Exode 19.1
Vulgate

¹ mense tertio egressionis Israhel de terra Aegypti in die hac venerunt in solitudinem SinaiExode 12.6 Nombres 33.15 Exode 16.1 Lévitique 23.16-23.18 Exode 12.2
² nam profecti de Raphidim et pervenientes usque in desertum Sinai castrametati sunt in eodem loco ibique Israhel fixit tentoria e regione montisExode 3.1 Exode 17.1 Exode 18.5 Exode 17.8 Exode 3.12
³ Moses autem ascendit ad Deum vocavitque eum Dominus de monte et ait haec dices domui Iacob et adnuntiabis filiis IsrahelExode 3.4 Actes 7.38 Exode 20.21 Exode 24.15-24.18 Deutéronome 5.5-5.31
⁴ vos ipsi vidistis quae fecerim Aegyptiis quomodo portaverim vos super alas aquilarum et adsumpserim mihiEsaïe 63.9 Deutéronome 29.2 Deutéronome 32.11-32.12 Apocalypse 12.14 Exode 7.1-7.14
⁵ si ergo audieritis vocem meam et custodieritis pactum meum eritis mihi in peculium de cunctis populis mea est enim omnis terraDeutéronome 14.2 Deutéronome 7.6 Deutéronome 5.2 Deutéronome 26.18 Exode 9.29
⁶ et vos eritis mihi regnum sacerdotale et gens sancta haec sunt verba quae loqueris ad filios Israhel1 Pierre 2.9 Deutéronome 7.6 1 Pierre 2.5 Deutéronome 26.19 Esaïe 62.12
⁷ venit Moses et convocatis maioribus natu populi exposuit omnes sermones quos mandaverat DominusExode 4.29-4.30 1 Corinthiens 15.1 Exode 3.16
⁸ responditque universus populus simul cuncta quae locutus est Dominus faciemus cumque rettulisset Moses verba populi ad DominumExode 24.3 Exode 24.7 Deutéronome 5.27-5.29 Néhémie 10.29 Exode 20.19
⁹ ait ei Dominus iam nunc veniam ad te in caligine nubis ut audiat me populus loquentem ad te et credat tibi in perpetuum nuntiavit ergo Moses verba populi ad DominumDeutéronome 4.36 Deutéronome 4.11-4.12 Exode 24.15-24.16 Exode 19.16 Matthieu 17.5
¹⁰ qui dixit ei vade ad populum et sanctifica illos hodie et cras laventque vestimenta suaGenèse 35.2 Lévitique 11.44-11.45 Lévitique 15.5 Nombres 8.7 Josué 3.5
¹¹ et sint parati in diem tertium die enim tertio descendet Dominus coram omni plebe super montem SinaiExode 19.16 Deutéronome 33.2 Exode 34.5 Exode 19.20 Psaumes 18.9
¹² constituesque terminos populo per circuitum et dices cavete ne ascendatis in montem nec tangatis fines illius omnis qui tetigerit montem morte morieturHébreux 12.20-12.21 Exode 34.12 Deutéronome 2.4 Exode 10.28 Exode 19.21
¹³ manus non tanget eum sed lapidibus opprimetur aut confodietur iaculis sive iumentum fuerit sive homo non vivet cum coeperit clangere bucina tunc ascendant in montemExode 19.16 Hébreux 12.20 Exode 19.19 1 Corinthiens 15.52 Lévitique 20.15-20.16
¹⁴ descenditque Moses de monte ad populum et sanctificavit eum cumque lavissent vestimenta suaExode 19.10
¹⁵ ait ad eos estote parati in diem tertium ne adpropinquetis uxoribus vestris1 Corinthiens 7.5 1 Samuel 21.4-21.5 Exode 19.11 Zacharie 12.12-12.14 Malachie 3.2
¹⁶ iam advenerat tertius dies et mane inclaruerat et ecce coeperunt audiri tonitrua ac micare fulgura et nubes densissima operire montem clangorque bucinae vehementius perstrepebat timuit populus qui erat in castrisHébreux 12.21 Hébreux 12.18-12.19 Apocalypse 4.1 Exode 20.18 Apocalypse 4.5
¹⁷ cumque eduxisset eos Moses in occursum Dei de loco castrorum steterunt ad radices montisDeutéronome 4.10 Deutéronome 5.5
¹⁸ totus autem mons Sinai fumabat eo quod descendisset Dominus super eum in igne et ascenderet fumus ex eo quasi de fornace eratque mons omnis terribilisPsaumes 144.5 Apocalypse 15.8 Juges 5.5 Exode 24.17 Jérémie 4.24
¹⁹ et sonitus bucinae paulatim crescebat in maius et prolixius tendebatur Moses loquebatur et Dominus respondebat eiPsaumes 81.7 Exode 19.16 Hébreux 12.21 Néhémie 9.13 Exode 19.13
²⁰ descenditque Dominus super montem Sinai in ipso montis vertice et vocavit Mosen in cacumen eius quo cum ascendissetNéhémie 9.13 Exode 24.12-24.13 Exode 24.18 Exode 34.2 Exode 34.4
²¹ dixit ad eum descende et contestare populum ne forte velint transcendere terminos ad videndum Dominum et pereat ex eis plurima multitudo1 Samuel 6.19 Exode 3.5 Hébreux 12.28-12.29 Exode 19.12-19.13 Ecclésiaste 5.1
²² sacerdotes quoque qui accedunt ad Dominum sanctificentur ne percutiat eosExode 24.5 2 Chroniques 30.15 Exode 19.14-19.15 2 Chroniques 30.3 2 Chroniques 30.18-30.19
²³ dixitque Moses ad Dominum non poterit vulgus ascendere in montem Sinai tu enim testificatus es et iussisti dicens pone terminos circa montem et sanctifica illumExode 19.12 Josué 3.4-3.5
²⁴ cui ait Dominus vade descende ascendesque tu et Aaron tecum sacerdotes autem et populus ne transeant terminos nec ascendant ad Dominum ne forte interficiat illosMatthieu 11.12 Jean 1.17 Exode 19.12 Galates 3.10-3.11 Romains 4.15
²⁵ descendit Moses ad populum et omnia narravit eis