Job 8.12
Biblia Hebraica Stuttgartensia

¹ וַ֭יַּעַן בִּלְדַּ֥ד הַשּׁוּחִ֗י וַיֹאמַֽר׃Job 2.11
² עַד־אָ֥ן תְּמַלֶּל־אֵ֑לֶּה וְר֥וּחַ כַּ֝בִּיר אִמְרֵי־פִֽיךָ׃Job 6.26 Job 15.2 1 Rois 19.11 Job 16.3 Exode 10.7
³ הַ֭אֵל יְעַוֵּ֣ת מִשְׁפָּ֑ט וְאִם־שַׁ֝דַּ֗י יְעַוֵּֽת־צֶֽדֶק׃2 Chroniques 19.7 Deutéronome 32.4 Genèse 18.25 Daniel 9.14 Job 34.10-34.12
⁴ אִם־בָּנֶ֥יךָ חָֽטְאוּ־לֹ֑ו וַֽ֝יְשַׁלְּחֵ֗ם בְּיַד־פִּשְׁעָֽם׃Job 1.5 Job 1.18-1.19 Genèse 19.13-19.25 Genèse 13.13 Job 5.4
⁵ אִם־אַ֭תָּה תְּשַׁחֵ֣ר אֶל־אֵ֑ל וְאֶל־שַׁ֝דַּ֗י תִּתְחַנָּֽן׃Job 11.13 Jacques 4.7-4.10 Hébreux 3.7-3.8 Matthieu 7.7-7.8 2 Chroniques 33.12-33.13
⁶ אִם־זַ֥ךְ וְיָשָׁ֗ר אָ֥תָּה כִּי־עַ֭תָּה יָעִ֣יר עָלֶ֑יךָ וְ֝שִׁלַּ֗ם נְוַ֣ת צִדְקֶֽךָ׃Psaumes 7.6 1 Jean 3.19-3.22 Job 5.24 Job 1.8 Proverbes 15.8
⁷ וְהָיָ֣ה רֵאשִׁיתְךָ֣ מִצְעָ֑ר וְ֝אַחֲרִיתְךָ֗ יִשְׂגֶּ֥ה מְאֹֽד׃Job 42.12-42.13 Matthieu 13.31-13.32 Zacharie 4.10 Proverbes 4.18 Matthieu 13.12
⁸ כִּֽי־שְׁאַל־נָ֭א לְדֹ֣ר רִישֹׁ֑ון וְ֝כֹונֵ֗ן לְחֵ֣קֶר אֲבֹותָֽם׃Job 15.18 Deutéronome 4.32 Deutéronome 32.7 Psaumes 44.1 Job 12.12
⁹ כִּֽי־תְמֹ֣ול אֲ֭נַחְנוּ וְלֹ֣א נֵדָ֑ע כִּ֤י צֵ֖ל יָמֵ֣ינוּ עֲלֵי־אָֽרֶץ׃1 Chroniques 29.15 Psaumes 144.4 Job 14.2 Job 7.6 Psaumes 102.11
¹⁰ הֲלֹא־הֵ֣ם יֹ֭ורוּךָ יֹ֣אמְרוּ לָ֑ךְ וּ֝מִלִּבָּ֗ם יֹוצִ֥אוּ מִלִּֽים׃Matthieu 12.35 Hébreux 12.1 Job 12.7-12.8 Hébreux 11.4 Proverbes 18.15
¹¹ הֲיִֽגְאֶה־גֹּ֭מֶא בְּלֹ֣א בִצָּ֑ה יִשְׂגֶּה־אָ֥חוּ בְלִי־מָֽיִם׃Exode 2.3 Esaïe 19.5-19.7
¹² עֹדֶ֣נּוּ בְ֭אִבֹּו לֹ֣א יִקָּטֵ֑ף וְלִפְנֵ֖י כָל־חָצִ֣יר יִיבָֽשׁ׃Jérémie 17.6 1 Pierre 1.24 Matthieu 13.20 Jacques 1.10-1.11 Psaumes 129.6-129.7
¹³ כֵּ֗ן אָ֭רְחֹות כָּל־שֹׁ֣כְחֵי אֵ֑ל וְתִקְוַ֖ת חָנֵ֣ף תֹּאבֵֽד׃Psaumes 9.17 Job 15.34 Job 13.16 Job 11.20 Proverbes 10.28
¹⁴ אֲשֶׁר־יָקֹ֥וט כִּסְלֹ֑ו וּבֵ֥ית עַ֝כָּבִ֗ישׁ מִבְטַחֹֽו׃Esaïe 59.5-59.6
¹⁵ יִשָּׁעֵ֣ן עַל־בֵּ֭יתֹו וְלֹ֣א יַעֲמֹ֑ד יַחֲזִ֥יק בֹּ֝֗ו וְלֹ֣א יָקֽוּם׃Job 27.18 Matthieu 7.24-7.27 Luc 6.47-6.49 Psaumes 112.10 Psaumes 49.11
¹⁶ רָטֹ֣ב ה֖וּא לִפְנֵי־שָׁ֑מֶשׁ וְעַ֥ל גַּ֝נָּתֹ֗ו יֹ֭נַקְתֹּ֥ו תֵצֵֽא׃Psaumes 80.11 Jérémie 11.16 Psaumes 37.35-37.36 Job 5.3 Job 21.7-21.15
¹⁷ עַל־גַּ֭ל שָֽׁרָשָׁ֣יו יְסֻבָּ֑כוּ בֵּ֖ית אֲבָנִ֣ים יֶחֱזֶֽה׃Esaïe 5.24 Marc 11.20 Job 29.19 Esaïe 40.24 Jérémie 12.1-12.2
¹⁸ אִם־יְבַלְּעֶ֥נּוּ מִמְּקֹומֹ֑ו וְכִ֥חֶשׁ בֹּ֝֗ו לֹ֣א רְאִיתִֽיךָ׃Job 7.10 Job 7.8 Psaumes 37.36 Psaumes 37.10 Job 20.9
¹⁹ הֶן־ה֭וּא מְשֹׂ֣ושׂ דַּרְכֹּ֑ו וּ֝מֵעָפָ֗ר אַחֵ֥ר יִצְמָֽחוּ׃Job 20.5 1 Samuel 2.8 Psaumes 113.7 Psaumes 75.7 Matthieu 13.20-13.21
²⁰ הֶן־אֵ֭ל לֹ֣א יִמְאַס־תָּ֑ם וְלֹֽא־יַ֝חֲזִ֗יק בְּיַד־מְרֵעִֽים׃Job 4.7 Psaumes 37.24 Esaïe 45.1 Job 9.22 Psaumes 94.14
²¹ עַד־יְמַלֵּ֣ה שְׂחֹ֣וק פִּ֑יךָ וּשְׂפָתֶ֥יךָ תְרוּעָֽה׃Psaumes 126.2 Genèse 21.6 Esaïe 65.13-65.14 Esdras 3.11-3.13 Psaumes 98.4
²² שֹׂנְאֶ֥יךָ יִלְבְּשׁוּ־בֹ֑שֶׁת וְאֹ֖הֶל רְשָׁעִ֣ים אֵינֶֽנּוּ׃ פPsaumes 109.29 Psaumes 35.26 Psaumes 132.18 Job 8.18 Job 18.14