Jérémie 6.14
Septante

Péchés de Juda et annonce du jugement

¹ ἐνισχύσατε υἱοὶ Βενιαμιν ἐκ μέσου τῆς Ιερουσαλημ καὶ ἐν Θεκουε σημάνατε σάλπιγγι καὶ ὑπὲρ Βαιθαχαρμα ἄρατε σημεῖον ὅτι κακὰ ἐκκέκυφεν ἀπὸ βορρᾶ καὶ συντριβὴ μεγάλη γίνεται.
Néhémie 3.14 2 Chroniques 11.6 Jérémie 6.22 Juges 1.21 2 Samuel 14.2
² καὶ ἀφαιρεθήσεται τὸ ὕψος σου θύγατερ Σιων.
Esaïe 1.8 Jérémie 4.31 Lamentations 2.1 Lamentations 2.13 Esaïe 3.16-3.17
³ εἰς αὐτὴν ἥξουσιν ποιμένες καὶ τὰ ποίμνια αὐτῶν καὶ πήξουσιν ἐπ’ αὐτὴν σκηνὰς κύκλῳ καὶ ποιμανοῦσιν ἕκαστος τῇ χειρὶ αὐτοῦ.
Luc 19.43 2 Rois 24.10-24.12 2 Rois 25.1-25.4 2 Rois 24.2 Jérémie 12.10
⁴ παρασκευάσασθε ἐπ’ αὐτὴν εἰς πόλεμον ἀνάστητε καὶ ἀναβῶμεν ἐπ’ αὐτὴν μεσημβρίας οὐαὶ ἡμῖν ὅτι κέκλικεν ἡ ἡμέρα ὅτι ἐκλείπουσιν αἱ σκιαὶ τῆς ἑσπέρας.
Jérémie 15.8 Joël 3.9 Sophonie 2.4 Esaïe 5.26-5.30 Jérémie 8.20
⁵ ἀνάστητε καὶ ἀναβῶμεν ἐν τῇ νυκτὶ καὶ διαφθείρωμεν τὰ θεμέλια αὐτῆς.
Esaïe 32.14 Jérémie 52.13 Amos 3.10-3.11 Amos 2.5 Jérémie 9.21
⁶ ὅτι τάδε λέγει κύριος ἔκκοψον τὰ ξύλα αὐτῆς ἔκχεον ἐπὶ Ιερουσαλημ δύναμιν ὦ πόλις ψευδής ὅλη καταδυναστεία ἐν αὐτῇ.
Deutéronome 20.19-20.20 Jérémie 32.24
⁷ ὡς ψύχει λάκκος ὕδωρ οὕτως ψύχει κακία αὐτῆς ἀσέβεια καὶ ταλαιπωρία ἀκουσθήσεται ἐν αὐτῇ ἐπὶ πρόσωπον αὐτῆς διὰ παντός πόνῳ καὶ μάστιγι.
Ezéchiel 7.23 Ezéchiel 7.11 Jérémie 20.8 Esaïe 57.20 Jacques 3.10-3.12
⁸ παιδευθήσῃ Ιερουσαλημ μὴ ἀποστῇ ἡ ψυχή μου ἀπὸ σοῦ μὴ ποιήσω σε ἄβατον γῆν ἥτις οὐ κατοικηθήσεται.
Osée 9.12 Ezéchiel 23.18 Jérémie 17.23 Psaumes 50.17 Sophonie 3.7
⁹ ὅτι τάδε λέγει κύριος καλαμᾶσθε καλαμᾶσθε ὡς ἄμπελον τὰ κατάλοιπα τοῦ Ισραηλ ἐπιστρέψατε ὡς ὁ τρυγῶν ἐπὶ τὸν κάρταλλον αὐτοῦ.
Abdias 1.5-1.6 Jérémie 49.9 Jérémie 16.16 Apocalypse 14.18 Jérémie 52.28-52.30
¹⁰ πρὸς τίνα λαλήσω καὶ διαμαρτύρωμαι καὶ ἀκούσεται ἰδοὺ ἀπερίτμητα τὰ ὦτα αὐτῶν καὶ οὐ δύνανται ἀκούειν ἰδοὺ τὸ ῥῆμα κυρίου ἐγένετο αὐτοῖς εἰς ὀνειδισμόν οὐ μὴ βουληθῶσιν αὐτὸ ἀκοῦσαι.
