Esaïe 43.25
Biblia Hebraica Stuttgartensia

Dieu, le seul Sauveur

¹ וְעַתָּ֞ה כֹּֽה־אָמַ֤ר יְהוָה֙ בֹּרַאֲךָ֣ יַעֲקֹ֔ב וְיֹצֶרְךָ֖ יִשְׂרָאֵ֑ל אַל־תִּירָא֙ כִּ֣י גְאַלְתִּ֔יךָ קָרָ֥אתִי בְשִׁמְךָ֖ לִי־אָֽתָּה׃
Esaïe 43.7 Zacharie 13.9 Esaïe 45.3-45.4 Esaïe 44.2 Actes 27.25
² כִּֽי־תַעֲבֹ֤ר בַּמַּ֨יִם֙ אִתְּךָ־אָ֔נִי וּבַנְּהָרֹ֖ות לֹ֣א יִשְׁטְפ֑וּךָ כִּֽי־תֵלֵ֤ךְ בְּמֹו־אֵשׁ֙ לֹ֣א תִכָּוֶ֔ה וְלֶהָבָ֖ה לֹ֥א תִבְעַר־בָּֽךְ׃
Psaumes 66.12 Daniel 3.25-3.27 Psaumes 91.15 Josué 1.9 Esaïe 41.10
³ כִּ֗י אֲנִי֙ יְהוָ֣ה אֱלֹהֶ֔יךָ קְדֹ֥ושׁ יִשְׂרָאֵ֖ל מֹושִׁיעֶ֑ךָ נָתַ֤תִּי כָפְרְךָ֙ מִצְרַ֔יִם כּ֥וּשׁ וּסְבָ֖א תַּחְתֶּֽיךָ׃
Exode 20.2 Proverbes 21.18 Esaïe 45.21 Esaïe 49.26 Esaïe 45.15
⁴ מֵאֲשֶׁ֨ר יָקַ֧רְתָּ בְעֵינַ֛י נִכְבַּ֖דְתָּ וַאֲנִ֣י אֲהַבְתִּ֑יךָ וְאֶתֵּ֤ן אָדָם֙ תַּחְתֶּ֔יךָ וּלְאֻמִּ֖ים תַּ֥חַת נַפְשֶֽׁךָ׃
Exode 19.5-19.6 Genèse 12.2 Deutéronome 32.9-32.14 1 Pierre 2.9 Deutéronome 7.6-7.8
⁵ אַל־תִּירָ֖א כִּ֣י אִתְּךָ־אָ֑נִי מִמִּזְרָח֙ אָבִ֣יא זַרְעֶ֔ךָ וּמִֽמַּעֲרָ֖ב אֲקַבְּצֶֽךָּ׃
Esaïe 49.12 Esaïe 43.2 Jérémie 30.10-30.11 Esaïe 44.2 Psaumes 106.47
⁶ אֹמַ֤ר לַצָּפֹון֙ תֵּ֔נִי וּלְתֵימָ֖ן אַל־תִּכְלָ֑אִי הָבִ֤יאִי בָנַי֙ מֵרָחֹ֔וק וּבְנֹותַ֖י מִקְצֵ֥ה הָאָֽרֶץ׃
2 Corinthiens 6.17-6.18 Jérémie 3.14 Osée 1.10-1.11 Romains 9.7-9.8 Jérémie 3.18-3.19
⁷ כֹּ֚ל הַנִּקְרָ֣א בִשְׁמִ֔י וְלִכְבֹודִ֖י בְּרָאתִ֑יו יְצַרְתִּ֖יו אַף־עֲשִׂיתִֽיו׃
Ephésiens 2.10 Esaïe 43.1 Esaïe 43.21 Psaumes 100.3 Jacques 2.7
⁸ הֹוצִ֥יא עַם־עִוֵּ֖ר וְעֵינַ֣יִם יֵ֑שׁ וְחֵרְשִׁ֖ים וְאָזְנַ֥יִם לָֽמֹו׃
Ezéchiel 12.2 Esaïe 6.9 Deutéronome 29.2-29.4 Esaïe 42.18-42.20 2 Corinthiens 4.4-4.6
⁹ כָּֽל־הַגֹּויִ֞ם נִקְבְּצ֣וּ יַחְדָּ֗ו וְיֵאָֽסְפוּ֙ לְאֻמִּ֔ים מִ֤י בָהֶם֙ יַגִּ֣יד זֹ֔את וְרִֽאשֹׁנֹ֖ות יַשְׁמִיעֻ֑נוּ יִתְּנ֤וּ עֵֽדֵיהֶם֙ וְיִצְדָּ֔קוּ וְיִשְׁמְע֖וּ וְיֹאמְר֥וּ אֱמֶֽת׃
