Genèse 19.27
Vulgate

Destruction de Sodome et de Gomorrhe

¹ veneruntque duo angeli Sodomam vespere sedente Loth in foribus civitatis qui cum vidisset surrexit et ivit obviam eis adoravitque pronus in terra
Genèse 18.22 Genèse 18.1-18.5 Job 31.32 Hébreux 13.2
² et dixit obsecro domini declinate in domum pueri vestri et manete ibi lavate pedes vestros et mane proficiscimini in viam vestram qui dixerunt minime sed in platea manebimus
Genèse 18.4 Hébreux 13.2 Juges 19.17-19.21 Luc 24.28-24.29 Actes 16.15
³ conpulit illos oppido ut deverterent ad eum ingressisque domum illius fecit convivium coxit azyma et comederunt
Genèse 18.6-18.8 1 Corinthiens 5.8 1 Samuel 28.24 Juges 6.19 Luc 24.28-24.29
⁴ prius autem quam irent cubitum viri civitatis vallaverunt domum a puero usque ad senem omnis populus simul
Genèse 13.13 Exode 23.2 Proverbes 4.16 Genèse 18.20 Romains 3.15
⁵ vocaveruntque Loth et dixerunt ei ubi sunt viri qui introierunt ad te nocte educ illos huc ut cognoscamus eos
Juges 19.22 Esaïe 3.9 Lévitique 18.22 Jude 1.7 Romains 1.26-1.27
⁶ egressus ad eos Loth post tergum adcludens ostium ait
Juges 19.23
⁷ nolite quaeso fratres mei nolite malum hoc facere
Romains 1.24 Lévitique 20.13 Juges 19.23 1 Samuel 30.23-30.24 1 Corinthiens 6.9-6.11
⁸ habeo duas filias quae necdum cognoverunt virum educam eas ad vos et abutimini eis sicut placuerit vobis dummodo viris istis nihil faciatis mali quia ingressi sunt sub umbraculum tegminis mei
Juges 19.24 Genèse 19.31-19.38 Genèse 42.37 Marc 9.6 Juges 9.15
⁹ at illi dixerunt recede illuc et rursus ingressus es inquiunt ut advena numquid ut iudices te ergo ipsum magis quam hos adfligemus vimque faciebant Loth vehementissime iam prope erat ut refringerent fores
Exode 2.14 Genèse 13.12 1 Samuel 25.17 1 Samuel 17.44 1 Samuel 2.16
¹⁰ et ecce miserunt manum viri et introduxerunt ad se Loth cluseruntque ostium
¹¹ et eos qui erant foris percusserunt caecitate a minimo usque ad maximum ita ut ostium invenire non possent
2 Rois 6.18 Actes 13.11 Deutéronome 28.28-28.29 Jérémie 2.36 Ecclésiaste 10.15
¹² dixerunt autem ad Loth habes hic tuorum quempiam generum aut filios aut filias omnes qui tui sunt educ de urbe hac
Genèse 7.1 2 Pierre 2.7 Apocalypse 18.4 Nombres 16.26 Genèse 19.22
¹³ delebimus enim locum istum eo quod increverit clamor eorum coram Domino qui misit nos ut perdamus illos
Genèse 18.20 Jacques 5.4 Esaïe 3.11 Matthieu 13.49-13.50 1 Chroniques 21.15-21.16
¹⁴ egressus itaque Loth locutus est ad generos suos qui accepturi erant filias eius et dixit surgite egredimini de loco isto quia delebit Dominus civitatem hanc et visus est eis quasi ludens loqui
Nombres 16.21 Nombres 16.45 Nombres 16.26 Exode 9.21 Jérémie 51.6
¹⁵ cumque esset mane cogebant eum angeli dicentes surge et tolle uxorem tuam et duas filias quas habes ne et tu pariter pereas in scelere civitatis
Proverbes 6.4-6.5 Nombres 16.24-16.27 2 Corinthiens 6.2 Apocalypse 18.4 Genèse 19.17
¹⁶ dissimulante illo adprehenderunt manum eius et manum uxoris ac duarum filiarum eius eo quod parceret Dominus illi
Ephésiens 2.4-2.5 Jean 6.44 Exode 34.6 1 Chroniques 16.34 Deutéronome 4.31
¹⁷ et eduxerunt eum posueruntque extra civitatem ibi locutus est ad eum salva animam tuam noli respicere post tergum nec stes in omni circa regione sed in monte salvum te fac ne et tu simul pereas
Genèse 19.26 Matthieu 24.16-24.18 Philippiens 3.13-3.14 Luc 9.62 Luc 17.31-17.32
¹⁸ dixitque Loth ad eos quaeso Domine mi
Actes 10.14 Actes 9.13 2 Rois 5.11-5.12 Jean 13.6-13.8 Genèse 32.26
¹⁹ quia invenit servus tuus gratiam coram te et magnificasti misericordiam tuam quam fecisti mecum ut salvares animam meam nec possum in monte salvari ne forte adprehendat me malum et moriar
Romains 8.31 1 Samuel 27.1 Matthieu 8.25-8.26 Psaumes 18.1-18.50 1 Timothée 1.14-1.16
²⁰ est civitas haec iuxta ad quam possum fugere parva et salvabor in ea numquid non modica est et vivet anima mea
Proverbes 3.5-3.7 Psaumes 119.175 Amos 3.6 Esaïe 55.3 Genèse 19.30
²¹ dixitque ad eum ecce etiam in hoc suscepi preces tuas ut non subvertam urbem pro qua locutus es
Job 42.8-42.9 Luc 11.8 Genèse 4.7 Psaumes 34.15 Jérémie 14.10
²² festina et salvare ibi quia non potero facere quicquam donec ingrediaris illuc idcirco vocatum est nomen urbis illius Segor
Genèse 14.2 Genèse 13.10 2 Timothée 2.13 Esaïe 65.8 Esaïe 15.5
²³ sol egressus est super terram et Loth ingressus est in Segor
²⁴ igitur Dominus pluit super Sodomam et Gomorram sulphur et ignem a Domino de caelo
Deutéronome 29.23 Esaïe 13.19 Jude 1.7 2 Pierre 2.6 Jérémie 50.40
²⁵ et subvertit civitates has et omnem circa regionem universos habitatores urbium et cuncta terrae virentia
Psaumes 107.34 Genèse 14.3 Genèse 13.10
²⁶ respiciensque uxor eius post se versa est in statuam salis
Genèse 19.17 Proverbes 14.14 Hébreux 10.38 Luc 17.31-17.32 Nombres 16.38
²⁷ Abraham autem consurgens mane ubi steterat prius cum Domino
Habakuk 2.1 Hébreux 2.1 Genèse 18.22-18.33 Psaumes 5.3 Ezéchiel 16.49-16.50
²⁸ intuitus est Sodomam et Gomorram et universam terram regionis illius viditque ascendentem favillam de terra quasi fornacis fumum
Apocalypse 18.9 2 Pierre 2.7 Jude 1.7 Apocalypse 18.18 Apocalypse 21.8
²⁹ cum enim subverteret Deus civitates regionis illius recordatus est Abrahae et liberavit Loth de subversione urbium in quibus habitaverat
Genèse 8.1 Deutéronome 9.5 Psaumes 145.20 Psaumes 136.23 Psaumes 105.42

