Proverbes 10
Septante

¹ υἱὸς σοφὸς εὐφραίνει πατέρα υἱὸς δὲ ἄφρων λύπη τῇ μητρί. Proverbes 29.3 Proverbes 17.25 Proverbes 15.20 Proverbes 1.1 Proverbes 23.15-23.16
² οὐκ ὠφελήσουσιν θησαυροὶ ἀνόμους δικαιοσύνη δὲ ῥύσεται ἐκ θανάτου. Proverbes 11.4 Proverbes 21.6 Romains 2.5 Sophonie 1.18 Luc 16.22-16.23
³ οὐ λιμοκτονήσει κύριος ψυχὴν δικαίαν ζωὴν δὲ ἀσεβῶν ἀνατρέψει. Psaumes 37.25 Psaumes 34.9-34.10 Matthieu 6.30-6.33 Psaumes 37.3 Luc 12.22-12.24
⁴ πενία ἄνδρα ταπεινοῖ χεῖρες δὲ ἀνδρείων πλουτίζουσιν. υἱὸς πεπαιδευμένος σοφὸς ἔσται τῷ δὲ ἄφρονι διακόνῳ χρήσεται. Proverbes 21.5 Proverbes 20.4 Proverbes 13.4 Proverbes 12.24 Proverbes 19.15
⁵ διεσώθη ἀπὸ καύματος υἱὸς νοήμων ἀνεμόφθορος δὲ γίνεται ἐν ἀμήτῳ υἱὸς παράνομος. Proverbes 6.8 Proverbes 17.2 Proverbes 19.26 Proverbes 30.25 Proverbes 12.4
⁶ εὐλογία κυρίου ἐπὶ κεφαλὴν δικαίου στόμα δὲ ἀσεβῶν καλύψει πένθος ἄωρον. Proverbes 10.11 Proverbes 28.20 Proverbes 24.25 Proverbes 11.26 Job 29.13
⁷ μνήμη δικαίων μετ’ ἐγκωμίων ὄνομα δὲ ἀσεβοῦς σβέννυται. Psaumes 112.6 Psaumes 109.13 Psaumes 9.5-9.6 Luc 1.48 Marc 14.9
⁸ σοφὸς καρδίᾳ δέξεται ἐντολάς ὁ δὲ ἄστεγος χείλεσιν σκολιάζων ὑποσκελισθήσεται. Proverbes 12.1 Matthieu 7.24-7.25 Proverbes 1.5 Jacques 3.13 Proverbes 14.23
⁹ ὃς πορεύεται ἁπλῶς πορεύεται πεποιθώς ὁ δὲ διαστρέφων τὰς ὁδοὺς αὐτοῦ γνωσθήσεται. Proverbes 28.18 Esaïe 33.15-33.16 1 Timothée 5.25 Psaumes 26.11-26.12 Matthieu 10.26
¹⁰ ὁ ἐννεύων ὀφθαλμοῖς μετὰ δόλου συνάγει ἀνδράσι λύπας ὁ δὲ ἐλέγχων μετὰ παρρησίας εἰρηνοποιεῖ. Proverbes 6.13 Psaumes 35.19 Proverbes 10.8 Proverbes 18.21 Proverbes 18.6-18.7
¹¹ πηγὴ ζωῆς ἐν χειρὶ δικαίου στόμα δὲ ἀσεβοῦς καλύψει ἀπώλεια. Proverbes 13.14 Proverbes 10.6 Proverbes 18.4 Psaumes 107.42 Ephésiens 4.29
¹² μῖσος ἐγείρει νεῖκος πάντας δὲ τοὺς μὴ φιλονεικοῦντας καλύπτει φιλία. 1 Pierre 4.8 Proverbes 17.9 Jacques 5.20 Proverbes 15.18 Jacques 4.1
¹³ ὃς ἐκ χειλέων προφέρει σοφίαν ῥάβδῳ τύπτει ἄνδρα ἀκάρδιον. Proverbes 26.3 Proverbes 6.32 Proverbes 20.15 Proverbes 10.31 Proverbes 10.10-10.11
¹⁴ σοφοὶ κρύψουσιν αἴσθησιν στόμα δὲ προπετοῦς ἐγγίζει συντριβῇ. Proverbes 18.7 Proverbes 10.8 Proverbes 9.9 Proverbes 13.3 Proverbes 10.10
¹⁵ κτῆσις πλουσίων πόλις ὀχυρά συντριβὴ δὲ ἀσεβῶν πενία. Proverbes 18.11 Psaumes 52.7 Proverbes 19.7 Marc 10.24 Proverbes 14.20
¹⁶ ἔργα δικαίων ζωὴν ποιεῖ καρποὶ δὲ ἀσεβῶν ἁμαρτίας. Romains 6.23 Galates 6.7-6.9 Proverbes 11.18-11.19 Jean 6.27 1 Corinthiens 15.58