Esaïe 43.26 Esaïe 41.1 Josué 24.15-24.24 Esaïe 44.7-44.9 1 Rois 18.21-18.24
¹⁰ אַתֶּ֤ם עֵדַי֙ נְאֻם־יְהוָ֔ה וְעַבְדִּ֖י אֲשֶׁ֣ר בָּחָ֑רְתִּי לְמַ֣עַן תֵּ֠דְעוּ וְתַאֲמִ֨ינוּ לִ֤י וְתָבִ֨ינוּ֙ כִּֽי־אֲנִ֣י ה֔וּא לְפָנַי֙ לֹא־נֹ֣וצַר אֵ֔ל וְאַחֲרַ֖י לֹ֥א יִהְיֶֽה׃ ס
Esaïe 41.4 Esaïe 43.12 Esaïe 45.6 Esaïe 42.1 Esaïe 46.8-46.9
¹¹ אָנֹכִ֥י אָנֹכִ֖י יְהוָ֑ה וְאֵ֥ין מִבַּלְעָדַ֖י מֹושִֽׁיעַ׃
Osée 13.4 Tite 2.13 Esaïe 43.3 Luc 2.11 Esaïe 12.2
¹² אָנֹכִ֞י הִגַּ֤דְתִּי וְהֹושַׁ֨עְתִּי֙ וְהִשְׁמַ֔עְתִּי וְאֵ֥ין בָּכֶ֖ם זָ֑ר וְאַתֶּ֥ם עֵדַ֛י נְאֻם־יְהוָ֖ה וַֽאֲנִי־אֵֽל׃
Deutéronome 32.12 Esaïe 44.8 Esaïe 43.10 Psaumes 81.9-81.10 Esaïe 48.4-48.7
¹³ גַּם־מִיֹּום֙ אֲנִ֣י ה֔וּא וְאֵ֥ין מִיָּדִ֖י מַצִּ֑יל אֶפְעַ֖ל וּמִ֥י יְשִׁיבֶֽנָּה׃ ס
Psaumes 90.2 Job 9.12 Esaïe 14.27 Psaumes 50.22 Esaïe 41.4
¹⁴ כֹּֽה־אָמַ֧ר יְהוָ֛ה גֹּאַלְכֶ֖ם קְדֹ֣ושׁ יִשְׂרָאֵ֑ל לְמַעַנְכֶ֞ם שִׁלַּ֣חְתִּי בָבֶ֗לָה וְהֹורַדְתִּ֤י בָֽרִיחִים֙ כֻּלָּ֔ם וְכַשְׂדִּ֖ים בָּאֳנִיֹּ֥ות רִנָּתָֽם׃
Esaïe 23.13 Jérémie 51.1-51.11 Esaïe 54.5-54.8 Esaïe 44.6 Jérémie 50.17-50.18
¹⁵ אֲנִ֥י יְהוָ֖ה קְדֹֽושְׁכֶ֑ם בֹּורֵ֥א יִשְׂרָאֵ֖ל מַלְכְּכֶֽם׃ ס
Esaïe 43.1 Esaïe 41.16 Esaïe 40.25 Esaïe 41.14 Esaïe 43.7
¹⁶ כֹּ֚ה אָמַ֣ר יְהוָ֔ה הַנֹּותֵ֥ן בַּיָּ֖ם דָּ֑רֶךְ וּבְמַ֥יִם עַזִּ֖ים נְתִיבָֽה׃
Esaïe 51.10 Psaumes 77.19 Psaumes 136.13-136.15 Exode 14.16 Esaïe 11.15-11.16
¹⁷ הַמֹּוצִ֥יא רֶֽכֶב־וָס֖וּס חַ֣יִל וְעִזּ֑וּז יַחְדָּ֤ו יִשְׁכְּבוּ֙ בַּל־יָק֔וּמוּ דָּעֲכ֖וּ כַּפִּשְׁתָּ֥ה כָבֽוּ׃
Esaïe 1.31 Ezéchiel 38.8-38.18 Psaumes 118.12 Apocalypse 20.8-20.9 Psaumes 76.5-76.6
¹⁸ אַֽל־תִּזְכְּר֖וּ רִֽאשֹׁנֹ֑ות וְקַדְמֹנִיֹּ֖ות אַל־תִּתְבֹּנָֽנוּ׃
Esaïe 65.17 Esaïe 46.9 1 Chroniques 16.12 Deutéronome 7.18 2 Corinthiens 3.10
