2 Rois 25.27
Vulgate

¹ factum est autem anno nono regni eius mense decimo decima die mensis venit Nabuchodonosor rex Babylonis ipse et omnis exercitus eius in Hierusalem et circumdederunt eam et extruxerunt in circuitu eius munitiones
Jérémie 52.4-52.11 Jérémie 34.1-34.6 2 Rois 24.1 1 Chroniques 6.15 Jérémie 51.34
² et clausa est civitas atque vallata usque ad undecimum annum regis Sedeciae
³ nona die mensis praevaluitque fames in civitate nec erat panis populo terrae
Jérémie 38.2 Ezéchiel 14.21 Deutéronome 28.52-28.53 Lévitique 26.26 Jérémie 52.6
⁴ et interrupta est civitas et omnes viri bellatores nocte fugerunt per viam portae quae est inter duplicem murum ad hortum regis porro Chaldei obsidebant in circuitu civitatem fugit itaque per viam quae ducit ad campestria solitudinis
Ezéchiel 33.21 Deutéronome 28.25 Lévitique 26.17 Jérémie 39.2-39.7 Ezéchiel 12.12
⁵ et persecutus est exercitus Chaldeorum regem conprehenditque eum in planitie Hiericho et omnes bellatores qui erant cum eo dispersi sunt et reliquerunt eum
Amos 2.14-2.16 Jérémie 24.8 Esaïe 30.16 Jérémie 52.8 Jérémie 39.5
⁶ adprehensum ergo regem duxerunt ad regem Babylonis in Reblatha qui locutus est cum eo iudicium
2 Rois 23.33 Jérémie 34.21-34.22 Jérémie 38.23 Ezéchiel 21.25-21.27 Jérémie 32.4
⁷ filios autem Sedeciae occidit coram eo et oculos eius effodit vinxitque eum catenis et adduxit in Babylonem
Jérémie 39.6-39.7 Jérémie 32.4-32.5 Genèse 21.16 Genèse 44.34 2 Chroniques 36.6

Destruction de Jérusalem et du temple

⁸ mense quinto septima die mensis ipse est annus nonusdecimus regis Babylonis venit Nabuzardan princeps exercitus servus regis Babylonis Hierusalem
Jérémie 52.12-52.16 Zacharie 8.19 2 Rois 25.27 Jérémie 40.1-40.4 Jérémie 39.8-39.14
⁹ et succendit domum Domini et domum regis et domos Hierusalem omnemque domum conbusit igni
Psaumes 74.3-74.7 Amos 2.5 Michée 3.12 Psaumes 79.1 1 Rois 9.8
¹⁰ et muros Hierusalem in circuitu destruxit omnis exercitus Chaldeorum qui erat cum principe militum
Néhémie 1.3 Jérémie 52.14-52.23 Jérémie 39.8 Jérémie 5.10
¹¹ reliquam autem populi partem qui remanserat in civitate et perfugas qui transfugerant ad regem Babylonis et reliquum vulgus transtulit Nabuzardan princeps militiae
Ezéchiel 12.15-12.16 Jérémie 52.12 Ezéchiel 5.2 Ezéchiel 22.15-22.16 2 Chroniques 36.20
¹² et de pauperibus terrae reliquit vinitores et agricolas
2 Rois 24.14 Jérémie 40.7 Jérémie 52.16 Jérémie 39.10 Ezéchiel 33.24
¹³ columnas autem aereas quae erant in templo Domini et bases et mare aereum quod erat in domo Domini confregerunt Chaldei et transtulerunt aes omnium in Babylonem
2 Chroniques 36.18 1 Rois 7.15 Jérémie 52.17-52.20 2 Rois 20.17 Jérémie 27.19-27.22
¹⁴ ollas quoque aereas et trullas et tridentes et scyphos et omnia vasa aerea in quibus ministrabant tulerunt
Exode 27.3 1 Rois 7.47-7.50 2 Chroniques 4.20-4.22 2 Chroniques 24.14 Exode 38.3
¹⁵ necnon turibula et fialas quae aurea aurea et quae argentea argentea tulit princeps militiae
Daniel 5.2-5.3 Exode 37.23 2 Chroniques 24.14 Nombres 7.13-7.14 Esdras 1.9-1.11
¹⁶ id est columnas duas mare unum et bases quas fecerat Salomon in templo Domini non erat pondus aeris omnium vasorum
1 Rois 7.47
¹⁷ decem et octo cubitos altitudinis habebat columna una et capitellum aereum super se altitudinis trium cubitorum et reticulum et malogranata super capitellum columnae omnia aerea similem et columna secunda habebat ornatum
1 Rois 7.15-7.22 Jérémie 52.21-52.23
¹⁸ tulit quoque princeps militiae Seraian sacerdotem primum et Sophoniam sacerdotem secundum et tres ianitores
Jérémie 29.25 Jérémie 21.1 Esdras 7.1 1 Chroniques 6.14 Jérémie 52.24
¹⁹ et de civitate eunuchum unum qui erat praefectus super viros bellatores et quinque viros de his qui steterant coram rege quos repperit in civitate et Sopher principem exercitus qui probabat tirones de populo terrae et sex viros e vulgo qui inventi fuerant in civitate
Esther 1.14
²⁰ quos tollens Nabuzardan princeps militum duxit ad regem Babylonis in Reblatha
2 Rois 23.33 Jérémie 52.26-52.27 Lamentations 4.16
²¹ percussitque eos rex Babylonis et interfecit in Reblatha in terra Emath et translatus est Iuda de terra sua
Deutéronome 28.64 2 Rois 23.27 Jérémie 24.9-24.10 Jérémie 25.9-25.11 2 Rois 17.20