Descendance de Lot

³⁰ ascenditque Loth de Segor et mansit in monte duae quoque filiae eius cum eo timuerat enim manere in Segor et mansit in spelunca ipse et duae filiae eius
Genèse 19.19 Jérémie 2.36-2.37 Jacques 1.8 Genèse 49.4 Deutéronome 34.3
³¹ dixitque maior ad minorem pater noster senex est et nullus virorum remansit in terra qui possit ingredi ad nos iuxta morem universae terrae
Genèse 16.4 Genèse 16.2 Deutéronome 25.5 Genèse 19.28 Genèse 6.4
³² veni inebriemus eum vino dormiamusque cum eo ut servare possimus ex patre nostro semen
Proverbes 23.31-23.33 Marc 12.19 Lévitique 18.6-18.7 Genèse 11.3 Genèse 9.21
³³ dederunt itaque patri suo bibere vinum nocte illa et ingressa est maior dormivitque cum patre at ille non sensit nec quando accubuit filia nec quando surrexit
Proverbes 23.29-23.35 Proverbes 20.1 Habakuk 2.15-2.16 Lévitique 18.6-18.7
³⁴ altera quoque die dixit maior ad minorem ecce dormivi heri cum patre meo demus ei bibere vinum etiam hac nocte et dormies cum eo ut salvemus semen de patre nostro
Esaïe 3.9 Jérémie 6.15 Jérémie 8.12 Jérémie 3.3 Jérémie 5.3
³⁵ dederunt et illa nocte patri vinum ingressaque minor filia dormivit cum eo et nec tunc quidem sensit quando concubuerit vel quando illa surrexerit
1 Corinthiens 10.11-10.12 Ecclésiaste 7.26 1 Pierre 4.7 Luc 21.34 Psaumes 8.4
³⁶ conceperunt ergo duae filiae Loth de patre suo
Genèse 19.8 Lévitique 18.6-18.7 1 Samuel 15.33 Habakuk 2.15 Matthieu 7.2
³⁷ peperitque maior filium et vocavit nomen eius Moab ipse est pater Moabitarum usque in praesentem diem
Deutéronome 2.9 Ruth 4.10 Deutéronome 2.19 Nombres 24.1-24.25 Juges 3.1-3.31
³⁸ minor quoque peperit filium et vocavit nomen eius Ammon id est filius populi mei ipse est pater Ammanitarum usque hodie
Deutéronome 2.19 Sophonie 2.9 Deutéronome 2.9 Néhémie 13.23-13.28 2 Samuel 10.1-10.19