Deutéronome 33.20
Septante

Bénédiction de Moïse

¹ καὶ αὕτη ἡ εὐλογία ἣν εὐλόγησεν Μωυσῆς ἄνθρωπος τοῦ θεοῦ τοὺς υἱοὺς Ισραηλ πρὸ τῆς τελευτῆς αὐτοῦ.
Josué 14.6 2 Timothée 3.17 1 Rois 13.1 Juges 13.6 Psaumes 90.1
² καὶ εἶπεν κύριος ἐκ Σινα ἥκει καὶ ἐπέφανεν ἐκ Σηιρ ἡμῖν καὶ κατέσπευσεν ἐξ ὄρους Φαραν σὺν μυριάσιν Καδης ἐκ δεξιῶν αὐτοῦ ἄγγελοι μετ’ αὐτοῦ.
Actes 7.53 Habakuk 3.3 Apocalypse 5.11 Psaumes 68.17 Galates 3.19
³ καὶ ἐφείσατο τοῦ λαοῦ αὐτοῦ καὶ πάντες οἱ ἡγιασμένοι ὑπὸ τὰς χεῖράς σου καὶ οὗτοι ὑπὸ σέ εἰσιν καὶ ἐδέξατο ἀπὸ τῶν λόγων αὐτοῦ.
Luc 10.39 Actes 22.3 Malachie 1.2 Deutéronome 7.6-7.8 Luc 2.46
⁴ νόμον ὃν ἐνετείλατο ἡμῖν Μωυσῆς κληρονομίαν συναγωγαῖς Ιακωβ.
Psaumes 119.111 Jean 1.17 Jean 7.19 Psaumes 119.72 Deutéronome 9.26-9.29
⁵ καὶ ἔσται ἐν τῷ ἠγαπημένῳ ἄρχων συναχθέντων ἀρχόντων λαῶν ἅμα φυλαῖς Ισραηλ.
Deutéronome 32.15 Exode 18.16 Exode 18.19 Juges 17.6 Nombres 16.13-16.15
⁶ ζήτω Ρουβην καὶ μὴ ἀποθανέτω καὶ ἔστω πολὺς ἐν ἀριθμῷ.
Genèse 49.3-49.4 Genèse 49.8 Nombres 32.31-32.32 Josué 22.1-22.9
⁷ καὶ αὕτη Ιουδα εἰσάκουσον κύριε φωνῆς Ιουδα καὶ εἰς τὸν λαὸν αὐτοῦ εἰσέλθοισαν αἱ χεῖρες αὐτοῦ διακρινοῦσιν αὐτῷ καὶ βοηθὸς ἐκ τῶν ἐχθρῶν αὐτοῦ ἔσῃ.
Genèse 49.8-49.12 Michée 5.2 2 Samuel 3.1 2 Samuel 5.1 Malachie 3.1
⁸ καὶ τῷ Λευι εἶπεν δότε Λευι δήλους αὐτοῦ καὶ ἀλήθειαν αὐτοῦ τῷ ἀνδρὶ τῷ ὁσίῳ ὃν ἐπείρασαν αὐτὸν ἐν πείρᾳ ἐλοιδόρησαν αὐτὸν ἐπὶ ὕδατος ἀντιλογίας.
Exode 28.30 Exode 17.7 Nombres 20.13 Psaumes 106.16 Lévitique 8.8
⁹ ὁ λέγων τῷ πατρὶ καὶ τῇ μητρί οὐχ ἑόρακά σε καὶ τοὺς ἀδελφοὺς αὐτοῦ οὐκ ἐπέγνω καὶ τοὺς υἱοὺς αὐτοῦ ἀπέγνω ἐφύλαξεν τὰ λόγιά σου καὶ τὴν διαθήκην σου διετήρησεν.
Genèse 29.32 Galates 1.10 Jérémie 18.18 Matthieu 10.37 Job 37.24
¹⁰ δηλώσουσιν τὰ δικαιώματά σου τῷ Ιακωβ καὶ τὸν νόμον σου τῷ Ισραηλ ἐπιθήσουσιν θυμίαμα ἐν ὀργῇ σου διὰ παντὸς ἐπὶ τὸ θυσιαστήριόν σου.
