Deutéronome 9
Vulgate

¹ audi Israhel tu transgredieris hodie Iordanem ut possideas nationes maximas et fortiores te civitates ingentes et ad caelum usque muratas Deutéronome 4.38 Deutéronome 11.31 Deutéronome 11.23 Deutéronome 1.28 Josué 1.11
² populum magnum atque sublimem filios Enacim quos ipse vidisti et audisti quibus nullus potest ex adverso resistere Nombres 13.22 Exode 9.11 Deutéronome 2.11-2.12 Daniel 11.16 Nombres 13.33
³ scies ergo hodie quod Dominus Deus tuus ipse transibit ante te ignis devorans atque consumens qui conterat eos et deleat atque disperdat ante faciem tuam velociter sicut locutus est tibi Deutéronome 4.24 Josué 3.11 Exode 23.29-23.31 Deutéronome 20.4 Hébreux 12.29
⁴ ne dicas in corde tuo cum deleverit eos Dominus Deus tuus in conspectu tuo propter iustitiam meam introduxit me Dominus ut terram hanc possiderem cum propter impietates suas istae deletae sint nationes Deutéronome 8.17 Deutéronome 12.31 Ezéchiel 36.32 Deutéronome 7.7-7.8 Romains 11.6
⁵ neque enim propter iustitias tuas et aequitatem cordis tui ingredieris ut possideas terras eorum sed quia illae egerunt impie te introeunte deletae sunt et ut conpleret verbum suum Dominus quod sub iuramento pollicitus est patribus tuis Abraham Isaac et Iacob Tite 3.5 Genèse 15.7 Genèse 13.15 Genèse 17.8 Genèse 12.7
⁶ scito igitur quod non propter iustitias tuas Dominus Deus tuus dederit tibi terram hanc optimam in possessionem cum durissimae cervicis sis populus Deutéronome 9.13 Deutéronome 10.16 Deutéronome 31.27 Exode 32.9 Exode 34.9
⁷ memento et ne obliviscaris quomodo ad iracundiam provocaveris Dominum Deum tuum in solitudine ex eo die quo es egressus ex Aegypto usque ad locum istum semper adversum Dominum contendisti Deutéronome 31.27 Exode 14.11 Exode 17.2 Nombres 21.5 Nombres 11.4
⁸ nam et in Horeb provocasti eum et iratus delere te voluit Exode 32.7-32.10 Exode 32.16 Psaumes 106.19-106.22
⁹ quando ascendi in montem ut acciperem tabulas lapideas tabulas pacti quod pepigit vobiscum Dominus et perseveravi in monte quadraginta diebus ac noctibus panem non comedens et aquam non bibens Exode 34.28 Exode 24.18 1 Rois 19.8 Exode 24.12 Exode 24.15
¹⁰ deditque mihi Dominus duas tabulas lapideas scriptas digito Dei et continentes omnia verba quae vobis in monte locutus est de medio ignis quando contio populi congregata est Exode 31.18 Deutéronome 18.16 Deutéronome 10.4 Deutéronome 4.10-4.15 2 Corinthiens 3.3
¹¹ cumque transissent quadraginta dies et totidem noctes dedit mihi Dominus duas tabulas lapideas tabulas foederis Deutéronome 9.9 Nombres 10.33 Hébreux 8.6-8.10 Hébreux 9.4
¹² dixitque mihi surge et descende hinc cito quia populus tuus quos eduxisti de Aegypto deseruerunt velociter viam quam demonstrasti eis feceruntque sibi conflatile Exode 32.7-32.8 Juges 2.17 Deutéronome 31.29 Deutéronome 4.16 Genèse 6.11-6.12
¹³ rursumque ait Dominus ad me cerno quod populus iste durae cervicis sit Deutéronome 9.6 Deutéronome 10.16 Deutéronome 31.27 2 Rois 17.14 Malachie 3.5
