1 Rois 15
Vulgate

Règne d’Abijam sur Juda

1 igitur in octavodecimo anno regni Hieroboam filii Nabath regnavit Abiam super Iudam
1 Rois 14.31 2 Chroniques 13.1-13.22
2 tribus annis regnavit in Hierusalem nomen matris eius Maacha filia Absalom
2 Chroniques 13.2 2 Chroniques 11.20-11.22 1 Rois 15.13
3 ambulavitque in omnibus peccatis patris sui quae fecerat ante eum nec erat cor eius perfectum cum Domino Deo suo sicut cor David patris eius
1 Rois 11.4 Psaumes 119.80 1 Rois 3.14 1 Rois 14.21-14.22 1 Rois 11.33
4 sed propter David dedit ei Dominus Deus suus lucernam in Hierusalem ut suscitaret filium eius post eum et staret Hierusalem
1 Rois 11.36 2 Chroniques 21.7 Psaumes 18.28 Esaïe 37.35 Deutéronome 4.37
5 eo quod fecisset David rectum in oculis Domini et non declinasset ab omnibus quae praeceperat ei cunctis diebus vitae suae excepto sermone Uriae Hetthei
1 Rois 14.8 2 Samuel 11.15-11.17 Luc 1.6 2 Samuel 12.9-12.10 1 Rois 9.4
6 attamen bellum fuit inter Roboam et inter Hieroboam omni tempore vitae eius
1 Rois 14.30
7 reliqua autem sermonum Abiam et omnia quae fecit nonne haec scripta sunt in libro verborum dierum regum Iuda fuitque proelium inter Abiam et inter Hieroboam
2 Chroniques 13.2-13.22 1 Rois 14.29
8 et dormivit Abiam cum patribus suis et sepelierunt eum in civitate David regnavitque Asa filius eius pro eo
2 Chroniques 14.1 1 Rois 14.31 Matthieu 1.7-1.8 1 Rois 14.1 1 Chroniques 3.9

Règne d’Asa sur Juda

9 in anno ergo vicesimo Hieroboam regis Israhel regnavit Asa rex Iuda
10 et quadraginta uno anno regnavit in Hierusalem nomen matris eius Maacha filia Absalom
1 Rois 15.2 2 Chroniques 13.2 1 Rois 15.13 2 Chroniques 11.20-11.21
11 et fecit Asa rectum ante conspectum Domini sicut David pater eius
2 Chroniques 14.2 2 Chroniques 16.7-16.10 2 Chroniques 14.11 2 Chroniques 15.17 1 Rois 15.3
12 et abstulit effeminatos de terra purgavitque universas sordes idolorum quae fecerant patres eius
1 Rois 22.46 1 Rois 11.7-11.8 1 Rois 14.23-14.24 2 Chroniques 14.2-14.5 Jude 1.7
13 insuper et Maacham matrem suam amovit ne esset princeps in sacris Priapi et in luco eius quem consecraverat subvertitque specum eius et confregit simulacrum turpissimum et conbusit in torrente Cedron
Exode 32.20 2 Chroniques 15.15-15.19 Galates 2.5-2.6 2 Chroniques 34.4 2 Samuel 15.23
14 excelsa autem non abstulit verumtamen cor Asa perfectum erat cum Deo cunctis diebus suis
1 Rois 15.3 1 Rois 22.43 1 Rois 8.61 2 Rois 12.3 2 Rois 14.4
15 et intulit ea quae sanctificaverat pater suus et voverat in domum Domini argentum et aurum et vasa
1 Rois 7.51 2 Chroniques 14.13 2 Chroniques 15.18 1 Chroniques 26.26-26.28
16 bellum autem erat inter Asa et Baasa regem Israhel cunctis diebus eorum
1 Rois 15.32 1 Rois 15.6-15.7 2 Chroniques 16.1-16.6 1 Rois 14.30
17 ascendit quoque Baasa rex Israhel in Iudam et aedificavit Rama ut non possit quispiam egredi vel ingredi de parte Asa regis Iudae
1 Rois 12.27 Josué 18.25 2 Chroniques 16.1-16.6 1 Rois 15.21-15.22 1 Rois 15.27
18 tollens itaque Asa omne argentum et aurum quod remanserat in thesauris domus Domini et in thesauris domus regiae dedit illud in manu servorum suorum et misit ad Benadad filium Tabremmon filii Ezion regem Syriae qui habitabat in Damasco dicens
2 Rois 12.18 1 Rois 14.26 1 Rois 11.23-11.24 1 Rois 15.15 Genèse 14.15
19 foedus est inter me et te et inter patrem meum et patrem tuum ideo misi tibi munera argentum et aurum et peto ut venias et irritum facias foedus quod habes cum Baasa rege Israhel et recedat a me
2 Chroniques 16.7 Esaïe 31.1 Ezéchiel 17.13-17.16 2 Chroniques 16.3 2 Chroniques 19.2
20 adquiescens Benadad regi Asa misit principes exercitus sui in civitates Israhel et percusserunt Ahion et Dan et Abel domum Maacha et universam Cenneroth omnem scilicet terram Nepthalim
2 Rois 15.29 Juges 18.29 Josué 11.2 Josué 12.3 2 Samuel 20.14-20.15
21 quod cum audisset Baasa intermisit aedificare Rama et reversus est in Thersa
1 Rois 14.17 1 Rois 16.15-16.18 2 Chroniques 16.5 1 Rois 15.17 Cantique 6.4
22 rex autem Asa nuntium misit in omnem Iudam nemo sit excusatus et tulerunt lapides Rama et ligna eius quibus aedificaverat Baasa et extruxit de eis rex Asa Gaba Beniamin et Maspha
Josué 21.17 Josué 18.24 Josué 18.26 2 Chroniques 16.6 1 Samuel 7.5
23 reliqua autem omnium sermonum Asa et universae fortitudines eius et cuncta quae fecit et civitates quas extruxit nonne haec scripta sunt in libro verborum dierum regum Iuda verumtamen in tempore senectutis suae doluit pedes
Psaumes 90.10 2 Chroniques 16.11-16.14 1 Rois 15.7-15.8 1 Rois 14.29-14.31
24 et dormivit cum patribus suis et sepultus est cum eis in civitate David patris sui regnavitque Iosaphat filius eius pro eo
Matthieu 1.8 1 Rois 22.41-22.43 2 Chroniques 17.1-17.9