Lévitique 10.11 Psaumes 51.19 1 Samuel 2.28 Deutéronome 17.9-17.11 Exode 30.7-30.8
¹¹ εὐλόγησον κύριε τὴν ἰσχὺν αὐτοῦ καὶ τὰ ἔργα τῶν χειρῶν αὐτοῦ δέξαι κάταξον ὀσφὺν ἐχθρῶν ἐπανεστηκότων αὐτῷ καὶ οἱ μισοῦντες αὐτὸν μὴ ἀναστήτωσαν.
Ezéchiel 20.40-20.41 2 Samuel 24.23 Ezéchiel 43.27 Luc 10.16 Nombres 35.2-35.8
¹² καὶ τῷ Βενιαμιν εἶπεν ἠγαπημένος ὑπὸ κυρίου κατασκηνώσει πεποιθώς καὶ ὁ θεὸς σκιάζει ἐπ’ αὐτῷ πάσας τὰς ἡμέρας καὶ ἀνὰ μέσον τῶν ὤμων αὐτοῦ κατέπαυσεν.
2 Chroniques 17.17-17.19 Juges 1.21 2 Chroniques 15.2 Josué 18.11-18.28 Psaumes 91.4
¹³ καὶ τῷ Ιωσηφ εἶπεν ἀπ’ εὐλογίας κυρίου ἡ γῆ αὐτοῦ ἀπὸ ὡρῶν οὐρανοῦ καὶ δρόσου καὶ ἀπὸ ἀβύσσων πηγῶν κάτωθεν.
Genèse 49.22-49.26 Michée 5.7 Proverbes 3.20 Esaïe 18.4 Genèse 48.5
¹⁴ καὶ καθ’ ὥραν γενημάτων ἡλίου τροπῶν καὶ ἀπὸ συνόδων μηνῶν.
Psaumes 65.9-65.13 Lévitique 26.4 Psaumes 84.11 Psaumes 8.3 Actes 14.17
¹⁵ καὶ ἀπὸ κορυφῆς ὀρέων ἀρχῆς καὶ ἀπὸ κορυφῆς βουνῶν ἀενάων.
Habakuk 3.6 Genèse 49.26 Jacques 5.7
¹⁶ καὶ καθ’ ὥραν γῆς πληρώσεως καὶ τὰ δεκτὰ τῷ ὀφθέντι ἐν τῷ βάτῳ ἔλθοισαν ἐπὶ κεφαλὴν Ιωσηφ καὶ ἐπὶ κορυφῆς δοξασθεὶς ἐν ἀδελφοῖς.
Psaumes 24.1 Exode 3.2-3.4 Actes 7.35 Genèse 39.2-39.3 Luc 2.14
¹⁷ πρωτότοκος ταύρου τὸ κάλλος αὐτοῦ κέρατα μονοκέρωτος τὰ κέρατα αὐτοῦ ἐν αὐτοῖς ἔθνη κερατιεῖ ἅμα ἕως ἐπ’ ἄκρου γῆς αὗται μυριάδες Εφραιμ καὶ αὗται χιλιάδες Μανασση.
Nombres 23.22 1 Rois 22.11 Psaumes 44.5 1 Chroniques 5.1 Genèse 48.19
¹⁸ καὶ τῷ Ζαβουλων εἶπεν εὐφράνθητι Ζαβουλων ἐν ἐξοδίᾳ σου καί Ισσαχαρ ἐν τοῖς σκηνώμασιν αὐτοῦ.
Genèse 49.13-49.15 Josué 19.11 Juges 5.14
¹⁹ ἔθνη ἐξολεθρεύσουσιν καὶ ἐπικαλέσεσθε ἐκεῖ καὶ θύσετε θυσίαν δικαιοσύνης ὅτι πλοῦτος θαλάσσης θηλάσει σε καὶ ἐμπόρια παράλιον κατοικούντων.