Actes 7.51 Jérémie 7.26 Exode 6.12 Esaïe 53.1 Ezéchiel 3.18-3.21
¹¹ καὶ τὸν θυμόν μου ἔπλησα καὶ ἐπέσχον καὶ οὐ συνετέλεσα αὐτούς ἐκχεῶ ἐπὶ νήπια ἔξωθεν καὶ ἐπὶ συναγωγὴν νεανίσκων ἅμα ὅτι ἀνὴρ καὶ γυνὴ συλλημφθήσονται πρεσβύτερος μετὰ πλήρους ἡμερῶν.
Jérémie 9.21 Jérémie 20.9 Job 32.18-32.19 Michée 3.8 Actes 17.16
¹² καὶ μεταστραφήσονται αἱ οἰκίαι αὐτῶν εἰς ἑτέρους ἀγροὶ καὶ αἱ γυναῖκες αὐτῶν ἐπὶ τὸ αὐτό ὅτι ἐκτενῶ τὴν χεῖρά μου ἐπὶ τοὺς κατοικοῦντας τὴν γῆν ταύτην λέγει κύριος.
Jérémie 8.10 Esaïe 5.25 Jérémie 38.22 Esaïe 10.4 Lamentations 3.3
¹³ ὅτι ἀπὸ μικροῦ αὐτῶν καὶ ἕως μεγάλου πάντες συνετελέσαντο ἄνομα ἀπὸ ἱερέως καὶ ἕως ψευδοπροφήτου πάντες ἐποίησαν ψευδῆ.
Jérémie 23.11 Jérémie 8.10 Michée 3.11 Michée 3.2-3.3 Ezéchiel 22.25-22.28
¹⁴ καὶ ἰῶντο τὸ σύντριμμα τοῦ λαοῦ μου ἐξουθενοῦντες καὶ λέγοντες εἰρήνη εἰρήνη καὶ ποῦ ἐστιν εἰρήνη.
Ezéchiel 13.10 Jérémie 23.17 Jérémie 4.10 Jérémie 14.13 Lamentations 2.14
¹⁵ κατῃσχύνθησαν ὅτι ἐξελίποσαν καὶ οὐδ’ ὧς καταισχυνόμενοι κατῃσχύνθησαν καὶ τὴν ἀτιμίαν αὐτῶν οὐκ ἔγνωσαν διὰ τοῦτο πεσοῦνται ἐν τῇ πτώσει αὐτῶν καὶ ἐν καιρῷ ἐπισκοπῆς αὐτῶν ἀπολοῦνται εἶπεν κύριος.
Jérémie 8.12 Jérémie 3.3 Esaïe 10.4 Philippiens 3.19 Jérémie 23.12
¹⁶ τάδε λέγει κύριος στῆτε ἐπὶ ταῖς ὁδοῖς καὶ ἴδετε καὶ ἐρωτήσατε τρίβους κυρίου αἰωνίους καὶ ἴδετε ποία ἐστὶν ἡ ὁδὸς ἡ ἀγαθή καὶ βαδίζετε ἐν αὐτῇ καὶ εὑρήσετε ἁγνισμὸν ταῖς ψυχαῖς ὑμῶν καὶ εἶπαν οὐ πορευσόμεθα.
Jérémie 18.15 Deutéronome 32.7 Malachie 4.4 Esaïe 30.21 Luc 16.29
¹⁷ κατέστακα ἐφ’ ὑμᾶς σκοπούς ἀκούσατε τῆς φωνῆς τῆς σάλπιγγος καὶ εἶπαν οὐκ ἀκουσόμεθα.
Esaïe 58.1 Jérémie 25.4 Zacharie 7.11 Esaïe 21.11 Habakuk 2.1
¹⁸ διὰ τοῦτο ἤκουσαν τὰ ἔθνη καὶ οἱ ποιμαίνοντες τὰ ποίμνια αὐτῶν.
Esaïe 5.3 Jérémie 4.10 Jérémie 31.10 Michée 6.5 Psaumes 50.4-50.6
¹⁹ ἄκουε γῆ ἰδοὺ ἐγὼ ἐπάγω ἐπὶ τὸν λαὸν τοῦτον κακά τὸν καρπὸν ἀποστροφῆς αὐτῶν ὅτι τῶν λόγων μου οὐ προσέσχον καὶ τὸν νόμον μου ἀπώσαντο.