Règne de Nadab sur Israël

25 Nadab vero filius Hieroboam regnavit super Israhel anno secundo Asa regis Iuda regnavitque super Israhel duobus annis
1 Rois 14.20 1 Rois 14.12
26 et fecit quod malum est in conspectu Domini et ambulavit in viis patris sui et in peccatis eius quibus peccare fecit Israhel
1 Rois 14.16 1 Rois 15.34 1 Rois 15.30 1 Rois 12.28-12.33 1 Rois 13.33-13.34
27 insidiatus est autem ei Baasa filius Ahia de domo Isachar et percussit eum in Gebbethon quae est urbs Philisthinorum siquidem Nadab et omnis Israhel obsidebant Gebbethon
Josué 19.44 Josué 21.23 1 Rois 14.14 1 Rois 16.15 1 Rois 15.16-15.17
28 interfecit igitur illum Baasa in anno tertio Asa regis Iuda et regnavit pro eo
Deutéronome 32.35
29 cumque regnasset percussit omnem domum Hieroboam non dimisit ne unam quidem animam de semine eius donec deleret eum iuxta verbum Domini quod locutus fuerat in manu servi sui Ahiae Silonitis
1 Rois 14.9-14.16 2 Rois 19.25 2 Rois 10.31 2 Rois 10.10-10.11 2 Rois 9.7-9.10
30 propter peccata Hieroboam quae peccaverat et quibus peccare fecerat Israhel et propter delictum quo inritaverat Dominum Deum Israhel
1 Rois 15.26 1 Rois 14.9-14.16 1 Rois 14.22
31 reliqua autem sermonum Nadab et omnia quae operatus est nonne haec scripta sunt in libro verborum dierum regum Israhel
1 Rois 14.19 1 Rois 16.27 1 Rois 16.5 1 Rois 16.20 1 Rois 16.14

Règne de Baesha sur Israël

32 fuitque bellum inter Asa et Baasa regem Israhel cunctis diebus eorum
1 Rois 15.16
33 anno tertio Asa regis Iuda regnavit Baasa filius Ahia super omnem Israhel in Thersa viginti quattuor annis
1 Rois 16.8
34 et fecit malum coram Domino ambulavitque in via Hieroboam et in peccatis eius quibus peccare fecit Israhel
1 Rois 15.26 1 Rois 12.28-12.29 1 Rois 14.16 1 Rois 13.33-13.34 Esaïe 1.4