¹⁷ ὁδοὺς δικαίας ζωῆς φυλάσσει παιδεία παιδεία δὲ ἀνεξέλεγκτος πλανᾶται. Proverbes 15.10 Proverbes 1.25-1.26 Proverbes 3.1-3.2 Proverbes 5.12 Proverbes 3.18
¹⁸ καλύπτουσιν ἔχθραν χείλη δίκαια οἱ δὲ ἐκφέροντες λοιδορίας ἀφρονέστατοί εἰσιν. 1 Samuel 18.29 1 Samuel 18.21-18.22 2 Samuel 3.27 2 Samuel 11.8-11.15 2 Samuel 20.9-20.10
¹⁹ ἐκ πολυλογίας οὐκ ἐκφεύξῃ ἁμαρτίαν φειδόμενος δὲ χειλέων νοήμων ἔσῃ. Jacques 3.2 Jacques 1.19 Ecclésiaste 5.3 Psaumes 39.1 Proverbes 17.27-17.28
²⁰ ἄργυρος πεπυρωμένος γλῶσσα δικαίου καρδία δὲ ἀσεβοῦς ἐκλείψει. Proverbes 12.18 Genèse 6.5 Genèse 8.21 Proverbes 16.13 Proverbes 15.4
²¹ χείλη δικαίων ἐπίσταται ὑψηλά οἱ δὲ ἄφρονες ἐν ἐνδείᾳ τελευτῶσιν. Osée 4.6 Proverbes 5.23 Job 29.21-29.22 Job 4.3-4.4 Job 23.12
²² εὐλογία κυρίου ἐπὶ κεφαλὴν δικαίου αὕτη πλουτίζει καὶ οὐ μὴ προστεθῇ αὐτῇ λύπη ἐν καρδίᾳ. Genèse 24.35 Psaumes 107.38 Genèse 26.12 Psaumes 37.22 Genèse 12.2
²³ ἐν γέλωτι ἄφρων πράσσει κακά ἡ δὲ σοφία ἀνδρὶ τίκτει φρόνησιν. Proverbes 15.21 Proverbes 2.14 Ecclésiaste 11.9 Proverbes 26.18-26.19 Proverbes 14.9
²⁴ ἐν ἀπωλείᾳ ἀσεβὴς περιφέρεται ἐπιθυμία δὲ δικαίου δεκτή. Psaumes 145.19 Matthieu 5.6 1 Jean 5.14-5.15 Job 15.21 Job 3.25
²⁵ παραπορευομένης καταιγίδος ἀφανίζεται ἀσεβής δίκαιος δὲ ἐκκλίνας σῴζεται εἰς τὸν αἰῶνα. Psaumes 15.5 Psaumes 58.9 Proverbes 12.3 Proverbes 10.30 Esaïe 40.24
²⁶ ὥσπερ ὄμφαξ ὀδοῦσι βλαβερὸν καὶ καπνὸς ὄμμασιν οὕτως παρανομία τοῖς χρωμένοις αὐτήν. Proverbes 25.20 Romains 12.11 Matthieu 25.26 Proverbes 25.13 Proverbes 26.6
²⁷ φόβος κυρίου προστίθησιν ἡμέρας ἔτη δὲ ἀσεβῶν ὀλιγωθήσεται. Proverbes 9.11 Proverbes 3.2 Job 15.32-15.33 Psaumes 55.23 Psaumes 34.11-34.13
²⁸ ἐγχρονίζει δικαίοις εὐφροσύνη ἐλπὶς δὲ ἀσεβῶν ὄλλυται. Job 8.13 Job 11.20 Proverbes 11.7 Psaumes 112.10 Proverbes 14.32
²⁹ ὀχύρωμα ὁσίου φόβος κυρίου συντριβὴ δὲ τοῖς ἐργαζομένοις κακά. Proverbes 21.15 Psaumes 37.20 Zacharie 10.12 Psaumes 1.6 Psaumes 84.7
³⁰ δίκαιος τὸν αἰῶνα οὐκ ἐνδώσει ἀσεβεῖς δὲ οὐκ οἰκήσουσιν γῆν. Psaumes 37.22 Psaumes 125.1 Proverbes 10.25 Psaumes 37.28-37.29 Proverbes 2.21-2.22
³¹ στόμα δικαίου ἀποστάζει σοφίαν γλῶσσα δὲ ἀδίκου ἐξολεῖται. Psaumes 37.30 Proverbes 10.13 Psaumes 63.11 Psaumes 31.18 Proverbes 10.11
³² χείλη ἀνδρῶν δικαίων ἀποστάζει χάριτας στόμα δὲ ἀσεβῶν ἀποστρέφεται. Ecclésiaste 12.10 Tite 2.8 Proverbes 15.2 Proverbes 11.11 Proverbes 18.6-18.8