Juges 13
Vulgate

Naissance de Samson

1 rursumque filii Israhel fecerunt malum in conspectu Domini qui tradidit eos in manus Philisthinorum quadraginta annis
Juges 2.11 1 Samuel 12.9 Juges 3.7 Juges 4.1 Jérémie 13.23
2 erat autem vir quidam de Saraa et de stirpe Dan nomine Manue habens uxorem sterilem
Josué 19.41 Josué 15.33 Luc 1.7 Genèse 25.21 Genèse 16.1
3 cui apparuit angelus Domini et dixit ad eam sterilis es et absque liberis sed concipies et paries filium
Luc 1.13 Juges 6.11-6.12 Luc 1.11 Juges 2.1 Juges 13.8
4 cave ergo ne vinum bibas ac siceram ne inmundum quicquam comedas
Luc 1.15 Nombres 6.2-6.3 Juges 13.14 Juges 13.7 Lévitique 11.27
5 quia concipies et paries filium cuius non tanget caput novacula erit enim nazareus Dei ab infantia sua et ex matris utero et ipse incipiet liberare Israhel de manu Philisthinorum
1 Samuel 1.11 Nombres 6.5 1 Samuel 7.13 1 Chroniques 18.1 2 Samuel 8.1
6 quae cum venisset ad maritum dixit ei vir Dei venit ad me habens vultum angelicum terribilis nimis quem cum interrogassem quis esset et unde venisset et quo nomine vocaretur noluit mihi dicere
Juges 13.17-13.18 1 Samuel 2.27 Deutéronome 33.1 1 Samuel 9.6 Genèse 32.29
7 sed hoc respondit ecce concipies et paries filium cave ne vinum bibas et siceram et ne aliquo vescaris inmundo erit enim puer nazareus Dei ab infantia sua et ex utero matris usque ad diem mortis suae
Juges 13.4
8 oravit itaque Manue Deum et ait obsecro Domine ut vir Dei quem misisti veniat iterum et doceat nos quid debeamus facere de puero qui nasciturus est
Actes 9.6 Job 34.32 Proverbes 3.5-3.6
9 exaudivitque Dominus precantem Manue et apparuit rursum angelus Domini uxori eius sedenti in agro Manue autem maritus eius non erat cum ea quae cum vidisset angelum
Psaumes 65.2 Matthieu 7.7-7.11
10 festinavit et cucurrit ad virum suum nuntiavitque ei dicens ecce apparuit mihi vir quem ante videram
Jean 1.41-1.42 Jean 4.28-4.29
11 qui surrexit et secutus est uxorem suam veniensque ad virum dixit ei tu es qui locutus es mulieri et ille respondit ego sum
12 cui Manue quando inquit sermo tuus fuerit expletus quid vis ut faciat puer aut a quo se observare debebit
Proverbes 4.4 Genèse 18.19 Proverbes 22.6 Ephésiens 6.4
13 dixitque angelus Domini ad Manue ab omnibus quae locutus sum uxori tuae abstineat se
14 et quicquid ex vinea nascitur non comedat vinum et siceram non bibat nullo vescatur inmundo et quod ei praecepi impleat atque custodiat
Juges 13.4 Nombres 6.4 2 Thessaloniciens 3.4 Jean 2.5 Jean 15.14
15 dixitque Manue ad angelum Domini obsecro te ut adquiescas precibus meis et faciamus tibi hedum de capris
Juges 13.3 Juges 6.18-6.19 Genèse 18.3-18.5
16 cui respondit angelus si me cogis non comedam panes tuos sin autem vis holocaustum facere offer illud Domino et nesciebat Manue quod angelus Dei esset
Juges 6.26 Juges 13.23 Juges 6.20
17 dixitque ad eum quod est tibi nomen ut si sermo tuus fuerit expletus honoremus te
Genèse 32.29
18 cui ille respondit cur quaeris nomen meum quod est mirabile
Esaïe 9.6 Genèse 32.29 Juges 13.6
19 tulit itaque Manue hedum de capris et libamenta et posuit super petram offerens Domino qui facit mirabilia ipse autem et uxor eius intuebantur
Juges 6.19-6.21 1 Rois 18.30-18.38
20 cumque ascenderet flamma altaris in caelum angelus Domini in flamma pariter ascendit quod cum vidisset Manue et uxor eius proni ceciderunt in terram
Ezéchiel 1.28 Lévitique 9.24 1 Chroniques 21.16 Matthieu 17.6 1 Chroniques 21.26
21 et ultra non eis apparuit angelus Domini statimque intellexit Manue angelum esse Domini
Juges 6.22 Juges 13.16 Osée 12.4-12.5
22 et dixit ad uxorem suam morte moriemur quia vidimus Deum
Deutéronome 5.26 Genèse 32.30 Juges 6.22 Esaïe 6.5 Deutéronome 4.38
23 cui respondit mulier si Dominus nos vellet occidere de manibus nostris holocaustum et libamenta non suscepisset nec ostendisset nobis haec omnia neque ea quae sunt ventura dixisset
Psaumes 25.14 Ecclésiaste 4.9-4.10 Jean 14.23 Jean 15.15 1 Corinthiens 12.21
24 peperit itaque filium et vocavit nomen eius Samson crevitque puer et benedixit ei Dominus
Luc 1.80 1 Samuel 3.19 Hébreux 11.32 Luc 2.52
25 coepitque spiritus Domini esse cum eo in castris Dan inter Saraa et Esthaol
Juges 3.10 Josué 15.33 Juges 18.11-18.12 Matthieu 4.1 Jean 3.34