Révolte contre le gouverneur de Juda

²² populo autem qui relictus erat in terra Iuda quem dimiserat Nabuchodonosor rex Babylonis praefecit Godoliam filium Ahicham filii Saphan
Jérémie 39.14 2 Rois 22.12 Jérémie 26.24 Jérémie 41.2 2 Rois 25.25
²³ quod cum audissent omnes duces militum ipsi et viri qui erant cum eis videlicet quod constituisset rex Babylonis Godoliam venerunt ad Godoliam in Maspha Ismahel filius Nathaniae et Iohanan filius Caree et Sareia filius Thenaameth Nethophathites et Iezonias filius Maachathi ipsi et socii eorum
Jérémie 40.7-40.9 Jérémie 40.11-40.12 Josué 18.26
²⁴ iuravitque eis Godolias et sociis eorum dicens nolite timere servire Chaldeis manete in terra et servite regi Babylonis et bene erit vobis
Jérémie 43.6 2 Samuel 19.23 Ezéchiel 33.24-33.29 2 Samuel 14.11 Jérémie 40.9-40.10
²⁵ factum est autem in mense septimo venit Ismahel filius Nathaniae filii Elisama de semine regio et decem viri cum eo percusseruntque Godoliam qui mortuus est sed et Iudaeos et Chaldeos qui erant cum eo in Maspha
Jérémie 40.15-41.15 Zacharie 7.5 2 Rois 11.1 Zacharie 8.19
²⁶ consurgens autem omnis populus a parvo usque ad magnum et principes militum venerunt in Aegyptum timentes Chaldeos
Jérémie 43.4-43.7 Jérémie 42.14-42.22 Jérémie 41.16-41.18

Libération de Jojakin

²⁷ factum est vero anno tricesimo septimo transmigrationis Ioiachin regis Iudae mense duodecimo vicesima septima die mensis sublevavit Evilmerodach rex Babylonis anno quo regnare coeperat caput Ioiachin regis Iuda de carcere
Jérémie 52.31-52.34 Genèse 40.13 Genèse 40.20 2 Rois 24.12 Proverbes 21.1
²⁸ et locutus est ei benigna et posuit thronum eius super thronum regum qui erant cum eo in Babylone
Daniel 5.18-5.19 Daniel 2.37 Jérémie 27.6-27.11
²⁹ et mutavit vestes eius quas habuerat in carcere et comedebat panem semper in conspectu eius cunctis diebus vitae suae
2 Samuel 9.7 Esther 8.15 Esther 4.4 2 Rois 24.12 Genèse 41.42
³⁰ annonam quoque constituit ei absque intermissione quae et dabatur ei a rege per singulos dies omnibus diebus vitae suae
Néhémie 12.47 Néhémie 11.23 Daniel 1.5 Luc 11.3 Actes 6.1