¹⁴ dimitte me ut conteram eum et deleam nomen eius sub caelo et constituam te super gentem quae hac maior et fortior sit Deutéronome 29.20 Psaumes 9.5 Psaumes 109.13 Exode 32.10-32.13 Luc 11.7-11.10
¹⁵ cumque de monte ardente descenderem et duas tabulas foederis utraque tenerem manu Exode 19.18 Deutéronome 4.11 Deutéronome 5.23 Exode 32.14-32.35 Exode 9.23
¹⁶ vidissemque vos peccasse Domino Deo vestro et fecisse vobis vitulum conflatilem ac deseruisse velociter viam eius quam vobis ostenderat Exode 32.19 Actes 7.40-7.41
¹⁷ proieci tabulas de manibus meis confregique eas in conspectu vestro ¹⁸ et procidi ante Dominum sicut prius quadraginta diebus et noctibus panem non comedens et aquam non bibens propter omnia peccata vestra quae gessistis contra Dominum et eum ad iracundiam provocastis Exode 34.28 Deutéronome 9.9 Psaumes 106.23 2 Samuel 12.16 Deutéronome 10.10
¹⁹ timui enim indignationem et iram illius qua adversum vos concitatus delere vos voluit et exaudivit me Dominus etiam hac vice Deutéronome 10.10 Exode 32.14 Exode 33.17 Exode 32.10-32.11 Jacques 5.16-5.17
²⁰ adversum Aaron quoque vehementer iratus voluit eum conterere et pro illo similiter deprecatus sum Exode 32.21 Exode 32.35 Exode 32.2-32.5 Hébreux 7.26-7.28
²¹ peccatum autem vestrum quod feceratis id est vitulum arripiens igne conbusi et in frusta comminuens omninoque in pulverem redigens proieci in torrentem qui de monte descendit Exode 32.20 Osée 8.11 Esaïe 2.18-2.21 Esaïe 30.22 Esaïe 31.7
²² in Incendio quoque et in Temptatione et in sepulchris Concupiscentiae provocastis Dominum Nombres 11.34 Exode 17.7 Nombres 11.1-11.5
²³ et quando misit vos de Cadesbarne dicens ascendite et possidete terram quam dedi vobis et contempsistis imperium Domini Dei vestri et non credidistis ei neque vocem eius audire voluistis Psaumes 106.24-106.25 Esaïe 63.10 Hébreux 4.2 Psaumes 78.22 Hébreux 3.18-3.19
²⁴ sed semper fuistis rebelles a die qua nosse vos coepi Deutéronome 31.27 Actes 7.51 Deutéronome 9.6-9.7
²⁵ et iacui coram Domino quadraginta diebus ac noctibus quibus eum suppliciter deprecabar ne deleret vos ut fuerat comminatus Deutéronome 9.18 Deutéronome 9.16
²⁶ et orans dixi Domine Deus ne disperdas populum tuum et hereditatem tuam quam redemisti in magnitudine tua quos eduxisti de Aegypto in manu forti Exode 32.11-32.13 Jérémie 14.21 Apocalypse 5.9 Psaumes 74.1-74.2 Exode 34.9
²⁷ recordare servorum tuorum Abraham Isaac et Iacob ne aspicias duritiam populi huius et impietatem atque peccatum Exode 32.13 Esaïe 43.24-43.25 Exode 3.6 Exode 6.3-6.8 Exode 3.16
²⁸ ne forte dicant habitatores terrae de qua eduxisti nos non poterat Dominus introducere eos in terram quam pollicitus est eis et oderat illos idcirco eduxit ut interficeret eos in solitudine Nombres 14.16 Exode 32.12
²⁹ qui sunt populus tuus et hereditas tua quos eduxisti in fortitudine tua magna et in brachio tuo extento Deutéronome 4.20 Néhémie 1.10 Deutéronome 9.26 Deutéronome 4.34 Psaumes 95.7