplicentur contra te bestiae terrae Exode 23.29-23.30 Josué 15.63
²³ dabitque eos Dominus Deus tuus in conspectu tuo et interficiet illos donec penitus deleantur Deutéronome 2.15 Deutéronome 9.3 Esaïe 13.6 Joël 1.15 Jérémie 17.18
²⁴ tradet reges eorum in manus tuas et disperdes nomina eorum sub caelo nullus poterit resistere tibi donec conteras eos Josué 23.9 Josué 1.5 Josué 10.8 Deutéronome 11.25 Deutéronome 9.14
²⁵ sculptilia eorum igne conbures non concupisces argentum et aurum de quibus facta sunt neque adsumes ex eis tibi quicquam ne offendas propter ea quia abominatio est Domini Dei tui Exode 32.20 1 Chroniques 14.12 Deutéronome 17.1 Deutéronome 12.3 Josué 7.21
²⁶ nec inferes quippiam ex idolo in domum tuam ne fias anathema sicut et illud est quasi spurcitiam detestaberis et velut inquinamentum ac sordes abominationi habebis quia anathema est Deutéronome 13.17 Esaïe 30.22 Lévitique 27.28-27.29 Osée 14.8 Ezéchiel 11.18