Jérémie 8.9 Jérémie 22.29 Esaïe 1.2 Jean 3.19-3.21 Actes 8.22
²⁰ ἵνα τί μοι λίβανον ἐκ Σαβα φέρετε καὶ κιννάμωμον ἐκ γῆς μακρόθεν τὰ ὁλοκαυτώματα ὑμῶν οὔκ εἰσιν δεκτά καὶ αἱ θυσίαι ὑμῶν οὐχ ἥδυνάν μοι.
Esaïe 1.11 Amos 5.21-5.22 Michée 6.6-6.8 Psaumes 40.6 Esaïe 60.6
²¹ διὰ τοῦτο τάδε λέγει κύριος ἰδοὺ ἐγὼ δίδωμι ἐπὶ τὸν λαὸν τοῦτον ἀσθένειαν καὶ ἀσθενήσουσιν ἐν αὐτῇ πατέρες καὶ υἱοὶ ἅμα γείτων καὶ ὁ πλησίον αὐτοῦ ἀπολοῦνται.
Esaïe 8.14 Ezéchiel 3.20 Jérémie 13.16 Esaïe 9.14-9.17 Jérémie 18.21
²² τάδε λέγει κύριος ἰδοὺ λαὸς ἔρχεται ἀπὸ βορρᾶ καὶ ἔθνη ἐξεγερθήσεται ἀπ’ ἐσχάτου τῆς γῆς.
Jérémie 50.41-50.43 Jérémie 10.22 Jérémie 6.1 Jérémie 1.14-1.15 Jérémie 5.15
²³ τόξον καὶ ζιβύνην κρατήσουσιν ἰταμός ἐστιν καὶ οὐκ ἐλεήσει φωνὴ αὐτοῦ ὡς θάλασσα κυμαίνουσα ἐφ’ ἵπποις καὶ ἅρμασιν παρατάξεται ὡς πῦρ εἰς πόλεμον πρὸς σέ θύγατερ Σιων.
Esaïe 13.18 Jérémie 50.42 Esaïe 5.26-5.30 Jérémie 30.14 Jérémie 4.29
²⁴ ἠκούσαμεν τὴν ἀκοὴν αὐτῶν παρελύθησαν αἱ χεῖρες ἡμῶν θλῖψις κατέσχεν ἡμᾶς ὠδῖνες ὡς τικτούσης.
Jérémie 4.31 Jérémie 50.43 Jérémie 49.24 Jérémie 30.6 Jérémie 13.21
²⁵ μὴ ἐκπορεύεσθε εἰς ἀγρὸν καὶ ἐν ταῖς ὁδοῖς μὴ βαδίζετε ὅτι ῥομφαία τῶν ἐχθρῶν παροικεῖ κυκλόθεν.
Jérémie 49.29 Jérémie 20.10 Jérémie 14.18 Psaumes 31.13 Job 18.11
²⁶ θύγατερ λαοῦ μου περίζωσαι σάκκον κατάπασαι ἐν σποδῷ πένθος ἀγαπητοῦ ποίησαι σεαυτῇ κοπετὸν οἰκτρόν ὅτι ἐξαίφνης ἥξει ταλαιπωρία ἐφ’ ὑμᾶς.
Zacharie 12.10 Jérémie 4.8 Lamentations 1.2 Jérémie 4.11 Lamentations 1.16
²⁷ δοκιμαστὴν δέδωκά σε ἐν λαοῖς δεδοκιμασμένοις καὶ γνώσῃ με ἐν τῷ δοκιμάσαι με τὴν ὁδὸν αὐτῶν.
Jérémie 1.18 Jérémie 15.20 Jérémie 9.7 Ezéchiel 20.4 Ezéchiel 3.8-3.10
²⁸ πάντες ἀνήκοοι πορευόμενοι σκολιῶς χαλκὸς καὶ σίδηρος πάντες διεφθαρμένοι εἰσίν.
Jérémie 9.4 Jérémie 5.23 Jérémie 18.18 Apocalypse 11.18 Apocalypse 19.2
²⁹ ἐξέλιπεν φυσητὴρ ἀπὸ πυρός ἐξέλιπεν μόλιβος εἰς κενὸν ἀργυροκόπος ἀργυροκοπεῖ πονηρία αὐτῶν οὐκ ἐτάκη.
Esaïe 49.4 Ezéchiel 24.13 1 Pierre 4.12 Zacharie 13.9 Osée 11.7
³⁰ ἀργύριον ἀποδεδοκιμασμένον καλέσατε αὐτούς ὅτι ἀπεδοκίμασεν αὐτοὺς κύριος.
Psaumes 119.119 Osée 9.17 Esaïe 1.22 Proverbes 25.4 Jérémie 7.29