Job 8.8
Biblia Hebraica Stuttgartensia

¹ וַ֭יַּעַן בִּלְדַּ֥ד הַשּׁוּחִ֗י וַיֹאמַֽר׃Job 2.11
² עַד־אָ֥ן תְּמַלֶּל־אֵ֑לֶּה וְר֥וּחַ כַּ֝בִּיר אִמְרֵי־פִֽיךָ׃Job 6.26 1 Rois 19.11 Job 15.2 Job 19.2-19.3 Job 18.2
³ הַ֭אֵל יְעַוֵּ֣ת מִשְׁפָּ֑ט וְאִם־שַׁ֝דַּ֗י יְעַוֵּֽת־צֶֽדֶק׃2 Chroniques 19.7 Deutéronome 32.4 Genèse 18.25 Apocalypse 16.7 Daniel 9.14
⁴ אִם־בָּנֶ֥יךָ חָֽטְאוּ־לֹ֑ו וַֽ֝יְשַׁלְּחֵ֗ם בְּיַד־פִּשְׁעָֽם׃Job 1.5 Job 1.18-1.19 Job 18.16-18.19 Genèse 19.13-19.25 Genèse 13.13
⁵ אִם־אַ֭תָּה תְּשַׁחֵ֣ר אֶל־אֵ֑ל וְאֶל־שַׁ֝דַּ֗י תִּתְחַנָּֽן׃Job 11.13 Jacques 4.7-4.10 Hébreux 3.7-3.8 Matthieu 7.7-7.8 Job 5.8
⁶ אִם־זַ֥ךְ וְיָשָׁ֗ר אָ֥תָּה כִּי־עַ֭תָּה יָעִ֣יר עָלֶ֑יךָ וְ֝שִׁלַּ֗ם נְוַ֣ת צִדְקֶֽךָ׃Psaumes 7.6 1 Jean 3.19-3.22 Job 22.23-22.30 1 Timothée 2.8 Job 21.14-21.15
⁷ וְהָיָ֣ה רֵאשִׁיתְךָ֣ מִצְעָ֑ר וְ֝אַחֲרִיתְךָ֗ יִשְׂגֶּ֥ה מְאֹֽד׃Job 42.12-42.13 Proverbes 4.18 Matthieu 13.31-13.32 Zacharie 4.10 Deutéronome 8.16
⁸ כִּֽי־שְׁאַל־נָ֭א לְדֹ֣ר רִישֹׁ֑ון וְ֝כֹונֵ֗ן לְחֵ֣קֶר אֲבֹותָֽם׃Job 15.18 Deutéronome 4.32 Deutéronome 32.7 Esaïe 38.19 Job 32.6-32.7
⁹ כִּֽי־תְמֹ֣ול אֲ֭נַחְנוּ וְלֹ֣א נֵדָ֑ע כִּ֤י צֵ֖ל יָמֵ֣ינוּ עֲלֵי־אָֽרֶץ׃1 Chroniques 29.15 Job 14.2 Psaumes 144.4 Psaumes 102.11 Genèse 47.9
¹⁰ הֲלֹא־הֵ֣ם יֹ֭ורוּךָ יֹ֣אמְרוּ לָ֑ךְ וּ֝מִלִּבָּ֗ם יֹוצִ֥אוּ מִלִּֽים׃Deutéronome 6.7 Proverbes 16.23 Job 32.7 Deutéronome 11.19 Psaumes 145.4
¹¹ הֲיִֽגְאֶה־גֹּ֭מֶא בְּלֹ֣א בִצָּ֑ה יִשְׂגֶּה־אָ֥חוּ בְלִי־מָֽיִם׃Esaïe 19.5-19.7 Exode 2.3
¹² עֹדֶ֣נּוּ בְ֭אִבֹּו לֹ֣א יִקָּטֵ֑ף וְלִפְנֵ֖י כָל־חָצִ֣יר יִיבָֽשׁ׃Jérémie 17.6 Psaumes 129.6-129.7 1 Pierre 1.24 Matthieu 13.20 Jacques 1.10-1.11
¹³ כֵּ֗ן אָ֭רְחֹות כָּל־שֹׁ֣כְחֵי אֵ֑ל וְתִקְוַ֖ת חָנֵ֣ף תֹּאבֵֽד׃Psaumes 9.17 Job 15.34 Job 13.16 Job 11.20 Proverbes 10.28
¹⁴ אֲשֶׁר־יָקֹ֥וט כִּסְלֹ֑ו וּבֵ֥ית עַ֝כָּבִ֗ישׁ מִבְטַחֹֽו׃Esaïe 59.5-59.6
¹⁵ יִשָּׁעֵ֣ן עַל־בֵּ֭יתֹו וְלֹ֣א יַעֲמֹ֑ד יַחֲזִ֥יק בֹּ֝֗ו וְלֹ֣א יָקֽוּם׃Job 27.18 Matthieu 7.24-7.27 Luc 6.47-6.49 Proverbes 10.28 Job 18.14
¹⁶ רָטֹ֣ב ה֖וּא לִפְנֵי־שָׁ֑מֶשׁ וְעַ֥ל גַּ֝נָּתֹ֗ו יֹ֭נַקְתֹּ֥ו תֵצֵֽא׃Psaumes 80.11 Psaumes 73.3-73.12 Jérémie 11.16 Psaumes 37.35-37.36 Job 5.3
¹⁷ עַל־גַּ֭ל שָֽׁרָשָׁ֣יו יְסֻבָּ֑כוּ בֵּ֖ית אֲבָנִ֣ים יֶחֱזֶֽה׃Job 18.16 Jude 1.12 Esaïe 5.24 Marc 11.20 Job 29.19
¹⁸ אִם־יְבַלְּעֶ֥נּוּ מִמְּקֹומֹ֑ו וְכִ֥חֶשׁ בֹּ֝֗ו לֹ֣א רְאִיתִֽיךָ׃Job 7.10 Psaumes 37.36 Job 7.8 Psaumes 37.10 Job 20.9
¹⁹ הֶן־ה֭וּא מְשֹׂ֣ושׂ דַּרְכֹּ֑ו וּ֝מֵעָפָ֗ר אַחֵ֥ר יִצְמָֽחוּ׃Job 20.5 Psaumes 113.7 1 Samuel 2.8 Matthieu 3.9 Psaumes 75.7
²⁰ הֶן־אֵ֭ל לֹ֣א יִמְאַס־תָּ֑ם וְלֹֽא־יַ֝חֲזִ֗יק בְּיַד־מְרֵעִֽים׃Job 4.7 Job 21.30 Psaumes 37.37 Psaumes 37.24 Esaïe 45.1
²¹ עַד־יְמַלֵּ֣ה שְׂחֹ֣וק פִּ֑יךָ וּשְׂפָתֶ֥יךָ תְרוּעָֽה׃Psaumes 126.2 Genèse 21.6 Néhémie 12.43 Psaumes 100.1 Psaumes 32.11
²² שֹׂנְאֶ֥יךָ יִלְבְּשׁוּ־בֹ֑שֶׁת וְאֹ֖הֶל רְשָׁעִ֣ים אֵינֶֽנּוּ׃ פPsaumes 132.18 Psaumes 109.29 Psaumes 35.26 1 Pierre 5.5 Job 8.18