Psaumes 4.5 Esaïe 2.3 Esaïe 60.5 Exode 15.17 Hébreux 13.15-13.16
²⁰ καὶ τῷ Γαδ εἶπεν εὐλογημένος ἐμπλατύνων Γαδ ὡς λέων ἀνεπαύσατο συντρίψας βραχίονα καὶ ἄρχοντα.
Genèse 49.19 Psaumes 18.19 Michée 5.8 Genèse 9.26-9.27 1 Chroniques 4.10
²¹ καὶ εἶδεν ἀπαρχὴν αὐτοῦ ὅτι ἐκεῖ ἐμερίσθη γῆ ἀρχόντων συνηγμένων ἅμα ἀρχηγοῖς λαῶν δικαιοσύνην κύριος ἐποίησεν καὶ κρίσιν αὐτοῦ μετὰ Ισραηλ.
Josué 1.14 Josué 4.12-4.13 Josué 22.1-22.4 Juges 5.2 Juges 5.11
²² καὶ τῷ Δαν εἶπεν Δαν σκύμνος λέοντος καὶ ἐκπηδήσεται ἐκ τοῦ Βασαν.
Juges 18.27 Josué 19.47 Genèse 49.16-49.17 Juges 15.15 Juges 14.6
²³ καὶ τῷ Νεφθαλι εἶπεν Νεφθαλι πλησμονὴ δεκτῶν καὶ ἐμπλησθήτω εὐλογίαν παρὰ κυρίου θάλασσαν καὶ λίβα κληρονομήσει.
Genèse 49.21 Josué 19.32-19.39 Esaïe 9.1-9.2 Matthieu 11.28 Psaumes 90.14
²⁴ καὶ τῷ Ασηρ εἶπεν εὐλογητὸς ἀπὸ τέκνων Ασηρ καὶ ἔσται δεκτὸς τοῖς ἀδελφοῖς αὐτοῦ βάψει ἐν ἐλαίῳ τὸν πόδα αὐτοῦ.
Job 29.6 Genèse 49.20 Romains 14.18 Actes 7.10 Proverbes 3.3-3.4
²⁵ σίδηρος καὶ χαλκὸς τὸ ὑπόδημα αὐτοῦ ἔσται καὶ ὡς αἱ ἡμέραι σου ἡ ἰσχύς σου.
Esaïe 41.10 Psaumes 138.3 Philippiens 4.13 2 Chroniques 16.9 Ephésiens 6.15
²⁶ οὐκ ἔστιν ὥσπερ ὁ θεὸς τοῦ ἠγαπημένου ὁ ἐπιβαίνων ἐπὶ τὸν οὐρανὸν βοηθός σου καὶ ὁ μεγαλοπρεπὴς τοῦ στερεώματος.
Psaumes 104.3 Exode 15.11 Habakuk 3.8 Psaumes 68.33-68.34 Esaïe 19.1
²⁷ καὶ σκέπασις θεοῦ ἀρχῆς καὶ ὑπὸ ἰσχὺν βραχιόνων ἀενάων καὶ ἐκβαλεῖ ἀπὸ προσώπου σου ἐχθρὸν λέγων ἀπόλοιο.
Psaumes 18.2 Romains 16.20 Psaumes 91.9 Esaïe 25.4 Psaumes 91.1-91.2
²⁸ καὶ κατασκηνώσει Ισραηλ πεποιθὼς μόνος ἐπὶ γῆς Ιακωβ ἐπὶ σίτῳ καὶ οἴνῳ καὶ ὁ οὐρανὸς αὐτῷ συννεφὴς δρόσῳ.
Nombres 23.9 Jérémie 23.6 Genèse 27.28 Esaïe 48.1 Psaumes 68.26
²⁹ μακάριος σύ Ισραηλ τίς ὅμοιός σοι λαὸς σῳζόμενος ὑπὸ κυρίου ὑπερασπιεῖ ὁ βοηθός σου καὶ ἡ μάχαιρα καύχημά σου καὶ ψεύσονταί σε οἱ ἐχθροί σου καὶ σὺ ἐπὶ τὸν τράχηλον αὐτῶν ἐπιβήσῃ.
Psaumes 115.9-115.11 Esaïe 45.17 2 Samuel 7.23 Genèse 15.1 Psaumes 66.3