¹⁹ הִנְנִ֨י עֹשֶׂ֤ה חֲדָשָׁה֙ עַתָּ֣ה תִצְמָ֔ח הֲלֹ֖וא תֵֽדָע֑וּהָ אַ֣ף אָשִׂ֤ים בַּמִּדְבָּר֙ דֶּ֔רֶךְ בִּֽישִׁמֹ֖ון נְהָרֹֽות׃
Esaïe 48.6 Esaïe 42.9 2 Corinthiens 5.17 Esaïe 41.18 Apocalypse 21.5
²⁰ תְּכַבְּדֵ֨נִי֙ חַיַּ֣ת הַשָּׂדֶ֔ה תַּנִּ֖ים וּבְנֹ֣ות יַֽעֲנָ֑ה כִּֽי־נָתַ֨תִּי בַמִּדְבָּ֜ר מַ֗יִם נְהָרֹות֙ בִּֽישִׁימֹ֔ן לְהַשְׁקֹ֖ות עַמִּ֥י בְחִירִֽי׃
Esaïe 48.21 Esaïe 41.17 Jean 4.14 Esaïe 49.10 Esaïe 13.22
²¹ עַם־זוּ֙ יָצַ֣רְתִּי לִ֔י תְּהִלָּתִ֖י יְסַפֵּֽרוּ׃ ס
1 Pierre 2.9 Psaumes 102.18 1 Corinthiens 10.31 Luc 1.74-1.75 Ephésiens 1.5-1.12
²² וְלֹא־אֹתִ֥י קָרָ֖אתָ יַֽעֲקֹ֑ב כִּֽי־יָגַ֥עְתָּ בִּ֖י יִשְׂרָאֵֽל׃
Malachie 3.14 Malachie 1.13 Michée 6.3 Job 21.14-21.15 Esaïe 64.7
²³ לֹֽא־הֵבֵ֤יאתָ לִּי֙ שֵׂ֣ה עֹלֹתֶ֔יךָ וּזְבָחֶ֖יךָ לֹ֣א כִבַּדְתָּ֑נִי לֹ֤א הֶעֱבַדְתִּ֨יךָ֙ בְּמִנְחָ֔ה וְלֹ֥א הֹוגַעְתִּ֖יךָ בִּלְבֹונָֽה׃
Amos 5.25 Zacharie 7.5-7.6 Malachie 1.6-1.8 Proverbes 21.27 Malachie 1.13-1.14
²⁴ לֹא־קָנִ֨יתָ לִּ֤י בַכֶּ֨סֶף֙ קָנֶ֔ה וְחֵ֥לֶב זְבָחֶ֖יךָ לֹ֣א הִרְוִיתָ֑נִי אַ֗ךְ הֶעֱבַדְתַּ֨נִי֙ בְּחַטֹּאותֶ֔יךָ הֹוגַעְתַּ֖נִי בַּעֲוֹנֹתֶֽיךָ׃ ס
Jérémie 6.20 Esaïe 1.14 Esaïe 7.13 Psaumes 95.10 Ezéchiel 6.9
²⁵ אָנֹכִ֨י אָנֹכִ֥י ה֛וּא מֹחֶ֥ה פְשָׁעֶ֖יךָ לְמַעֲנִ֑י וְחַטֹּאתֶ֖יךָ לֹ֥א אֶזְכֹּֽר׃
Hébreux 8.12 Hébreux 10.17 Esaïe 1.18 Jérémie 31.34 Michée 7.18-7.19
²⁶ הַזְכִּירֵ֕נִי נִשָּׁפְטָ֖ה יָ֑חַד סַפֵּ֥ר אַתָּ֖ה לְמַ֥עַן תִּצְדָּֽק׃
Esaïe 1.18 Romains 8.33 Esaïe 43.9 Job 40.4-40.5 Job 40.7-40.8
²⁷ אָבִ֥יךָ הָרִאשֹׁ֖ון חָטָ֑א וּמְלִיצֶ֖יךָ פָּ֥שְׁעוּ בִֽי׃
Jérémie 5.31 Esaïe 28.7 Ezéchiel 16.3 Esaïe 9.15 Matthieu 15.14
²⁸ וַאֲחַלֵּ֖ל שָׂ֣רֵי קֹ֑דֶשׁ וְאֶתְּנָ֤ה לַחֵ֨רֶם֙ יַעֲקֹ֔ב וְיִשְׂרָאֵ֖ל לְגִדּוּפִֽים׃ ס
Jérémie 24.9 Zacharie 8.13 Deutéronome 28.15-28.20 Psaumes 79.4 Lamentations 2.2