Deutéronome 7.7
Vulgate

Ordre de détruire les Cananéens et leurs idoles

¹ cum introduxerit te Dominus Deus tuus in terram quam possessurus ingredieris et deleverit gentes multas coram te Hettheum et Gergeseum et Amorreum Chananeum et Ferezeum et Eveum et Iebuseum septem gentes multo maioris numeri quam tu es et robustiores te
Deutéronome 4.38 Deutéronome 31.3 Deutéronome 9.1 Psaumes 44.2-44.3 Deutéronome 9.4
² tradideritque eas Dominus Deus tuus tibi percuties eas usque ad internicionem non inibis cum eis foedus nec misereberis earum
Deutéronome 23.14 Lévitique 27.28-27.29 Juges 1.24 Exode 23.32-23.33 Juges 2.2
³ neque sociabis cum eis coniugia filiam tuam non dabis filio eius nec filiam illius accipies filio tuo
Exode 34.15-34.16 1 Rois 11.2 Josué 23.12-23.13 Esdras 9.1-9.2 Juges 3.6-3.7
⁴ quia seducet filium tuum ne sequatur me et ut magis serviat diis alienis irasceturque furor Domini et delebit te cito
Deutéronome 6.15 Deutéronome 4.26 Exode 20.5 Juges 3.7-3.8 Juges 2.11
⁵ quin potius haec facietis eis aras eorum subvertite confringite statuas lucosque succidite et sculptilia conburite
Exode 23.24 Exode 34.13 Deutéronome 7.25 Deutéronome 12.2-12.3 Exode 32.20
⁶ quia populus sanctus es Domino Deo tuo te elegit Dominus Deus tuus ut sis ei populus peculiaris de cunctis populis qui sunt super terram
Deutéronome 14.2 Exode 19.5-19.6 Tite 2.14 Deutéronome 26.19 1 Pierre 2.9
⁷ non quia cunctas gentes numero vincebatis vobis iunctus est Dominus et elegit vos cum omnibus sitis populis pauciores
Romains 11.6 Deutéronome 10.22 Psaumes 115.1 Romains 9.11-9.15 Esaïe 51.2
⁸ sed quia dilexit vos Dominus et custodivit iuramentum quod iuravit patribus vestris eduxitque vos in manu forti et redemit de domo servitutis de manu Pharaonis regis Aegypti
Jérémie 31.3 Exode 32.13 Deutéronome 10.15 Exode 13.3 Exode 13.14
⁹ et scies quia Dominus Deus tuus ipse est Deus fortis et fidelis custodiens pactum et misericordiam diligentibus se et his qui custodiunt praecepta eius in mille generationes
Hébreux 10.23 2 Timothée 2.13 1 Corinthiens 1.9 Daniel 9.4 2 Thessaloniciens 3.3
¹⁰ et reddens odientibus se statim ita ut disperdat eos et ultra non differat protinus eis restituens quod merentur
Esaïe 59.18 Nahum 1.2 Jean 15.23-15.24 Psaumes 21.8-21.9 2 Pierre 3.9-3.10
¹¹ custodi ergo praecepta et caerimonias atque iudicia quae ego mando tibi hodie ut facias
Jean 14.15 Deutéronome 5.32 Deutéronome 4.1
¹² si postquam audieris haec iudicia custodieris ea et feceris custodiet et Dominus Deus tuus tibi pactum et misericordiam quam iuravit patribus tuis
Luc 1.55 Lévitique 26.3-26.13 Deutéronome 28.1-28.14 Deutéronome 7.9 Psaumes 105.8-105.10
¹³ et diliget te ac multiplicabit benedicetque fructui ventris tui et fructui terrae tuae frumento tuo atque vindemiae oleo et armentis gregibus ovium tuarum super terram pro qua iuravit patribus tuis ut daret eam tibi
Jean 14.21 Psaumes 1.3 Deutéronome 7.7 Deutéronome 28.11 Deutéronome 28.15-28.18
¹⁴ benedictus eris inter omnes populos non erit apud te sterilis utriusque sexus tam in hominibus quam in gregibus tuis
Psaumes 127.3 Lévitique 26.9 Psaumes 147.19-147.20 Deutéronome 28.4 Exode 23.26-23.33
¹⁵ auferet Dominus a te omnem languorem et infirmitates Aegypti pessimas quas novisti non inferet tibi sed cunctis hostibus tuis
Exode 15.26 Deutéronome 28.60 Deutéronome 28.27 Exode 9.11 Lévitique 26.3-26.4
¹⁶ devorabis omnes populos quos Dominus Deus tuus daturus est tibi non parcet eis oculus tuus nec servies diis eorum ne sint in ruinam tui
Juges 8.27 Exode 23.33 Deutéronome 19.21 Deutéronome 25.12 Deutéronome 13.8
¹⁷ si dixeris in corde tuo plures sunt gentes istae quam ego quomodo potero delere eas
Nombres 33.53 Nombres 13.32 Esaïe 49.21 Deutéronome 8.17 Deutéronome 18.21
¹⁸ noli metuere sed recordare quae fecerit Dominus Deus tuus Pharaoni et cunctis Aegyptiis
Psaumes 105.5 Deutéronome 31.6 Psaumes 77.11 Deutéronome 1.29 Exode 7.1-7.14
¹⁹ plagas maximas quas viderunt oculi tui et signa atque portenta manumque robustam et extentum brachium ut educeret te Dominus Deus tuus sic faciet cunctis populis quos metuis
Deutéronome 4.34 Deutéronome 11.2-11.4 Jérémie 32.20-32.21 Néhémie 9.10-9.11 Deutéronome 29.3
²⁰ insuper et crabrones mittet Dominus Deus tuus in eos donec deleat omnes atque disperdat qui te fugerint et latere potuerint
Josué 24.12 Exode 23.28-23.30
²¹ non timebis eos quia Dominus Deus tuus in medio tui est Deus magnus et terribilis
Deutéronome 10.17 Josué 3.10 Néhémie 9.32 Néhémie 1.5 Néhémie 4.14
²² ipse consumet nationes has in conspectu tuo paulatim atque per partes non poteris delere eas pariter ne forte multiplicentur contra te bestiae terrae
Exode 23.29-23.30 Josué 15.63
²³ dabitque eos Dominus Deus tuus in conspectu tuo et interficiet illos donec penitus deleantur
Joël 1.15 Jérémie 17.18 2 Thessaloniciens 1.9 Deutéronome 8.20 Deutéronome 2.15
²⁴ tradet reges eorum in manus tuas et disperdes nomina eorum sub caelo nullus poterit resistere tibi donec conteras eos
Josué 23.9 Josué 10.8 Deutéronome 11.25 Josué 1.5 Josué 10.24-10.25
²⁵ sculptilia eorum igne conbures non concupisces argentum et aurum de quibus facta sunt neque adsumes ex eis tibi quicquam ne offendas propter ea quia abominatio est Domini Dei tui
Deutéronome 17.1 Exode 32.20 1 Chroniques 14.12 Josué 7.21 Deutéronome 12.3
²⁶ nec inferes quippiam ex idolo in domum tuam ne fias anathema sicut et illud est quasi spurcitiam detestaberis et velut inquinamentum ac sordes abominationi habebis quia anathema est
Deutéronome 13.17 Esaïe 30.22 Lévitique 27.28-27.29 Romains 2.22 Ezéchiel 14.7