Josué 11
Vulgate

Conquêtes dans le nord

1 quae cum audisset Iabin rex Asor misit ad Iobab regem Madon et ad regem Someron atque ad regem Acsaph
Josué 11.10 Juges 4.2 Psaumes 2.1-2.4 Esaïe 43.2 Psaumes 83.1-83.3
2 ad reges quoque aquilonis qui habitabant in montanis et in planitie contra meridiem Cheneroth in campestribus quoque et in regionibus Dor iuxta mare
Juges 1.27 Josué 12.3 Josué 17.11 Nombres 34.11 1 Rois 4.11
3 Chananeumque ab oriente et occidente et Amorreum atque Hettheum ac Ferezeum et Iebuseum in montanis Eveum quoque qui habitabat ad radices Hermon in terra Masphe
Juges 3.3 Josué 18.26 Genèse 31.49 Josué 13.11 Josué 15.63
4 egressique sunt omnes cum turmis suis populus multus nimis sicut harena quae est in litore maris equi quoque et currus inmensae multitudinis
Juges 7.12 1 Samuel 13.5 Genèse 32.12 Genèse 22.17 2 Samuel 17.11
5 conveneruntque omnes reges isti in unum ad aquas Merom ut pugnarent contra Israhel
Esaïe 8.9 Psaumes 118.10-118.12 Psaumes 3.1 Apocalypse 16.14
6 dixitque Dominus ad Iosue ne timeas eos cras enim hac eadem hora ego tradam omnes istos vulnerandos in conspectu Israhel equos eorum subnervabis et currus igne conbures
Josué 10.8 2 Samuel 8.4 Josué 11.9 Deutéronome 7.16 Josué 3.5
7 venitque Iosue et omnis exercitus cum eo adversum illos ad aquas Merom subito et inruerunt super eos
Josué 10.9 1 Thessaloniciens 5.2-5.3
8 tradiditque illos Dominus in manu Israhel qui percusserunt eos et persecuti sunt usque ad Sidonem magnam et aquas Maserefoth campumque Masphe qui est ad orientalem illius partem ita percussit omnes ut nullas dimitteret ex eis reliquias
Josué 13.6 Josué 19.28 Genèse 10.15 Genèse 49.13 Josué 21.44
9 fecit sicut praeceperat ei Dominus equos eorum subnervavit currusque conbusit
Josué 11.6 Ezéchiel 39.9-39.10
10 reversusque statim cepit Asor et regem eius percussit gladio Asor enim antiquitus inter omnia regna haec principatum tenebat
Juges 4.2 Josué 11.1
11 percussitque omnes animas quae ibidem morabantur non dimisit in ea ullas reliquias sed usque ad internicionem universa vastavit ipsamque urbem permisit incendio
Josué 10.40 Deutéronome 20.16
12 et omnes per circuitum civitates regesque earum cepit percussit atque delevit sicut praeceperat ei Moses famulus Domini
Deutéronome 7.2 Deutéronome 20.16-20.17 Josué 10.32 Josué 10.30 Josué 10.35
13 absque urbibus quae erant in collibus et in tumulis sitae ceteras succendit Israhel unam tantum Asor munitissimam flamma consumpsit
Jérémie 30.18
14 omnemque praedam istarum urbium ac iumenta diviserunt sibi filii Israhel cunctis hominibus interfectis
Nombres 31.11-31.12 Deutéronome 6.10-6.11 Josué 11.11 Nombres 31.9 Deutéronome 20.14
15 sicut praeceperat Dominus Mosi servo suo ita praecepit Moses Iosue et ille universa conplevit non praeteriit de universis mandatis ne unum quidem verbum quod iusserat Dominus Mosi
Josué 1.7 Exode 34.11-34.13 Deutéronome 7.2 Deutéronome 4.5 1 Samuel 15.11
16 cepit itaque Iosue omnem terram montanam et meridianam terramque Gosen et planitiem et occidentalem plagam montemque Israhel et campestria eius
Josué 10.41 Josué 12.8 Josué 11.21 Ezéchiel 36.1-36.3 Ezéchiel 17.23
17 et partem montis quae ascendit Seir usque Baalgad per planitiem Libani subter montem Hermon omnes reges eorum cepit percussit occidit
Deutéronome 7.24 Josué 13.5 Josué 11.3 Genèse 32.3 Deutéronome 2.1
18 multo tempore pugnavit Iosue contra reges istos
Josué 14.7-14.10 Josué 11.23
19 non fuit civitas quae se non traderet filiis Israhel praeter Eveum qui habitabat in Gabaon omnes bellando cepit
Josué 9.3-9.27
20 Domini enim sententiae fuerat ut indurarentur corda eorum et pugnarent contra Israhel et caderent et non mererentur ullam clementiam ac perirent sicut praeceperat Dominus Mosi
Romains 9.18 Exode 4.21 Deutéronome 20.16-20.17 Deutéronome 7.16 Exode 9.16
21 in tempore illo venit Iosue et interfecit Enacim de montanis Hebron et Dabir et Anab et de omni monte Iuda et Israhel urbesque eorum delevit
Deutéronome 9.2 Nombres 13.22-13.23 Deutéronome 1.28 Josué 15.13-15.14 Deutéronome 2.21
22 non reliquit ullum de stirpe Enacim in terra filiorum Israhel absque civitatibus Gaza et Geth et Azoto in quibus solis relicti sunt
1 Samuel 17.4 Josué 15.46 2 Samuel 21.16-21.22 1 Chroniques 8.13 1 Chroniques 18.1
23 cepit ergo Iosue omnem terram sicut locutus est Dominus ad Mosen et tradidit eam in possessionem filiis Israhel secundum partes et tribus suas quievitque terra a proeliis
Nombres 26.52-26.55 Josué 14.1-14.15 Josué 21.44-21.45 Deutéronome 25.19 Josué 18.10